Ex- Gspöndli

suchst du eine passende goaliebe dann suche sie hier?

Ich han mal welle fröge wie iers so händ mit euchne Ex-Fründe und Fründine?

- Voll de krach
8
9%
- Mer seid sich hoi und ciao
31
35%
- Mer isch no guet Kolleg
27
31%
- Me als en guete Kolleg
15
17%
- Mer hed es offes Verhältniss
7
8%
 
Insgesamt abgegebene Stimmen: 88

Benutzeravatar
Zauberhäxli
Platin Member
Platin Member
Beiträge: 508
Registriert: Fr 22. Sep 2006, 08:49
Wohnort: Land of Fantasy

Beitrag von Zauberhäxli »

Klar Iversucht risst usänand und vergiftet jedi Beziehig, ich chönnts au nöd verträge wänn mir min Fründ würd verbüte mini Kollegä z`knuddle und ihne zur Begrüessig en Kuss ufs Mul z`gäh.

Ich bin aber dä Meinig, dass wännd ä schöni und erfüllti Beziehig häsch, debi natürlich au äs abwechsligsrichs Sexläbe, dass dänn gar kä Sex oder ähnliches vu anderne Lüt bruchs oder willsch. Zumindest ischs bi mir so und ich bin glücklich dämit.
Gilraen
Silver Member
Silver Member
Beiträge: 66
Registriert: Mo 6. Nov 2006, 12:34
Wohnort: Andersland

Ex-gspöndli

Beitrag von Gilraen »

Zauberhäxli hat geschrieben:Ich bin aber dä Meinig, dass wännd ä schöni und erfüllti Beziehig häsch, debi natürlich au äs abwechsligsrichs Sexläbe, dass dänn gar kä Sex oder ähnliches vu anderne Lüt bruchs oder willsch

nur schnell zur Klarifizierig: Aber sicher au Du hesch zwüschedure en "Fantasie" mit öpperem? :wink:

Ich gseh das mit de Iversucht no ähnlich wied Bhabra, dass es unnötig isch und en verschwändeti Energie, wieso chame sich nid eifach für öpper freue? Und wenns drum gaht dass ein en Person wett verlah will si sich öpper andrem meh zuezoge fühlt, denn findi chan das inre "stinknormale" Beziehig genauso passiere..
Ich han au scho so en Beziehig gläbt, han aber au müsse usefinde, dass wenn ufne Person triffsch und en Beziehgi mitere afangsch, wo das Dänke noni/nid intus hed, dass es denn scho chli schwieriger isch, mit dem umzgah..

@bhabra (oder so? :oops: ) Du hesch gseit du hegsch scho einigi so Beziehige gfüehrt, ich han ds Glück leider noni gha, mehreri vo dere Sorte kennedslerne :|

Ah ja und zum eigentliche Thema vo dem thread :-D: ich hans no mit allne mine vorherige Partner guet und gseh die einte au immer wieder
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Beitrag von Melliandra »

@Bhabra

Jo da muess ich dier rächt gäh... Iversucht hed meischdens mit Verluschtangscht
z'due oder halt allgemein mitere Sälbschtunsicherheit...

Ich gibe dier rächt dass mer, wend Iversucht ufchund, mal bi sich sött luege
werum das so isch, aber ich han au usegfunde für mich, dass wenn
ich en Bezieig a strebe wo ich langfrischtig öbis wett ufbaue, viellicht
mit Familie und Chind, ich en Partner bruche wo mier die Sälbsicherheit
es Stuck wiet chan gäh...

Glaub mer ich han mich lang mit dem Thema usenand gsetzt aber ich bin zu
dem Schluss cho, dass ich immer Angscht hät wenn ich inere offne Bezieig
würd läbe, dass mien Partner irgendwen würd cho und würd gfinde,
hej ich han mich jetzt in öber anderscht verliebt... klar das chan au inere
normale Bezieig passiere, aber dete hani irgendwie dSicherheit dass
er das ja nid wird mache will er sich ja für mich entschiede hed... wenn
denn öber anderscht chund, denn isch dBez. verbie und ich muess demit
vertig werde. Aber bi de offnige Bezieig hätti ja jedes mal sGfühl jetzt
chönt er sich ja neu verliebe... hehe viellicht ganz en unbegründeti Angscht...
Viellicht bruched viel Bezieige au nur dFreiheit dass sies chönted mache,
macheds denn aber nid will ja "sIii-ängende" nid ume isch.. kei Ahnig.

Aber durchus es Intressants thema... :-)
*poink*
Cybergnom
Beiträge: 2
Registriert: Fr 13. Apr 2007, 23:03
Wohnort: Bern

Beitrag von Cybergnom »

Gugu's

Da würdi au gärn mi Sänf drzuägä. =)


Findes faszinierend, weni beobachtä wiä 2 sich gägäsitig azogä fülä.
Zerst es Körperlichs, Emozionals Gfül,
den machz irgendwen klick im Chopf u en Iprägtä, sit Chindheit vo TV, Bravo, u em Sozialä umfäld, itreniärtz Programm fangt a funktioniärä. Jedä het sis eigätä, kenä hets glichä Programm im Grind wiä dr ander, Konflikä si scho vorProgrammiert.
Jedä het sini eigeti sicht vo sim Tasli, jedä bringt sini eigeti Gschicht mit sich.

Was i a dem schad findä isch das die 2 Mönschä wo sich am meistä liäbä sich gägäsitig so fili Verbot u Pflichtä ufzwingä, erwartigä Tag für Tag, immer dra, dr anderi z'kontroliärä u Testä ob er diä un'gsribnigä gsetz vom andärä au befolgt.
Macht er nur 1 Fäler isch Terror los, bim 3 mal isches meistens fertig, isch das en meisterschaft, z'bewisä wer dr besser isch? Isch t'meisterschaft nid das me sich gägäsitig d wulchä 7 unders Füdlä schiäbt, sälbstlos zum Glück vom andärä?

Fili merkä garnid dasis so machä, doch wirtz ihnä bewust weme mal diräckt ohni hemigä das Thema gägäsitig usänandernimt u aktzeptiert wiemer isch u wasme macht.

Isch diä "wahri" Liebi nid über allem,
Hilft me sich gägäsitig dasme Glücklich chan si, hilft me sich gägäsitig dr richdigi Partner z'findä, oder isches nur wichdig dases eim sälber guät gat (Egoistä!) u dr anderi unter kontrolä z'haltä, das diä eigeti verlustangst ihrä Illusion vor Macht fersinkt.
Gatz ihrä Bezijig, nid drum das en durendä usdusch statfindet dasme nur cha gä u alles zrugbechunt wasme brucht, susch isches ja ke Bezijig, sondern Egoistischi Gir.

I hami oftmals Scheisse gfült weni im nachinein gschnalt han was i agrichtet han, dr liäbsti mönsch ohni ändi selisch vergwaltiget, Tag für Tag es schlächtz gfül zunänander, en unbewustä biräweichä kampf um Macht und Kontrolä.



Kategorisierig: Bezijig!

Hami lang gfragt was en richdigi Bezijig isch.
Druf bini cho das sobald ich mich mit irgendöbisem/öberem us mirä Umwält en Verbindig iga, sig das zur Gablä wo ich issä, dr Baum woni am Hoizont beobachtä wiener im Wind Wipet, en Koleg, Fründ, Familiä, hani immer, obi wet oder nid, en Bezug drzuä, mini Gedankä u Forstelig beziä sich i dem Momänt uf dasjenigä wo ich mini ufmerksamkeit hilänkä.

Warum sägi de das isch MINI Fründin,
mini als min Psitz?
Fründin als ihrgend en Kategorisches schemä vorä bezijigsform woni vomnä Individuum erwartä?

Mir isch de allmälich klarwordä das ich zu allem u jedem en anderi Bezijig han, das es nid möglich isch mitemene Glas en Bezijig zfüärä wiä mitärä Gablä :)
Git en megasauerei ufem Tisch, öbä glich gsetz us wemer das mit mitmönschä macht

Das ich zu jedem einzälnä Mönsch uf derä Ärdä en andärä Bezug ha, wiä ich mit ihm umga u läbä u widerum jedä undäränander en anderi bezijig füert, wo für mi fölig unforstelbar isch.

Dases so nid möglich isch mini eigeti forstelig vomnä Idealmönsch ihrgendöberem au nid dem wo mich Liäbt chan ufzwingä, dases oftmals eifacher isch we ich mich ändärä, so äderet sich diä ganzi Wält (das isch macht!)
Nim was chunt, la la ga was geit. De hesch alles was du bruchsch u nüt wo di Schtresst

Warum erwart ich öbis vor Fründin/Fründ wo si mir nid wet gä.
I wet nüt machä das si sich schlächt fühlt
Glich wet ich nüt für si machä das ich mich nüm wohl fühlä,

Jedä isch gnuä alt sich diä sachä woner brucht zum läbä z'findä u nid wiä bim Mami umägränä bismers bechunt.
Muäterliäbi isch unferglichbar u unersetzbar.

I ha für alli themänä i mim läbä en anderi Person, es wär sinlos mit em eintä über Computer ga stussä we ihn das nid interesiert, u er lieber über z'Läbä wür Psylosofiärä, u umgekert isch dr aderi nur a Compis interesiert, u fült sich gstört weni mit ihm über's läbä redä.



Es isch jedä n'eigäständigi persöndlichkeit
wo nid gänderet söll wärdä u nid ghinderet wärdä das er sich änderet.


Vor Bhabra:

Für me sind das eifach Beziehige vo immer en afang hend u nie es endi den beziehig bestot ja immer, nur halt uf verschideni arte.


I Liäbä so sit 6 Jahr, u es isch vo Jahr zu Jahr besser wordä.
En würklich bemerkbarä vortschrit. *g*

Immerwider hets sich gänderet, au we diä ändirigä oftmals asträngend si gsi, hani mich chönä apassä u es isch witerga.
Zum üsem erstunä hetz grad wider vo vorä agfangä, früsch Verliäbt, mitem guätä gfühl vo Vertrauä, weme Vertraut bruchtz ke erwartigä, dasme mitenander durt Höl cha u zäma wider in Himmel düsä, fili springä ihr Hol ab u ferbränä sich grusig dr füdu, diä wo zämähebä ereichä z'Glück vor Liäbi uf dr Wulchä sibänähalb =)

I fröj mi scho jetzt uf diä nächsti Achderban dur t'Höl um nomal en Wulcha witerzcho :)

Glich gsetz us mit allnä andärä, bezijigä, jedesmal weni ihnä begägnä hani en nöji Wält vor mir woni wider nöjs chan lernä, um zämä witerzcho.
Was en Bezijig für immer früsch haltät u nid lat la usdröchnä.





Ich wüsch mir fest, das, das alles niämär persöndlich nimt.
Es isch min versuäch, andärnä en gedankäastos z'gä wiä si sälber zu me glück, z'fridäheit, u Liäbi chömä.

No öbis zum abrundä:)

Tröji:
Mirä Asichtnach fangt t'Troji bi eim sälber a, das ich mir sälber Tröj bi u mi nid sälber verarschä, das i erlich zu mir bi u drzuä sta wasi dänkä u fülä. Weni das nid machä wirdi automatisch Unglücklich Depresif, was mim ferhältnis zu minä mitmönschä woni liäbä u en Bezijig pflegä nid würklich z'guät chunt, u das dadurch mini fründä/früninä au unglücklich wärdä, das wet ich niämals.

Das jedä wo mi liäbt mir diä freiheit chan gä en möglichkeit z'findä dases mir guät gat u somit sich alli andärä au fröjä u mit mir zämä chöj glucklich si.
z'Vertrauä druf das dr ander sich Tröj blibt, das ich nid au drunder muä lidä, u wen de dr anderì unterstützä u nid im schwirigstä momänt im Läba no vertigmachä.

Wiäni scho oftmals ha gse, we dr einti am ändi isch, sich untröj isch sich ferarscht het u sich nächdelang plagt het um nur am andärä sirä erwartigä tröj z'blibä, den eimal erlich zu sich isch, u sich öbis guäts wet machä u dr anderi wiänä bombäagriff alles zertört, wil das sinä erwartigä nid het entsprochä.

I weis das wot keinä wo das wirt läsä, i weis fili chöj nid anders, wüsä nid wiäs au susch cha ga.

Wils eifacher isch öbis z'machä wo alli machä, eifacher isch wasmer scho z'läbälang macht.

En Eigäiniziatifä, Muat, fill Chraft u sälbstvertrauä brucht's um sin eigeti Wäg z'ga, t'Angst vom allei si t'angst vorem All-ein-sein, u doch wartet z'ganzä Uniwersum uf di!
t'angst vor sich sälber, wome sit Jahrä veruntrojt het.
t'Angst vor Nöjem usw....

Ha fill mit minä Mitbewoner drüber gret, afänglichs absolutz erstunä, hend sich nid chönä forstelä wia das gat, aber si heimi akzeptiert, hüt beobachti si u chami nur fröja zu was für erkäntnis si zämä gfundä hend u ke stress ihr rundi me entstat.
Es bestätiget mi Tag für Tag, mit jedem wos gschnalt het u jedem wos nid gschnalt het. =)


Bi ja scho ruig :) hami nur zu dem thema welä usprächä, isches interesants, u wirt z,läbälang z'interesantischtä thema blibä...
All-ein-sein
Fallen Angel

Beitrag von Fallen Angel »

Cybergnom hat geschrieben:
I ha für alli themänä i mim läbä en anderi Person, es wär sinlos mit em eintä über Computer ga stussä we ihn das nid interesiert, u er lieber über z'Läbä wür Psylosofiärä, u umgekert isch dr aderi nur a Compis interesiert, u fült sich gstört weni mit ihm über's läbä redä.
aso ich mach eigetlich beides gern :) und das isch genau wie du seisch, jede isch chli anderscht und hät anderi interesse e völligi übereinstimmig wirds nie geh und wär vermuetlich au total langwiilig.

ich ha dur mini ex musik känneglernt woni suscht villicht nie glosst hätt, han mich mit theme beschäftigt wo ich i mim läbe allei nie brucht hätt, ha über sache diskutiert und mängmal au gstritte woni nie als wichtig empfunde hätt oder woni dänkt han ich wüssi eh bescheid und eneme bessere belehrt wore bin.

und das isch es vermuetlich wone bezihig usmacht, dass mer inere bezihig über sich sälber usewachst, dass mer für anderi da isch, dass mer merkt womer sälber gränze hätt und setzt und die nöd möcht überschriite (lah). mer lern sich sälber besser känne inere bezihig und mängmal da merkt mer dass es au eifach schön isch für anderi da z'sii.

wänn bezihig vorbii isch, muss mer wieder lerne "egozentrisch" z'dänke das fangt nur scho bim poschte a, mer chauft uf eimal wieder sache, wo mer gar nüm gwüsst hätt dass mer das gern hät...

e bezihig isch per se e selbstufgab. natürlich chammer das variiere und mer chan sicher au säge, dass es guet isch wänn jedi chli sis eigne ding dreyht - guet für d'bezihig und für jede einzeln. und doch chammer kei liebes bezihig ha ohni dass mer sich ufenand iilaht. oder es macht dänn eigetlich kei sinn mitenand zgah ;)

e bezihig bout uf treui-i und vertraue (demit meini freyheit lah) und gfühl - und wänn eis vo dene nüme ume isch, dänn chammers irgedwänn vergässe.

I dem einte buech staht: "elfen leben länger als menschen, und weil sie so lange leben, schwören sie sich niemals treue bis ans lebensende. sie beenden die beziehung sobald die erste lüge zwischen ihnen steht."

aber die angst vorem allei sii - und es isch ja au mängmal chli scheisse - isch halt scho en sehr zentrale punkt für villi, wo dänn uf freyheit verzichtet, oder umgekehrt de ander mache laht, au wänn sich beide nöd guet fühled debii - oder sogar, dass mer zämeblibt obwohl das gfühl vom verbunde sii gar nüme so würkli da isch.

sicher wär's "richtig" dänn es ändi z'setze - nur wer hätt die chraft dezue? und isch nöd au das e chli ego? wärs villicht nöd mängmal au guet sone ziit durezstah und mitenand z'rede und halt doch en wäg z'finde um bezihig z'rette?

es hängt halt wie so zimmli alles im läbe - vo de situation ab...
Cybergnom
Beiträge: 2
Registriert: Fr 13. Apr 2007, 23:03
Wohnort: Bern

Liebe, sex und Zartlichkeit :) *Grins*

Beitrag von Cybergnom »

Gügsli =)

Bezijig Abrächä, Schluss machä, Zämä gä, Fremd ga ect.

Kurligi usdrück find i mängisch u jedä verstat wider ganz öbis anders.

Warum Abrächä schluss machä, mitemä mönsch womä doch liäbt?!? We öbis nid guät isch, we öbis nid so louft dasme glücklich isch, isch das würkli en grund alles ufzgä? Es isch IMMER en möglichkeit da, öbis z'ändärä, es brucht nur chli muät, sälbstvertrauä es biz kreatifität u phantasi. Mä cha en Bezijig umgstaltä, wiä sis zimmer, schlächtz, wo eim nid gfalt usänä u dur nöjs ersetzä (NLP Neuro-Linguistischi-Programiärig) abrächä u ufgä findi chli feig u machä setig wo nid bereit si öbis z'investiärä, obwolmä z'drüfachä wider zrug bechunt.

Ufem stinkigstä Mischt wachsä diä schönstä Rosä het dr Gärtner gseit.

Wemä zäma durt Höll cha, chuntmä wider uft Wulchä Sbänähalb, diä wo ihr Höll abspringa, verbränä sich nur grusig dr Füdu.

Meistens sis erwartigä wo nid erfült/bestätiget wärdä, wo zu entüschigä füärä.
Wo dem Idealbild womä sich i sim läbä het ufbauä nid entspricht, de fölig erstunt dastat u sich fragt warum t'Wält nid so isch wiämer gärn het, inä instanti verzwiflig fergheit, u fersuächt diä ganzi Wält z'ändärä.
Anstat, ganz eifach mal überlegä wasmä a sich sälber chönti ändärä, wemä das gschaft het luägtmä ganz verwunderet u bemerkt das sich diä ganz Wält veränderet het *grins*




Wägä sälbstufgab u sis eigätä Ding dräjä:

Für mi, us erfarigä, isches mir am wichdigstä das ich min Film gnadälos chan duräziä.
Han immerwider gmerkt das wen de zuästand chunt das ich mich verlürä, das ich nüm diä sachä machä wo ich bi, we abhängikeit entstat, we mi Grind me bir Fründin isch als bi mir.
Wird i ufnä art langwilig, das das weswägä sich öber i mi ferliäbt het, was mi interesant u speziel macht nüm da isch, willi das nüm machä, willi das nüm so machä wiä weni allei bi.
Dasi sich mis sälbstfertrauä/sälbstsicherheit fat a abouä, weni dur diä sachä woni ufgä ha, ke sälbstbestätigung me bechumä.
Ke fröjd me a mim altag ha, jedätag i jedärä glägäheit mit dem eintä Mönsch umähangä, bis sich en monotoni
Abstumpfti rutinä ergit.
Das sich das früener oder später zumnä unwohlfülä entwicklet, en hilflosikeit wili nüm weis wiä handlä, abhängig zumnä andärä mönsch, dasi mir chan ibildä dasi glücklich bi, langsam aber sicher chunt diä unzfridäheit at oberflächi u fat a usschla, ohni dasis wet anderi amözlä, gugus zur schnurä usäla, anigslos u verzwiflet bricht en krach us, u nimt kess ändi wilt uhrsach nid erkänbahr isch dasi nid diräkt mit dr würkig in verbindig stadt, wils en monatelangä prozäs isch, wiänä Junki wo im vollaff sim nächstä schuss nachäsecklät.

Krausalität isch hartnäckig u git sich nur schwär z'erkänä.

We en abhängikeit entstadt, wen t'sälbstsicherheit sinkt, wirt angst vor veränderig immer grösser, ohni sälbstvertrauä wirtz schwirig öbis eigäständig z'ändärä.
We i derä sitwation vor unstimikeit nüt gänderet cha wärdä isch für filli diä einzig lösig alles ufzgä, abrächä,schluss machä usw....
Obwol filich nur öbis chlises muä ufga wärdä, um fill, fillme z'gwünä, dr unterschid zwüschä koleg/in, fründ/in, isch das en körperlichi bezijig mitspilt, wemä da chan wäglä, blibt en läbenslänglichi frünschaft überig.


Darum isches für mi höchstes gebot u prinzip das ich mich blibä.
Klingt komisch, ist aber so. =)

Es Git au das bispil mitä Ringä.
En mönsch wo en Partner brucht zum glücklich si, en abhängikeit igat zum Läbä, ergit zämä en 100% Ring
Wunderbar, solang die Bezijig au funktioniert, spätischtens bir "trenig" si tepresionä scho am wartä.
Zwöj 100% Mönschä wo au allei glücklich si ergäbä zämä 200% foll Power für diä Bezijig u weme ke bock ufänander het, chamä sälbstsicher öbis ändärä, wilmä ke angst het, ke verlustangst i sich het we sich öbis änderet, es git kes ändi, nur immerwider en wändi.

Ich gse so fili Pärli, glücklich verliebti, u bi fasch alnä gseni au t'Angst, t'Angst vorä veränderig,("trennig")
Fili verdränges obwols immer u immerwider z'glichä chunt.
Nid fäig mit derä sitwation umzga, sini eigäti 100% nid bewust.


Wünschä allnä FILL glück u es offnigs Härz wes wider sowit isch.


Erhofä sehr das mini Läbens/Liebenserfarigä am eint oder andärä öbis bringt, um es bitz me Fröjd u Glück uf derä Ärdä z'ha



Zur abrundig =)

Allei si:

Alleisi, wemä da wort mal chli elastisch plastisch it lengi ziät isches fantastisch was sich drus ergit.

All-ein-sein, Mit dem All-Eins-Sein, Das alles eis isch dasme wemä allei isch mit allem verbundä isch, das du alles bisch das alles du bisch, das du erst dän nüm allei bisch we du würklich All-ein-bisch =) Das du niä all-ein-bisch, we du dich immerwider mit öbisem in verbindig setzisch, we immr en angst da isch vorem all-ein-sein.

Alles gschribnigä si sälbsterfarigä, es git ke grund das, das öber muäs ärnstnä(Glaubä).
Wen öber für sich öbis chan bruchä, simmer witercho, u susch SCHNÄLL wider alles vergässä u z'gewontä witermachä.
Kein gewehr/garantie für anderi, das mini sälbsterfarig ihrgendöberem öbis bringt.

Bigsmile u *fröj*
Cybergnom
All-ein-sein
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Beitrag von Melliandra »

*grins* sehr weisi Usage zum teil und will mer da imene Forum sind wett ich dich doch gad au 1-2 Sache fröge. =o)

Du schriebsch doch am Afang, dass mer nid sett Erwartige ha und au mal bi sich luege, wenn i de Bezieig öbis nümme stimmt, mal de Wältchugle en schups gäh und das ganz mal vo de andere Site z’betrachte. ABER glichzietig seisch du, du willsch dien Film läbe. =o) Äm was isch wenn dien Partner aber nid de glich Film hed wie du? Wer passt sich jetzt wemm ah, resp. apasse isch so es bööööööses Wort, wer gid jetzt z’erscht sinere Wältchugele en Schups dass sie sich afad dreie? =o)

Ich gseh genau glich wie du au, des de Mänsch 100% set bi sich sie. Das heisst für mich, ich bin 100% und wenn ich mit miem Fründ zäme bin denn isches 150% oder vo mier us 200% =o) Aber die 200% Feeling döffed nid verwächslet werde mit dene 100% wo ich vo mier us gibe. Hehe jetzt wird’s kompliziert, ich meine ich elei chan mier nie 200% gäh, Sache wie kuschele, mit miem Kobold go fein Znacht ässe oder choche, segs. Das sind alles Sache wo eleige nid so viel Spass/ oder sogar Sinn mached. =o) Drum für mich isch ganz klar mer döff das schätzte, die 50 oder 100% meh, meh döfs au vermisse wens nümme wär, aber mer muess halt immer luege das die eignige 100% wo halt ebe eleige sind (jetzt nid schlächt gmeint) eim immer 100% gänd. =o) Hehe ich hoff jetzt mal, es chund öber drus. ;o)

Da simmer eus glaubs einig mit all dene %-Zeiche =o) Aber was ich jetzt neu endecke han dörfe isch, das mer es Läbe zäme chan wieter füere. Isch no verückt wenn du merksch dass irgendwie öbis neus entschdat, wo wens jetzt vertig wär, glich beid öbis drus händ chöne mitnäh. Isch nid ganz eifacht zum erkläre aber ich glaub wens stimmt, denn chund mer nid i die Abhängigkeit ihne und das binere ganz „normale“ Beziehig. Chruzlig zum schriebne. Was ich eigendlich will säge isch, dass mer sich sälber chan wieter entwikle inere 100% Monogame und stinck normale Bezieig, wens ebe passt und mer sich ebe nid nur mit Kuschle, segs und choche begnüegt. =o)

* Wird i ufnä art langwilig, das das weswägä sich öber i mi ferliäbt het, was mi interesant u speziel macht nüm da isch, willi das nüm machä, willi das nüm so machä wiä weni allei bi.*

Hm... das isch doch immer so, wenn mer Singel isch den wuslet mer da und dete umenand isch viel uf Axe, werum? Klar, mer isch gern dusse, aber im endefeckt gaz doch wieder um die 100% vo sich Sälber, wos ebe kei Sinn macht als Singel dehai ufem Sofa z’sitze und sich en Liebesfilm ine z’zie. =o) Also isch mer ganz sicher anderscht als Singel als denn wemer au vo de 100-200% vo diesem döff biz ha. =o)

Und ja es chund Alltag uf und ja das Kribele vo verliebt sie, de Jagtinstinkt vo wäge huiuiuiui was chund ächt use, verflüügt mit de Ziet aber weisch was denn chund? dLiebe und sVertaue und sGfühl dass mer öbis s’zweite macht. Klar das chan kapput gah, aber hej für das weisch ja dass du zu dine 100% glueget hesch und drum au ganz guet mit dene chasch Läbe. =o)

Isch mer gad no was in Sinn cho. Das wär denn eigendlich 100% vo dier und 100% vom andere und denn giz no je 50% vo jedem ad Beziehig ane. Will du ja de ander liebsch wäge sine 50% wo er durch sies Wese dier gid. Das gid denn gfakti 300% und du fülsch die ebe denn (also i de Beziehig) nid nur als 100% sonder als 150% haaaaaaaaaaa genau so han ich mier die Rächnig gmacht. =o) (ich hät selle Buechhalter werde)

Laaaaaaaaaaaaaaaaaaaaaber und ich hör jetzt au uf, chund eh komsch per schriebe.

Hehe ich hoffe es chund öber drus und suscht isches au nid schlimm. ;o)

Gruzzli das Chruzli
*poink*
Fallen Angel

Beitrag von Fallen Angel »

Praktisch betrachtet isches doch ganz eifach: allei bisch einsam - wänn kollege häsch bisch sägemermal guet ufghobe - aber nur inere bezihig häsch du e verschmelzig mit nem andere mänsch. es gitt niemert wo dich eifach mal so in arm nimmt. es gitt niemert wos liebt mit DIR zäme z'sii. wo dich liebt. wo alles für dich würd mache, und für de/die du alles würsch mache - würkli alles. romantischi liebi isch sehr sälte worde, musikstil, läbensiistellige, ja mer "muess zämepasse" HA - isch das die liebi wo mir ineme liebesfilm gsehnd? dänn heissts schnell, ja liebi isch nöd nur verliebt sii, oder sonen abstumpfte seich. Was dänn? wenn nöd die ander person en mensch isch wo alles i dir zum erklinge bringt, wo dich uf 1000% ufepusht wo für dich ALLes isch was es gitt? isch das zu blauäugig? wieso? wieso isch alles blauäugig und schwächlich und wieso seit mer so richtig verliebti heged "eh nur angst alles z'verlüre" isch dänn die angst nöd au berechtigt, wämmer öpper findt, wo mer würkli liebt mit jedere fasere vo sim körper mit jeder zelle vo sim hirn mit jedem elektoplasma vo sinere seel? isches dänn nöd unglaublich schön die mänsche z'gseh wo so verliebt sind? wo so sehr verschmelzed dass sie eis werded? oh doch das isch schön! und jedi bezihig wo nöd die gfühl uslöst bout ufnere lüg uf wo früehner oder spöter zu nem problem wird. oder hät en grund wo irgedwänn nüme wichtig isch. oder isch es eisitigs oder au gägesiitigs enand biistah wo irgedwänn nüme nötig isch. und dänn das z'beende isch okay. wieso au nöd? und so öppis igah isch au okay. Aber es isch nöd die liebi vo dere mir träumed wämmer mal glaubed allei z'sii und s'niemert merkt. Gfühl sind das was e Liebes-Bezihig usmacht! au wenn das hüt niemert meh glaubt. will hüt muss alles en grund ha muss alles irgedwie erklärbar sii und das isch es eifach nöd - es isch mängmal au eifach nur schön, villicht sogar schmerzhaft schön, wänn i dim innere en sturm tobt, wänn du glaubsch a de luft z'ertrinke wänn SIE oder ER nöd ume isch. sind mir alli soo ent-Täuscht, dass mir das nüme erkänned? Villicht söttemer wieder afange üs tüsche z'lah vo üsne gfühl. villicht laht sich eifach nüt degäge säge wämmer vor luuter gfühl chum me öppis cha säge. Romantik. Herzbluet. Alles mache für en Mänsch womer liebt. Meh no als für alli andere. Isches falsch sottigi gfühl zha? villicht, will chum öpper sottigi gfühl teilt - villicht au nöd wämmer dadurch nöd mal meh muess rächne ob mer jetzt grad bi 50% oder bi 100% isch - sondern wämmer eifach nur no flügt vor luuter liebi wänn mer eifach nur no isch. Die Form vom eis sii mit em all - isch die nöd vill intensiver und nöcher am läbensfunke als allei eis z'sii mit em all? und lohnt sich's nid für das iizstah au wänn de erfolg uf de strecke blibt? für was erfolg? für was e bezihig, wänn sie nöd mit dem läbensfunke verbunde isch und alles i dir SCHREYT ich will dich! nur dich! du bisches du bisch de mänsch für de ich uf die wält cho bin. de mänsch wo mim läbe en sinn gitt, wo de sinn isch.

natürlich isches es bitzeli schwierig de mänsch z'finde, hehe - aber hät ja au niemert behauptet s'läbe seg eifach... zumindest schafft mer das vermuetlich nöd, wämmer alles analysiert und versuecht "abzschätze" ob's das nu isch oder nid, oder was. lah dich gheye - dini gfühl werded dich fange - für das hämmerse nemmli.
Benutzeravatar
industrialsun
Platin Member
Platin Member
Beiträge: 285
Registriert: Di 7. Jun 2005, 10:57

Beitrag von industrialsun »

hehe, schön gschribe @ fallen angel :n1
ich weiss, dass ich nicht(s) weiss
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Beitrag von Melliandra »

@Fallen Angel

Das wo du schriebsch isch mega kuul und sell au so sie, aber mer sell
sich debie nie vergässe, resp. mer sell das genau so fühle wie du schriebsch,
aber wens verbie gad oder isch, sell mer nid ava am andere chläbe.

Es gad ja nid drum dass mer dRomanit und das WAAAAAUUU Gfühl
nümme sell ha, aber mer sell nid avange de ander z'manipuliere
oder was au immer, demit das niemeh ufhört. Und das isch das wo de
Cybergnom glaubs gmeint hed.
*poink*
Fallen Angel

Beitrag von Fallen Angel »

Haja manipuliere isch doof, das isch klar, wer das macht isch en miese Hund und sicher nöd verliebt, liebend oder suscht wie verknallt.

Und ja Du häsch ja au rächt, dass wänns dänn vorbii isch, dass mer dene gschichte nöd no lang sell e träne nahüle, wills eh nix bringt - usser schmerz - wobii ich gfinde de schmerz oder die truur, melancholie, herzschmerz wo eim schier verriisst - die isch vermuetlich rächt hilfrich um mit so gschichte abschlüsse und zeigt irgedwie au, dass es eim öppis bedütet hät. am angere aber hinge nache truure isch sicher nöd eso schlau.

worum's mir aber gaht isch dass es sacke schwer isch überhaupt mal uf dere gfühlsebeni und chaosebeni und sich-selber-verlürebeni churzum IN LIEBI öpper zfinde will de scheis rationalismus dezwüschefunkt und alles furchtbar kompliziert macht.

ich würd jetz nöd säge ich seg da besser - aber wenigstens eis chani doch, spontan verliebt sii, villich sogar ZU guet, aber naja, jedefalls weisi no was es heisst öpper azhimmle, das isch nämli mängmal au schön ohni dases erwideret wird...

vellech bini aber au nur en dummschwätzer, hehe...

Aber hey Gfühl sind doch defür daa dass mer see hät und uslootet und erläbt und versuecht mitne zlebe - alles rational betrachte isch sicher ufenart eifacher - aber soo leeeer und unnötig irgedwie.

Und wänns dänn verbii isch... hey ja klar, um das gahts ja eigetlich i dem thread: wänns verbii isch ischs verbii, schalter umlegge, vergässe, nöxt.

klingt härt isch aber 1tensmal oftmals gar nöd möglich - 2tens sölls nur es ziil sii, womer früehner oder spöter MUSS erreiche (also DE/DIE vergässe), also söttmer grad am erste tag demit afange, will je früehner die gfühl nüm häsch umso besser, will umso schneller bisch wieder bi dir und offe für was neus.

NUR: nöd dra dänke wies dänn wird sii wenns verbii isch - das isch nämli e blödi dummi agwohnheit wo villi dra hinderet überhaupt mal öppis zmache, klar wänns verbii isch ischs doof, aber BIS es verbii isch, gahts ja no es wiili insbesondere wänns no gar nid agfange hätt!

mensch!

was sölls? let's do it. vill meh als schief gah chas ja eigetlich nöd, und wänns au schief gaht, who cares? irgedöppis müemer ja afa mit dere ziit uf dem planet oder nid? lieber es paar mal in dreck gheye als nur nass werde - häsch meh devo (aso ja meh dräck) und chasch mit dem au meh afange, merksch wer du bisch, wer die andere sind, alles wird irgedwie chli interessanter, oder zumindest intensiver, mängmal au völlig müehsam und nöd geil - aber immerhin wirsch du es erläbe was du nöd wirsch wänn's nöd iigahsch, will du i gedanke scho det bisch wo alles ändet, statt überhaupt mal öppis azfange, wo villicht nöd vo afang aa perfekt isch, aber wo gfühl da sind und mer uf die gfühl losst statt ufs hirn (wo eh nur immer uf s'herz iiversüchtig isch) oder de Buuch (wo in erster linie us hunger/kei hunger bestaht). [das wiitere körperteil lahni jetzt mal weg, söll ja jugendfrey bliibe ähem..]

Also wieso nöd eifach mal usprobiere ob hinder dene "verliebtheitsgfühl", wie villi das so [komplett doof] abschätzig nänned... nid doch villicht no vill meh anderi gfühl ligged gfühl wo di hinwägfäged wänn se nue zuelahsch...

Zum Thema Schluss Aus und Vorbei: gemäss Physikalischem Gesetz: es cha nur andersch werde, nid besser nid schlechter, nid meh nid weniger – nur andersch :-)
norina
Beiträge: 5
Registriert: Mo 14. Mai 2007, 15:29
Wohnort: Aaregäu

Beitrag von norina »

Bi mir isch de Kontakt zu mine Ex-Fründe ganz verschide. Ich dänk das chunnt ganz ufd Beziehig und ufd Tuur vo de Beziehig ah. Ich han Ex-Fründe wo ich gar nüm gseh oder ghör, das sind halt Beziehige wo scho lang verbi sind, oder nie würkli intensiv gsi sind und ich han Ex-Fründe wo ich no sehr vil gseh. Döt isch halt de d Beziehig sehr intensiv und lang gsi.

Ich findt eigentli Tröii sehr wichtig ire Beziehig, und chönnt mir nid vorstelle en Partner z ha wo no mit anderne Fraue sexuelle Kontakt het. Ich sälber ha ire "guete" Beziehig nie d Luscht ufene andere Ma gha. Für mich isch halt untröii eifach es Zeiche dass öppis nid stimmt ide Beziehig. Ich bi eigentli überhaupt kei iversüchtige Mönsch. Nur wenn mis Sälbschtvertraue ind würkli do isch, chani rasend wärde vor Iversucht. Aber ebe, das sind meischtens au d Verluschtängscht wo meh het. Denne dänki, dass min Partner öppis bessers cha ha als ich es bi.

Ich dänk das mit de Tröii isch bi mer so usprägt wöll für mich Sex öppis sehr wärtvolls isch, wo ich nid mit jedem möcht teile. Ich han erscht spot mis erschte Mal gha, obwohl ich scho vorhär d Glägeheit gha hät. Aber für mich ischs wichtig gsi, dass ich das mit öpperem erläbt, wo mir sehr wichtig isch und wo ich lieb. Au jetzt cha ichs mir nid vorstelle eifach usere Luscht use mit öpperem Sex z ha. Au wenn ich vil Luscht hät.

Ich bi erscht sit churzem vo mim Ex-Fründ trennt. Das mit em "Knopf drücke, und fertig isch" findt ich no en schwiregi Sach. Wenn ich en Beziehig han, de gib ich alles für min Partner. Und i de letschte Beziehig hani würkli sehr vil Chraft brucht. De chani nid vo eim Tag ufe ander umdänke und min Partner als en Kolleg gseh. Wenn ich ihn gseh fallts mir zimli schwär ihm nid z nöch z cho. D Liebi isch halt immerno do und die wird äuä no lang blibe. Ich weiss momentan ächt nid wie ich ihn als Kolleg söll gseh.....

Aber wie seit meh so schön, Zit heilt alli Wunde.
Benutzeravatar
Saphira
Platin Member
Platin Member
Beiträge: 628
Registriert: Sa 19. Mai 2007, 19:59
Wohnort: CH

Beitrag von Saphira »

hab zum glück mit keinem "krach". denn es gibt nichts, das ich mehr hasse, als nach einer beendeten beziehung noch lange rosenkrieg zu führen. da zieh ich mich lieber zurück.

sagen wirs mal so, mit den meisten hab ich keinen kontakt mehr, aber wenn man sich mal per zufall trifft, freut man sich trotzdem irgendwie und kann sich auch noch ganz normal unterhalten. mehr muss aber nicht unbedingt sein :)

abgeschlossen ist abgeschlossen....
Benutzeravatar
@fire
Platin Member
Platin Member
Beiträge: 344
Registriert: Mi 18. Mai 2005, 09:14
Wohnort: Atizapan de Zaragoza

Beitrag von @fire »

Ich sehe es wie viele andere auch, einmal Schluss immer Schluss und hatte meistens auch danach noch ein gutes Verhaeltnis. Es gab sicherlich Beziehungen an denen ich mich festhielt, bei dem das Schlussmachen richtig weh getan hat, aber doch irgendwie keine andere Alternative mehr bot.
Ich habe erst durch meine letzten Beziehungen erkennen duerfen, das es nichts hilft, wenn man(n) "in sich reinfrisst",.....sondern auch mal alles offen zeign, sagen, hoern und andeuten soll(te).

Vorallem bin ich froh, dass gerade mit den Ex-en, welche mir was bedeuteten ich immer noch ein gutes freundschaftliches Verhaeltnis haben darf.....

Saludos,
DOM
norina
Beiträge: 5
Registriert: Mo 14. Mai 2007, 15:29
Wohnort: Aaregäu

Beitrag von norina »

Ich finde es sehr schwierig ein freundschaftliches Verhältnis mit meinem Ex aufzubauen. Da sind meinerseits noch viel zu viele Gefühle im Spiel. Entweder wir haben viel Kontakt, dazu noch Sex und ich ewigs Liebeskummer.... oder wir brechen den Kontakt total ab. Momentan haben wir kaum noch Kontakt. Ich vermisse ihn jedoch sehr, da er mir nahe steht und eigentlich zu meinem Leben gehört. Für ihn ist es nicht so schwierig. Er kann Gefühle ziemlich gut unterdrücken, oder verstecken. Was mich auch total traurig macht. So scheint es mir, als sei ich ihm egal.
Antworten