Zwischen zwei stühle wer kennt das nicht?

[u.s.l.]

also...die frisur isch doch eifach de hammer! sie loht kompromislos jenschte interpretatione ruum, und mer chont gar nid drummumme, sich demit usenander zsetze. will sie öpis uslöst. und das tuet mini nid, wills nur es freestyle-natürelle-vogunäscht isch, wo usgseht wie zerscht bügglet und de tömbleret.

ich gse ämu jenschti sache i dere frisur. en grad nach luft schnappende walfisch. oder es dampfschiff us de zauberkugle-perspektive. en art alien, wo sich de wäg durd schädudecki frisst. us religiöser sicht ischs vermuetlich en art misch-masch us alte-shaolin-filme-meister, hare-krisna-windkanal, de heiligeschii fählt au nid, und falls frau atheistin isch, de chasi sich wenigschtens irgendwo dra hebe - oder sogar bi gwüsse pranktike mitbestimme, wos langgoht (oder wie schnäll).

churz gschriebe - die geilscht frisur, woni je amene mystical gsichtet ha

[ultrafeel]

Thanks u.s.l.!

[FenriX]

dasma so fraga überhaupt uf mystical veröffentlicht...
dasma selber nümma weiss was macha in sonera situation...
wie wend di andera wüssa, was z richtiga isch für di!? mier wo weder di no all dini typa kennend.!?

I glaub du sötsch zerst mol di selber kennalerna und mit dier selber klar koh, bevor du dis leba anderan manna id hand leisch und denna den auno z herz brichsch...

mier männer sind sensibler als mer tüend oder ier fraua denkend... sötschder merka... ^^

en schöna abet wünschi dier...

[u.s.l.]

mier männer sind sensibler als mer tüend oder ier fraua denkend...

hui... das sind de schöni wort. es git also au männer, wo sensibler sind als sies zuegänd. mängisch bini au sones weichgspüelts ei und stoh nid zu minere sensible site, aber, i dem i nid zu ihre stoh, beschnid i mi nur ums verstande wärde. und - ganz egal wohi ich vor mine sensibelchen-gfühl au äneflüchte...die cheibe holet eim immerwieder i. ke brot, devozcho. und willi die site nid gnueg überegibe und zeige, so gits au situatione, i dene ich mich muess verstelle. und de bini nid ächt. au wenn i de no so gfasst und "männlich" versueche z würke, als öbs nüt gäbt, wo mi us de ruhe bringe chönt, so chani no so tüüf i mich inetauche - en verletzig isch en verletzig. und wenn mis fraueli de dummerwiis auge für en andere offe het, so nimm ich das persönlich schnellemal zärnscht, statt mitem fraueli über das z rede, was es mit mir macht. oder z luege, öbs nid öpis a mir git, was ich verändere chönti, demit mini liebscht nümm so frömdgugge brucht. oder wenigschtens weniger.

mer döff das au nid alzu ärnschtnä, will und und isch irgendwie . mer cha vo glück rede, wemmer de eini gfunde het, die eim zuelost, wenns nid alles friedefreudeherrschteierchueche isch, denn, wenn mer zu dene "sensible" gfühl stoht und drüber brichtet, so chamer au mal verstande wärde, will, wenn sie kei verständnis für sitzpinkler ufbringe chönd, de sinds vermuetli au nid grad die ideale begleiterinne für en sitzpinkler, und de bringts es irgendwie au nid, witer droff ummezrite. het no mäng mueter e hübschi tochter - und mäng tochter e hübschi mueter.

das mit de fraue isch ehe sones ändlosüebe: foht im kindergarte mit händlihebe a, steigeret sich mit de erschte kussversüech, und mer üebt und üebt und üebt...und wird vermuetli vorhär stärbe, als fertiggüebt z ha...dezwüsche chamers au mal gniesse, wenn mer uf eini trifft, die verständnis und respäkt üsere sensibilität entgägebringt, ohni dass es ihre misslingt, trotzdem en "ma" i üs z gse, wo liebenswärt isch.


so - gnueg morgentliche schriberguss...hebet en schöne...tag - oder was au immer

[Cherokee]

"männlich" versueche z würke, als öbs nüt gäbt, wo mi us de ruhe bringe chönt

isches männlich, wänn en maa sini gfühl nöd cha zeige und de strach muess usehänke, au wäner sich mal gar nöd so fühlt? igendwie hani s gfühl, dasses mit de "emanzipation" vo de frau nöd nur für d frau, sondern au für de ma in vielerlei hinsicht komplizierter worde isch. es git manne, wo ihri männlichkeit gar nüm chönd läbe, wo irgendwie fasch verkümmered i ihrer männlichkeit und dänn giz die, wo geg usse öpis müend usehänke, wo mindeschtens genau so wenig männlich isch... eländs machoGHB es bedüted doch nöd stärchi, wämer sich sälber verletzt und sini wunde versteckt... oder doch? richtig männlichi manne, wo um ihri männlichi chraft wüssed und sie z gebruche wüssed, ohni e maske, giz natürli au... (was nöd heisst, dass si makellos sind... d makel ghöred genauso dezue...)

het no mäng mueter e hübschi tochter - und mäng tochter e hübschi mueter.

bi de vätere und de söhn isches doch genauso...

frömdgugge

flirte ghört doch igendwie dezue, au wämer inre beziehig isch (vilich nöd für all, aber für vil). was zählt, isch doch, wie en mänsch isch und wiener zu eim staht. kommunikation isch wichtig. dass mer drüber redet, wies eim gat. und es isch doch klar, dass eim nöd nur eine resp. eini gfalllt... das wär ja... d frag isch, wiemer demit umgat und dass mer e lösig findet, wo für all beteiligte am beschte nöd nur z verchrafte, sondern tatsächlich stimmig isch.
bi froh, hani eine, wo diräkt und ehrlich isch, au wäner wohl viles für sich bhaltet...

[Fallen Angel 3]

es git manne, wo ihri männlichkeit gar nüm chönd läbe, wo irgendwie fasch verkümmered i ihrer männlichkeit

öhm - nei - das sind eifach die wo mit so wort wie "männlichkeit" öppe so vill chönd afange, wie mit em wort "wiiblichkeit". Wos eifach nöd nötig händ, männlich zsii will sie sone beschränkti beschränkig wo einersiits vo de beschränkte gsellschaft und anderersiits vo es paar beschränkte fraue, als au vo zimmli vill sehr beschränkte manne, definiert wird, ziemlich beschränkt findet.

andersch gseit: scheiss uf männlich sii - wer das vo mir erwartet cha grad mal no öppis: abfahre. mit so lüüt gibi mi nöd ab.

ich bin in aller erschter linie mensch. alles anderi isch sekundär.

und was emanzipation agaht: erschtens mal hät üses patriarchalischi system sehr vill vo dem was da mal überleit worde isch, sich nämmli vo dene beschissene rollebilder z'löse mit dene fraue sit jahrtusige erzoge, verzoge und beschränkt worde sind, wieder zunichte gmacht, zweitens händ manne sich - bis uf es paar exote - no gar nie vo ihrem rollebild glöst, wo under anderem derin bestaht "männlich" zsii.

aber naja, d'mehrheit schiint ja druf abzfahre uf die schublade und beschränkige - sölleds doch. ich has militär hinder mir, ich has single lebe hinder mir - mich betrifft de quark mit dene (beschränkte) rollebilder glücklicherwiis nüm. ha mängmal no chli mitleid mit dene single manne wo de ganz hafechäs no vor sich händ, mit männlich sii und so - aber irgedwo sinds ja au selber schuld. traut sich au keine, mal zsäge dass ihm die rollebilder stinked. im gegeteil inzwüsche sind ja alli wieder schön det wos vor de 60erjahr gsi sind. i dene sichere, schön vordefinierte rollebilder.

naja git zum glück au usnahme.

[Cherokee]

ich redä vo männlichkeit, nöd vome i de gsellschaft akzeptiere mannebild oder re rolleverteilig. das isch en extrem bedütende unterschied. i bi überzoge devo, dass mir vo dem begriff es komplett unterschiedlichs verständnis händ. und es git männlichi und wiblichi chräft (bezieht sich def. nöd uf physischi chraft), wo sowohl manne als au fraue in unterschidliche usmass i sich inne händ und glich gits unterschied. (wobi ich überzoge bin devo, dass manne und fraue sehr vil gmeinsamkeite händ, wo gwüssi lüt findet, fraue sind andersch oder manne sind andersch, wo ichs aber andersch wahrnimm... obwohls da natürli bi jedem individuum unterschiedlich isch.)
redämär mal... wänns di intressiert, was i dezue z säge ha (i glaub, das isch widermal es thema, wo mir eifach vo was andrem redäd...)

[Fallen Angel 3]

ich rede devo, dass es de begriff männlich und au wiiblich gar nöd git. manne und fraue sind mänsche, und als solche händ sie gfühl, liebi, wuet, truur, freud, sie händ interesse wie autos, compigames, lisme, läse sie händ persönlichkeite wie fürsorglich, beschützend, lebenslustig, analytisch - und DAS HÄNGT NÖD VOM GSCHLECHT AB.

was du mit "männlich" meinsch, im sinn vo, dass es nöd "männlich" isch, wämmer sini gfühl nöd zeigt, isch ufenart richtig, will: wer sini gfühl nöd zeigt, will er en maa isch, zeigt dadurch eifach, dass er ineme bescheuerte rollebild verhanget isch - aber ich nenn das wo du männlich nennsch, nöd männlich, will de begriff vo de mehrheit vo de lüt nöd so verstande wird, sondern als definition für das rollebild herehebe muess, und will ich ebe sogar de asicht bin, dass es keinerlei männlichi oder wiiblichi energie gitt, sondern eifach nur verschiedeni mensche und situatione, wo unterschiedlichi usdrucksforme des seins bedinged (blöde satz, aber ich hoff es isch trozdem verständlich).

andersch gseit, mir gsehnds nöd umbedingt andersch, aber ich ha öppis gege "männlichkeit" als begriff. und ich ha öppis gege jegliche art vo rollebild, rolleverteilig und nere iischränkig vo de "freie entfaltig vo de persönlichkeit" wie sie i üsem grundgsetz eigetlich verankered wär.

[u.s.l.]

ich rede devo, dass es de begriff männlich und au wiiblich gar nöd git.

mou - es git sie. wie zum tüfu sött ichs mir andersch erchläre chönne, dass i minere ex nach zwoi johr immernoni gschafft ha bizbringe, wie mer zum erschte schlugg bier richtig görbst sie isch eifach zwenig...männlech gsi

[Fallen Angel 3]

oookay dänn gits halt de begriff, aber es gitt au manne wo das gerülpse nöd anebringed, und ES ISCH NÖD VOM GSCHLECHT ABHÄNGIG ob mer ehner männlich oder wiiblich isch, will die begriff eifach es sammelsurium darstelled, für tusigi vo angeblich männliche oder wiibliche verhaltenswiise, wo derart fern vom individuelle mensch sii entfernt isch, dass es mich nervt.

[u.s.l.]

oookay dänn gits halt de begriff, aber es gitt au manne wo das gerülpse nöd anebringed, und ES ISCH NÖD VOM GSCHLECHT ABHÄNGIG ob mer ehner männlich oder wiiblich isch, will die begriff eifach es sammelsurium darstelled, für tusigi vo angeblich männliche oder wiibliche verhaltenswiise, wo derart fern vom individuelle mensch sii entfernt isch, dass es mich nervt.

chom jetz - tu doch nid so...wenn die wiber, wo dich scho abglehnt hend, will eifach i ihrne auge zwenig männlich gsi bisch, dich all gno hättid, de würsch vermuetli weder nur e drittu vo dem züg da ine schriebe, wie tuesch, no würsch di so gäge die begriff wehre

[Fallen Angel 3]

meinsch?

hm - also wänn all die wiiber wo mich sitt ich 12i gsi bin nöd gno händ, will ich zwenig (2,3 mal au zvill) männlich gsi segi (was im übrige nöd bi allne de fall gsi isch, es paar händ mich eifach suscht doof gfunde lol), alli gno hetted, dänn würde mer ja inere welt läbe, wo fraue (und manne!) nöd i dene chlichee behaftete rollebilder läbed, sondern anderi mensche eifach für das gern händ was halt sind, egal, welchen geschlechts.

esooo gseh hetsch rächt, wenn mir in sonere welt würded läbe, würdi mi nöd ufrege, allerdings hät das nüt mit mir ztue und minere "erfolgsquote" sondern eifach mit dem umstand dass ich e gsellschaft doof finde, wo mensche dra ghinderet werded ihri eigeti persönlichkeit FREI z'entfalte, FREI vo irgedwelche gsetz (militär), FREI vo irgedwelche meinige wie mer oder man söll sii - ich will e emanzipierti gsellschaft - unabhängig vo definitione!

das wär cool - aber ich ha diesbezüglich kapituliert. d'welt isch nöd soo, und d'manne und fraue wänds au nöd so. mehrheitsentscheid. bin trotzdem so wieni bin, chamir die mehrheit mal am zipfel hange.

[Cherokee]

hey tüfeli...
wänn di dis gschlächt dra hinderet, dich frei z entfalte, dänn...
es gat um e inneri ufrichtigkeit, stärchi, chraft. es gat um archetype. um s archaische. es git manne und fraue. und "feminischtinne", wo dänn afanget uf d manne abeluege, wil si irgendwie nöd verstande händ, um wases wükli gat binere emanzipation (miner meinig na...), die sind genau so wenig wiblich wie d manne, wo s gfühl händ, si müessed sich sälbscht kaschtriere... (nöd im wörtliche sinn).
yinyang - das seit dir sicher öpis. au döt gats u.a. um s konzept männlichkeit/wiblichkeit. um es glichgwicht.
du redsch vo was anderem als ich oder ich vo was anderem als du. oder öper vo ois oder mir beidi händ diesbezüglich en blinde fläck.

[Fallen Angel 3]

ich verstah sehr guet uf was du usewillsch und ich bin völlig anderer meinig. ich versueche das archaische z'überwinde. ich findi e "männlichi" emanze genauso menschlich wienen "wibliche soldat" (wobii ich soldate und emanze e chli allzu kämpferisch finde, aber das isch wieder es anders thema). ich finde es nöd richtig dass mer seit, und definiert, wie öpper "als" maa und "als" frau söll sii. es isch en mensch und de mensch isch all das wo er/sie halt isch, und es hät nüt demit ztue ober en zipfel oder zwe ballön hät. allerdings werdet no immer alli mensche geradezu druf "trainiert" möglichscht ihrem gschlecht z'entspreche und das chotzt mi a. hät mi scho immer agchotzt. ich tue gern mal "männlich" und ich tue au gern mal "wiiblich" hin und wieder sogar "chindisch" und mängmal sogar sehr "erwachse" - alles so bezeichnige wo irgedwelchi verhaltnswiise drin "abspeicheret" sind i dem kollektivbewusstsii vo üs mensche, definitione, wo ich möcht durbreche und uflöse, will sie mines erachtens all zäme eifach kei sinn mached und de realität nöd gerecht werded.

[Cherokee]

en maa, wo sini männlichkeit gspürt, hät käs problem demit, au sini wiblichi site uszläbe (und sini chindisch und erwachse) und umgekehrt.