Danke für...
...dini grosszügigkeit
...dis vertraue
...dini ehrlichkeit
...dini geduld
...dis warme härz
...dis verständnis
...dini ufmerksamkeit und wachheit
...dini umarmige
...dini tüüfgründigkeit
...schlaflosi nächt
...gedanke a en unglaubliche mänsch
...en abig uf me bänkli a de limmet
...dini wunderbare wort, ob diräkt, per sms, per pn (uf welere site au immer)
...din humor
...intressanti gspröch
...diräktheit
...gmeinsami spaziergäng
...s magische pentagramm
...de schwarz stei
...das gfühl vo verbundeheit
...din respäkt, dini achtig, vor dem, was isch, au wänns nöd immer eifach isch
...en abig uf me müürli mit blick uf de fluss
...en abig ame füür
...dini (mängisch eidütige) zweidütigkeite
...de 25. septämber
...de kuss zoberscht obe uf me schwarze turm, im wind
...
danke, dass du...
...mir zuelosisch, wänn ich öpis möchte verzelä
...da bisch, wänn ich dich bruch
...mir warm gisch, wänn ich chalt ha
...mir immer wider d auge öffnisch
...mich nöd verurteilsch für mini blinde fläcke
...mir au dänn es lächle uf d lippe chasch zaubere, wänn mir nöd zum lache isch
...mich begleitisch
...dich begleite lasch
...mi mit mine macke gärn häsch
...mir immer wider seisch, was du dänksch
...im richtige momänt cho bisch
...mich au ohni wort verstasch
...
danke, dass i...
...mich a dir cha alähne, wänn ich müed bi
...mich au dänn wohl fühl bi dir, wänn du en wunde punkt triffsch
...s gfühl ha, eifach ich chönne z si
...so öpis döf erläbe
...di döf kännelerne
...dir id auge luege cha
...die seeleverwandtschaft gspüüre döf
...mi au mal schlafend döf stelle
...mi au ohni wort verstande fühl
...mängisch a nüt anders cha dänke als a dich
...die zit mit dir au ohni rosaroti brülle cha gnüsse
...en witere sinn vom läbe gfunde ha
...dini nöchi gspüüre, au wänn du kilometer wit entfärt vo mir bisch
...öpis dänke und du s ussprichsch (oder mich nur aluegsch und das langet zum wüsse, dass du mich verstande häsch)
...vo dir cha lärne
...
danke, dass es dich git
danke für dini liebi