what men wont ... =)

[guana*]

holla
han mol en allgemeini frog..was erwartet ehr als maa wen er en frau kännelehred, bzw. en noii beziehig igönd ??

klar, es muess sich alles ergendwie entweckle..entweder passt's den.. oder ebe halt ned..

aber fendet ehrs schön wen sie sich vell mäldet..oich scho am afang zeigt das si oich gern het..oder esch das oninteressant?
fendet ers schpannend wen sie oich chli "zaple" laht.. macht's das prikelnder ??

den interessierts mich wielang das s'gaht bes er s'erschte mal met oichere partnerin/partner schloofed.. ?
klar, chont halt au emmer uf d'omschtänd/situation ondso wiiter aa..aber so inetwa..
well ich perönslich känn das nöd, das mer en mänsch zerscht kännelehrt, ond den sex het. bi mer esch bes jez emmer di omgekehrti rheiefolg gsii.. =)

jo..frooge öber froooge..

be gspannt uf oichi antworte

[u.s.l.]

wenn ich nid so verklemmt wär, denn hättemer durchus üs scho kenneglernt *ggg*

[guana*]

wer weiss velecht känned mer ois ja scho =)

mis problem esch eifach das ich s'andere gschlächt nöd verschtoone !! drom hälfed mer doch !!! =)

s'heisst emmer mer froileins seged kompliziert..what the fuck ??? s'get zwar secher sötigi..aber ich gseh das ebe gnau omgekehrt

[Fallen Angel 2]

häsch mir mal dini natelnummere?

ähm tschuldigung.

naja da ich zurziit eh nöd so rächt weiss, was ich vo fraue will, und mir so gseh glaub in etwa die glich frag stell, was will ich eigetlich vo nere frau, bini au gspannt uf üchi antworte.

der negative aphorismus
uf all fäll "verlieb" (aso so schmetterlingsmässigs puaaah isch die toooolll!) ich mich grundsätzlich immer i die fraue, wo mit 100%iger sicherheit nüt vo mir wänd. halt so die mega selbstsichere fraue, wo au nur selbstsicheri partner wänd. aso zumindescht chunt mir das so vor. aso wenn mich eini "zapple" laht, isch das es eidütigs zeiche für mich, dass sie nöd interessiert isch. und dänn lahnis dänn au sii. dass es nur es zapple isch, chunt mir dänn gar nöd in sinn.

das huhn oder das ei
mit dene fraue wo ich mich so kommunikativ superprächtig verstahne, da isch es dänn meischtens so, dasi am afang scho au sone art verliebtheitsinteresse entwickle, wo durchus au in richtig körperlichi azihig cha gah - aber so nach zweidrümal träffe, merkemer dänn beidi, dass mer eigetlich kei bezihig wänd. chönt au da dra lige dass ich grad kei bezihig will, und mi entsprechend mit dene fraue wo au keini wänd, kommunikativ guet verstahne.

sexappeal
nöd umbedingt oft, aber doch so ab und zue chunts au vor, dass ich eini eifach wäge üsserliche merkmal (schlank, blaui auge, coole style) würkli absolut geil finde (so sabbertriefmässig) - je nach alkoholgehalt probier ich's oder ich lahs grad bliibe will... naja... welli frau will scho abgsabberet werde? bin eifach z'guet erzoge... hm. ob ich mich mit dene dänn au verstah würd, kei ahnig, bin bi dene eher vorsichtig (also eigetlich nöd nur bi dene sondern bi allne lol)

inere bezihig: ich glaub grad am afang isch es für mich scho wichtig, dass ich s'gfühl bechume, d'bestätigung sozsäge, dass ich ihre öppis bedüte. und zwar in erster linie, will ich gar nöd glaube (chan), dass die würkli öppis vo mir will, selbst dänn, wänn sie mich küsst oder mit mir schlaft. selbstvertraue? i dem punkt gleich Null.

Allerdings möchti ebe genau will das alles sooooo kompliziert isch eh kei bezihig momentan. klar trieb und einsamkeits und au sehnsüchteleie hani natürli immer no, aber irgedwie käcket mich die momentan ehner aa, als öppis anders. eis vo dene drü usläbe will ich's nur no wenni würkli ziemlich bsoffe bin. de grund isch je nachdem vilicht au no interessant: will ich eifach würkli zwenig selbstvertraue han, was fraue agaht, und will ich i de guete gspröch mit dene wo au kei bezihig wänd, festgstellt han, dass ich viel viel viel lieber mit dene fraue REDE, als irgedwelchi erwartigshalti z'erschaffe. was bi mir rächt schnäll gaht, und so gseh jedi bezihig ohnehin würd belaschte.

ich muss erscht mal zu mir finde, mich sozsäge allei gern ha, und villicht willi dänn au mal wieder e bezihig. aber das chönt no es wiili gah... für sex wäri grundsätzlich immer z'ha, ABER NUR wenn sie nöd komplett in mich verliebt isch. und das z'verhindere dürfti i so intime moment de meischte fraue schwer falle - und mir selber vermuetlich au. und verliebe führt zu erwartigshaltige etc. - us dem standpunkt use gseh: liit au sex momentan nöd drin. aber wenni mal eini wür träffe wo würkli uf das us isch und NUR das, wäri debii.

zapple lah find ich persönlich schrott - aber es gitt au manne, wos nervt wänns all drü minute es sms überchömed. isch so gseh glaub chli devo abhängig, wie de maa tickt. selbstsicheri manne, oder besser gseit, unabhängigi händ glaub lieber, wänns "normal" bliibt, anderi wo so chli spirituell aghucht sind, (chammer das so säge?), sind ehner uf de romantische schiene (dänn aber weniger isch meh) und weisch öppis isch bi all dem s'aller aller wichtigschte:

REDE MITENAND
und nöd dänke.

[u.s.l.]

ich has ufgä, d fraue welle z verstoh. sie sind zum liebe, gärn ha, rede, gniesse, umsorge, kuschle, knuddle, küsse, ärnscht nä, zerschtriite und wieder zämmecho da - aber sicher nid zum verstoh. was hätti au devo? hey, fraue - lueget da : da isch eine, dä verstoht euch! hahaha. die würdet mich glaub nor uslache (wenns das nid scho au so de fall isch).

aber: wenns dir öpis bringt, denn bitte schön!


(edit:) und ficken au.

[Fallen Angel 2]

ach naja, fraue sind genau glich wie manne, nur händs en andere körperbau, so gseh ich das. (edit2: also im bezug uf wie sie fühled, dänked, läbed, sind - das ding hinder de auge wo bewusstsii gnännt wird, mines erachtens "funktioniert" das ähnlich, wänn nöd sogar glich, underschiedlich natürli will nöd jede mänsch glich isch, klar.)

kompliziert isch da dra nur eis: üsi eigne gfühl und gedanke.

Goldfish Memorial

Edit: ah wobii villicht au eifach wiemer demit umgönd hihi

[guana*]

fallen angel: sehr interessanti asechte .. schlossändlich esch s jo eh eso das jede einzelne mänsch individuelli bedörfniss/vorschtellige/erwartige usw.. het..

muess mer wohl einfach usefende - oder eifach mol mache.. entweder klappt's ... oder halt nöd

mich zieht das wie es magnet aa, das ich ebe gnau die manne toll fende wo ich nöd genau weiss wora ich ben..den onsecher werde..ond si mich den oninteressant fendet well mis sälbschtbewosst sii nöd/nöm eso esch wies eigentlich sött sii..
cha jo eigentlich nöd si das sis sälbschtbewosstsii vo manne abhängig esch??

die wo mer scho vo afang aa s gfühl gebed si möchted öppis vo mer get mer so en gwössi "secherheit", wo ich eigentlich gar nöd well haa..wo halt den di ganzi sach oninteressant macht..

jedefalls well ich nie s'gliche wie de manne wo ich treff... ond das goht mer langsam aber secher uf de sack sorri



u.s.l. hesch rächt! ich wörd di au uslache jöö, esch aber herzig gschrebe

[Fallen Angel 2]

ich wötte nur no eis: usefinde wer ich bin und unabhängigs selbstvertraue ha, unabhängig vo gfühl und ohni komischi gedanke, bewusst dänke. so in etwa gseht de plan us. lol

[blaues hufeisen]

als erstes möchte ich dir mitgeben:

mach dir mal nicht zu viele Sorgen um deinen Kobold.
es ist zwar nicht einfach, wenn 2 welten, wie die euren zusammenknallen aber das kommt immer wieder vor.
ich hab's auch mal erlebt, als meine damalige freundin mich mit anrufen im geschäft, im zug, im bett, auf der strasse, u.v.m. "terrorisiert" hatte.

so. und nun meine antwort zu deiner frage:

aus der sicht des doppelten skorpions, gibts dazu einfaches zu sagen:

setze ihn nicht unter druck - wenn Du das tun willst, geschieht das gegenteil von dem, was Du eigentlich erreichen willst.

wenn ihr euch noch nicht so gut kennt, dann geht das ganze laaaangsam an.

finde heraus, was er mag ~ finde heraus, ob du das auch magst ~

versuche dich selber zu sein - dränge ihn nicht, auf deiner Welle zu reiten. Es kann viele, einfache Gründe haben,
weshalb er blockiert ist -> das finde ich eine typische eigenschaft eines "jungen" mannes.

wenn du ihn etwas besser kennengelernt hast, du magst ihn ja sowieso mit haut und haaren, zeige ihm dann langsam,
was DU gerne hast, was DU brauchst, um ebenfalls glücklich zu sein. zeig es ihm aber schritt für schritt, sonst ist er überfordert.
(der mann will ja, dass seine frau glücklich ist mit ihm und dass es keinen besseren mann für sie gibt aber wenn er etwas noch nicht
kennt und trotzdem der beste für sie sein will, kriegt er noch eine blockade weil der berg höher scheint als er in wirklichkeit ist)

beim letzten Beispiel möchte ich unterstreichen, dass Du ihn liebst und Du möchtest, das ER glücklich ist. erst als 2. priorität,
kümmerst Du dich um dein Glück. das kannst Du ja als liebender mensch erst, wenn dein geliebter glücklich ist. darum diese aufopferung.

ich denke mal, Eure Beziehung wird spannend und sehr lehrreich. Viel Spass beim einander kennenlernen und seid lieb zueinander.

[Melliandra]

Hufise, ich bin zwar kein Ma aber ich würd dier da glaub gad wiederspräche. =o)

Wemer z'erscht lueg, wies am Andere gad und das macht dass am Andere guet gad,
isch das sehr nätt gmeint, ich han aber genau denn immer eis ufe Deckel becho. Wens
ganz schlimm cho isch, sogar no eis as Bei pisst becho, willi GENAU z'erscht für de
ander gluegt han. =o) So quasi also Vorwurf.

Ich glaub es gid schlicht und eifacht kein Regle für das Thema. Ussert dass immer
setsch bi dier sie. Du bisch der schlussändlich immer am nöchschde.

[guana*]

DANKE !!! weni din text eso lese hani fascht s'gfühl du kännsch ois beidi..

onder drock setze wörd ich nie öppert, egal wer..aber ich glaube ich weiss wied's meinsch..
ben sälber en mänsch wo extrem fescht sini freiheit brucht..

danke - ergendwie het mi din bitrag berüert ! ..gschpür da en gwössi erfahrig use..

be öbrigens au dopplete skorpion =)

alles gueti för dich !! .. namaste

[guana*]

Hufise, ich bin zwar kein Ma aber ich würd dier da glaub gad wiederspräche. =o)

Wemer z'erscht lueg, wies am Andere gad und das macht dass am Andere guet gad,
isch das sehr nätt gmeint, ich han aber genau denn immer eis ufe Deckel becho. Wens
ganz schlimm cho isch, sogar no eis as Bei pisst becho, willi GENAU z'erscht für de
ander gluegt han. =o) So quasi also Vorwurf.

Ich glaub es gid schlicht und eifacht kein Regle für das Thema. Ussert dass immer
setsch bi dier sie. Du bisch der schlussändlich immer am nöchschde.

das gsehni au chli eso .. es esch verdammt schwer liebi wiiter z'geh - wenn mer sich sälber nöd "liebt".. oder gern het ..
trozdem esch es bi mer au eso das nachere gwüsse ziit (wens den so si söll) min partner an erschter schtell schtoot..das heisst dasi so zemli alles för ehn wörd mache..au weni sälber bi gwösse sache muen zrogg stecke..
so en gwössi usgwogeheit wer do secher nöd schlächt, eifach das vo beidne siite glich vel chont..

[Fallen Angel 2]

ah so es gaht um öpper konkrets.. $
hihi naja dänn vergiss alles wasi gschribe han

[guana*]

hehe nei fend din biitrag mega interessant.. han ja eigentlich au allgemein gfrogt..

weiss nöd - wie s'huufise druf cho esch.. aber jo, s'goht om öpert konkrets

[Melliandra]

trozdem esch es bi mer au eso das nachere gwüsse ziit (wens den so si söll) min partner an erschter schtell schtoot..das heisst dasi so zemli alles för ehn wörd mache..au weni sälber bi gwösse sache muen zrogg stecke..
so en gwössi usgwogeheit wer do secher nöd schlächt, eifach das vo beidne siite glich vel chont..

Ich glaube, es isch eifacht wichtig, dass mer soviel gid wiemer will und nüd zrug erwartet. Das dönt jetzt so eifacht,
aber ich han usegfunde, dass wenn ich Sache mache oder zrug stecke für de Partner, denn sind das ja Sache woni
nur für mich, nid würd mache. Wenn das z'viel vorchund, denn chund mer so wie en Erwartigshaltig übr, ebe es muess
doch vo beidne Siete glich viel cho?! Muess es das?

Wenn du nume das gisch wo de gern gisch und wo du ebe nid muesch zrug stecke, denn erwartisch du au nüd zrug.
Oder no besser, wenn denn öbis zrug chund, denn isch das dopplet so schön, will du's nid erwartet hesch. =o)

Ich weiss wemer das so liest, denn dönt das so distansiert. Es isch doch s'schönschte wemer für sien Partner was
chan gäh, Liebei und Energie und es isch denn au soooo schön, wenn genau das au zrug chund. Ich weiss genau
was du meinsch. ;o)

Es isch nume en Tip vo mier, es chan au sie, dass dur die "Ufopferig" de Partner es schlächts Gwüsse überchund.
Oder sich sogar uu mega under Druck gsetzt fühlt, will er ja au will soooo viel zrug gäh, das aber viellicht nid chan,
nid will, was au immer.

Viellicht red ich jetzt voll am Thema verbie. Aber dLiebe womer amigs amene Mänsch will gäh, isch ebe nid immer
nur öbis schöns. Und es duet verdammt weh, wenn der sHerz verisse hesch für en Person und denn quasi merksch,
dass es zum teil a dem zerbroche isch, will du ebe nid das gmacht hesch wo für dich stimmt. =o)

Will dier jetzt kei Angscht mache. Eigendlich find ich das bi mier wie au bi allne ander, en Gab wemer so viel Liebi
und Ufmerksamkeit chan schänke. =o)