Das mit em Fleischkonsum chunnt ursprünglich vo dä Milch. Gwüssnä Lüt isch es anschinend wichtig, dass ihri Frau Milch git..
. Aber i mach jetzt mol bim Fleisch wiiter (mer muässes jo nöd läsä)
@FA
Weisch, das mit em OT sii, hesch scho rächt im Griff, das tuet mir (wo an andernä Ortä, s Höggli bi "Thread trennä" gern und schnell setzt) halt scho chli weh.. Aber egal..
I han die Diskussion vom Fleisch oder nöd-Fleisch jetzt scho a mehrerä Ortä gführt und böses Blut hets immer gäh (und es het do sicher au es paar Vegis), insofern sei vorgewarnt. Aber es paar Erkenntnis han i immer gfundä, au wenn i nonig alli han chönnä umsetze.
Fallen Angel 2 hat geschrieben:aso wämmer sich das würkli mal so ganz genau überleit...
chammer eigetlich gar nüt meh ässe.
Mer chan nöd nur nüt meh ässä, mer chan au such sehr viel Sachä nüm machä (Chleider chaufe, Strom verschwände etc.)..
Das Buch söll dodäzue no guet sii..
http://www.amazon.de/nackt-abenteuerlic ... 490&sr=8-1
Aber was han i denn dävo? Verzicht und Iischränkigä.. Wenn i recht informiert bin, hand mir jo jetzt Faschtäziit, äh Ziit also wo mer sich bewusst ischränke sött, das muen grundsätzlich nüt mit Essä ztue ha, sondern mer sött bewusst uf Sache verzichtä, wo ein wichtig sind. Und wenn i mer das jetzt mol rächt überleggä, isch das gar nöd so schlächt, well wohrschinlich wür mer das denn nachhär viel bewusster wieder warnäh und das find i äs grosses Problem i dä hütigä Gesellschaft, dass mer alles als selbstverständlich empfindet und gar nüm drüber nohdänkt und ebä nümm bewusst läbt.
Fallen Angel 2 hat geschrieben:und doch hani doch gern fleisch, was sich eigetlich gar nöd, mit dem veriibare laht. ich mein, ob jetz e chue gschlachtet wird oder es lamm spillt eigetlich au kei rolle, es sind beides lebewäse...
I han ebä au gern Fleisch und i han au gern Tier, aber ebä i bin en schwachä Mönsch und han gern mol ab und zue es feins Stück Fleisch. Es chunnt mir denn aber au nöd druf ah was. Au wenn i es spezielli Beziehig zu Schof han, iss i gern mol en richtigä Lamm-Kebab. I find aber au Chälbli härzig und finds deswegä pervers wenn mer do Unerschiid macht. Aber was i sägä wür, wenn i plötzlich min eigetä Chüngel sött ässä (han keinä) weiss i au nöd.. Kenn emol Lüt wo deswegä zum Vegetarier wordä sind. Und do chunnt denn wieder dä Unterschiid Nutztier vs. Hustier (wo jo frühner au Nutztier gsii sind) zum Vorschiin und i muen mi chli forge, wie mer so wärtä chan. Und wenn mer das wiiterspinnt, frogt mer sich, wie dä Mensch uf die komischi Idee cho chan, sich wellä ä Chatzt zhalte, zum irgendwie sis Ego ufzbesserä. Obwohl i jo find, dass das bim nä Tier wo verusä chan, scho chli was anders isch, alls bi eim wo do i sim Terrarium hockt. Und wenn mer scho däbii sind, chönnted mir jo no über Tierversüch redä. Wobi i döt ebä au wieder ä chli eh eigeti Meinig han, drum nur soviel. I dä Schwiiz brucht mer für Versuchsreihe mit Tier extrem viel Bewilligä, das brucht mer alles nöd wenn mer sich en Wällesitich chauft und i glaub würkli, dass es so mänger Labormuus besser goht, als am Tweety dihei.
Aber zrugg zu dem wo du gseit hesch. Bi all dänä Diskussione won i zu dem Thema scho gführt han, bin i ebä würkli zum Schluss cho, dass mer entweder muen vegan läbä oder ebä halt carnivor. S Argument ich bin Vegi, well mir d Tierli so leid tüend, hinckt imho gewaltig, wenn mer denn Batterieeier isst und ebä au scho, wenn mer Spätzli isst, wo Eier us Batteriehaltig drin sind. Wobi mer sich denn ebä au no muen frogä, ob mer dörf Eier ässä, wenn mer kei Poulet isst, wobis denn aber au gar nüm druf ah chunnt, ob jetzt die Eier befruchtet sind oder nöd, s Huhn isch sicher trotzdem trurig, gnau so wie d Kuh, wo mer eifach grad ihri Chälbli wäg nimmt..
Dä Kompromiss mit dä 10 Johr altä Chue funktioniert glaub nöd würkli, glaub emol nöd, dass die denn no fein isch, absgeh dävo, weiss i nöd, ob mer Milchchü überhaupt isst oder numi ihri Chälbli wo sie jo gezwungenermassä produziered.
Aber i gseh das halt würkli chli wied Indianer, i ehre jedes Läbewäse und sigs no so chli und unschinbar und i fühl mi sehr viel besser wenn i weiss, dass das Tier won i ässä au es guets Läbä gha het. Dä Kreislauf vo gfrässä und gfrässä wärde gits scho ewig und nur dur in funktioniert d Natur. Au ä Chatz wo mit dä Muus bevor se sie tötet no ewig spielt isch grausam und so isch halt s Läbe. Sowas muen aber imho nöd sie, i findes wichtig dass mer vor andernä Tier Respekt het und sie au so behandlet.
Klar isch es schlimm wenn mer es Läbewäse absichtlich töted, aber i gang mol naiv dävo us, dass die meischtä Metzger au Menschä sind unds au das Ganze au mit em nötige Respekt machäd (kenn emol setigi). I bin scho sehr dä Überzügig, dass Fleisch von erä Chue, wo au mol chli Verussä gsii isch besser schmöckt, als das vo einerä wo ihres Läbä lang, am gliichä Ort im Stall gstandä isch, aber do frogt mer sich denn halt au wieder, ob mer sichs cha leischtä numä Biofleisch z ässä bzw. wie viel, dass es eim das Wert isch.
Aber irgendwie schaff i jo nöd mol das, i kenn vieli wo säget sie ässed denn halt nur einisch pro Wuchä Fleisch. Jo uf was Richtigs mag das viellicht zueträffä, aber i han doch immer wieder Späck, Salami oder ä Cervelat im Chüelschrank und das sind jo genau die Produkt, wo mer ebä kei Ahnig hät, vo wem und wo sie sind, aber mann i han das gern..
S einzig Argument wo mi recht zum Nodänke broch het, isch gsii, dass mer ebä mit dä ganzä Energie wo mer für es Stück Fleisch ufwendet (Fueter und so), so viel meh Mänsche chönnt ernähre. Sprich, dä Mensch, wö hüt oftmals viel meh Fleisch isst, als frühner, isch t Schuld, dass es uf därä Wält so viel Hunger git. Nur das isch jo au nur eh Theorie, es chunnt jo niemert sofort meh z ässä über, nur well ich mol kei Fleisch iss. Isch denn doch chli komplexer. Und dass mer hüt meh Fleisch isst, als frühner stimmt glaub au nur churzfrischtig gseh. Bi so emnä Neandertaler isch das glaub no öfers uf der Spieschartä gstandä.
Wenn mer Fleisch als unnütze Luxus alueget, muen mer sich halt au frogä, was mit em ganzä räschtliche Luxus isch, wo mensch viellicht nöd brucht, aber eim halt Freud macht. Und do finde i ebä immer au, dass es druf ah chunnt, dass mer das bewusst macht, well sobalds normal isch, isch es jo nüm speziell und macht au kei Freud. Und denn dörft mer jo nie meh id Ferie und sich susch was netts schänkä, sig das Kaviar zum Z'morgä oder Schoggi zum nä Priis wo sich anderi chönnted ä Wuchä dävo ernährä oder susch was, was eim Freud macht. Das sind doch die chlinä Sache, wo eim denn au in Erinnerig bliibet und somit ewig sind. Au wenn i weiss, dass i nöd z fescht söt i minä Erinnerigä hangä und z viel über Ziitä nodänke, wo nie meh so werdet sii, sind sie halt doch schön und en Bestandteil vo mim Läbä.
)
](./images/smilies/eusa_wall.gif "Brick wall"){kind=small}
und High-heels. Und wie sieht Deine aus?"
