goa...droge???

[psychotunes]

also zerscht mol hallo^^

ja lol esch förrig ech weiss abr ben mech am langwille ond die biiträg im forum send zum teil eifach booring....

uf jede fall was haltid er defo: WERD ANERE GOA WERKLI MEH KONSUMIERT wie ah anderne forme vo partys met elektronischer/bzw. oder auch psychedelischer musik??

ech persöndlech denkes ned...öi meinige wetti wüsse

[Fallen Angel 2]

nei die werded au anderschtwo konsumiert, goaner sind eifach öppe zähmal vernünftiger im umgang mit droge.

[Taiph00n]

@ FA2: Meinsch ...

Mini erfahrig isch gegesätzlich zu dinere ussag; v.a. will niemert in üsem kulturkreis überhaupt weiss wie mer die substanze korrekt awendet ...

[u.s.l.]

d goaner chönd mit de droge besser umgoh, als droge mit de goaner.

seit es pilläli zum tröpfli:

und? wa machsch da weekend?

und s tröpfli:

i glaub, i lande anere goa

und s pilläli: alles, bloss nid e goa

[Fallen Angel 2]

hm, stimmt schon die naturvölker mittelamerikas haben mit MDMA und LSD durchaus tiefgründigere erfahrungen gemacht, als wir das hier in europa tun.

Diese generelle unterscheidung sollte es uns ermöglichen, auch die kulturellen grenzen zwischen goas und goanern - einerseits - und menschen, die an tanzveranstaltungen gehen, an denen elektronische evtl. auch psychedelische musik läuft - andererseits - zu überwinden, um gemeinsame wege über das verständnis hinaus, zu gehen.

[Kollegoli]

anre goa werded unbestritte viel droge jeglicher art ineglah.

de drufheitsgrad vo z.b. em wümmetfäscht (so es quartierfest be eus in züri-höngg, wos viel familie und "bürgerlichi", oder wie mer die nenne söll, lüt hät) wird aber nöd erreicht. lediglich spektrum vode konsumierte sache isch breiter.

ich bin scho ebe a dem wümmetfest i sonre bar ghocket, wos durschnittsalter öpe 52 gsi isch und es sind würklich alli (öpe 30 lüüt) fuzzzebsoffe gsi. dass alli sooo druf sind, hanich anre goa i dere lange ziit idem mass no nie erlebt.

[Fallen Angel 2]

Oli, danke für Din Biitrag, finds ungemein wichtig, dass das mal wieder in aller dütlichkeit gseit wird. goas sind by far nöd mal asatzwiis so schlimm wie das subversivi element vo dere gsellschaft üs und anderne amel weis mache wänd...

zu de elektronische tanzfäscht mit psychedelische iiflüss chani i dem zämehang zwenig säge.

nur eis frag ich mich ja scho: wass bitte machsch DU inere bar voneme quartierfäscht wos luuter 52jährigi alklichene hätt??!??? nüt bessers ztue??

[dex]

hmm es chunt druf a. Sit i im Coccoon gsi bin muess i säge nei. Uebertriebe mit de droge wird überall. Trance Partys, Drum n Bass, Elektro egal. Es git a jeder Party lüüt wo viel konsumiere, nume es bizeli oder gar nüd. Was halt de idruck vo Droge Party bi de Goas verstärkt isch tatsach das Goas oft open end sind. Darum werde sie oft vo angere Party lüüt als Afterhour benuzt um sich no d kante zghä.

Finges amüsant mängisch. Bin letschti amene HipHop Konzert gsi und han diversi lüüt troffe wo voll uf Extasy sind gsi und öpe 3 Lüüt hei mir wele welchei verkaufe *g*

Sehr amüsant han i de report vom eminem gfunde wo er büest isch wurde well er hampflwies Pille is Publikum het gschmiesse und derzu gseit "Nehmet all, es isch soo geil" ...


.. jaja ... aber wie heisst so schön .. hauptsach gsund *g*

[feriraver]

aso ich wür segä ja es wird nienäds andersch so viel droge konsumiert wie a so partys....
nöd bös gmeint ich mach ja au mit aber es dunkt mich scho das mir chli meh vo dem züg nämed aber de unterschied isch mer wüssed wie demit umgah...

[Ka]

aso ich wür segä ja es wird nienäds andersch so viel droge konsumiert wie a so partys....

hm, also weme alkohol derzue nimmt, si goas absolut harmlos im verglich zumne "grümpelturnier" ämene "junggselle abig", jenste Dorffeschtli, Jodelkonzert, Schwingerturnier, Schlagerkonzert etc etc... I meine so stockhahne-voll si a goas nur wenigi... U susch göhts euch mal ga inezieh, has regelmässig nid chönne vermide, bi imne ländlichä dorf ufgwachse, u das isch ächt bitter uf welem niveau die fescht abgöh scho nach 3-4h. Aber äbe, alk isch legal und wird drum vo vilne fälschlecherwiis nid als drogä agluegt, emel i bürgeliche kreise. Isch halt standard und toleriert...

U susch wi scho erwähnt mal ane Hip-hop Party / Konzert ga, da wird mit sicherheit meh Koks inezoge als a jedere Goa... Was wi au scho gseit dr unterschied isch, das a Goas/ Trance / Psychodelische Partys sicher di grösseri Bandbreiti a Droge Konsumiert wird, was aber nid heisst das Mängemässig meh Konsumiert wird.

Und ä zimlech grosse unterschied, so isch mi iidruck; das diä szene eifach offener dermit umgeit, und so schnäll dr iidruck entschteit das meh Konsumiert wird. Bi lang a Hip-hop und Punk- Partys gsi und dört wird vilech öffentlich Kifft und Gsoffe, aber zum Rupfe und Chügis schmeisse gö all id Schiisi... Und das wird a Goas definitiv offener Praktiziert, (vorallem a Outdoors) was sech aber i letschter ziit au chli gwandlet hett, da d'polizei meh luegt als no vor äs paar Jahr... (vilech dank settigä Threads, i settigä Fore??)

*pArAnOiA*

[feriraver]

ja mir isch das au lieber das anere goa nid so viel gsoffe wird wie suscht nöimets....
ich mein d lüüt sind viel friedlicher als susch irgendwo und ja mer gönd halt offner mit dem um aber wens dadurch witerhin so friedlich blibt isch mir das ja egal....
ja d hip hop lüüt die koksed was das zeg hält und darum gits den die agro stimmig wens den na alk sufed aber ich wür säge was pille und lsd agaht simer scho uf platz eis...

[bestia_climae]

finds au wichtig, was de oli wiiter dobe gschriibe het; ich muen igestah, bevor ich überhaupt s erschte mal anere goa gsi bin, han ich jenschti 'vorurteil' zghöre becho... det werdet droge konsumiert, det chasch dis getränk nöd umestah lah will der suscht öpper öppis is getränk iewirft, denn verdruffsch selber, denn bliibsch hange, bla bla bla...
naja, ha mir denn schliesslich selber es bild vonere goa chönne mache, siit ich ad parties gange bin. muen säge, vode medie und vode 'unwüssende' wird das alles zu viel ufbauscht - s wird dir wohl chuum öper en trip schenke, indem dass er dir dis getränk ufmotzt o. ä. ... und wie scho gseit wurde, d drogeszene isch nöd nur im goabereich präsent. wer scho zwinterthur am albanifescht gsi isch, het wohl au müesse feschtstelle, dasses anere goa sehr wohl e chli en bewusstere umgang mit droge git. ja, au ich ha scho ade einte oder andre party 'härtere stoff' ielah, aber ich cha mich bi beschtem wille nöd mit dene kampftrinker ide bierzelt vergliiche...allerdings find ichs au nöd e soo geil, wen dlüüt anere goa alli i ihrem lsd-himmel schwebet. jedem das seine, aber ich finde, d droge müend nöd unbedingt anere party konsumiert werde. e party sober duretanze isch au e ganz geils feeling

[feriraver]

ich meine ich bin au sehr viel a hip hop partys und det wird au droge konsumiert....aber wen ich mir de verglich mache us minere trance ziit und hip hop ziit chum ich immer wider ufs gliche es wird meh konsumiert den ich han na nie en hip hoper ghört wo 5 chügis gfrässe het und den abgange isch mit dem sound ( was minere meinig eh nid s gliche isch wie wend druff anere goa oder trance party bisch)
ich mein es werdet ja nid all in gliche topf grüert kenn au viel lüüt wo de sound losed und na nie öpis gha hend....
aber bi de einte hani s gfühl sie fühled sich agriffe und strittet alles ab und ich find das isch eifach falsch den es werdet meh droge konsumiert uf jedefall was pille und lsd abelangt...ich meine gahn mal uf züri vors oxa go luegä die hip hoper chömed ja extra zersch det verbi go ihres züüg verkaufe und sie chönds au verkaufe und wiso ja will fascht jede öpis will.das chamer aber aso hip hop partys nid mache die dealer werdet ihres züg niemals so guet los wie aso bum bum partys...
aber das isch mir ehrich gseit au lieber den wens nid so wär den wür ebe jedi goa oder trance party ime suffgelage ände wie a dene dorffäschter und weis ich was für trinkfäschter.....
aso drum isch mini meinig immer no das aso partys meh konsumiert wird aber au bewusster konsumiert wird...und die wo sich immer iredet das mer fertig gmacht wird vo de medie und weis ich was die mached sich selber öpis vor den es isch nid sit geschter bekannt das a so partys konsumiert wird die szene gits scho ewig lang und jede bull weis das au darum glaub ich nid das jetz plötzlich weg so forums meh kontroliert wird....es isch eifach schlimmer worde will die 14 jährige scho das züg nämed und simmer mal ehrich was momentan mit em alk so abgaht isch 100mal schlimmer darum isch mir doch das glich ob mer als drogelüüt abgstämpfled werdet solang die massesufer a ihri fäschter gönd...und ja droge wird überall uf de ganze welt konsumiert au eine wo ländler musik lost kokst vielicht mal eis....aber ebä was pille und lsd agaht find ich wird am meischt a so partys konsumiert....

[feriraver]

und das mit em ich chan mis glas nienets stah lah ....da söt mer a jedere party ufpasse und zwar nid wil eine sis züüg verschenke wot sondern weg de k.o tropfe und das chan überall passiere.....

[Prophecy]

Ich denke an Goa's werden eindeutig mehr und mehr verschiedene Drogen konsumiert.....welche Droge schlimmer ist und welche nicht will ich dabei nicht berücksichtigen, kann sich jeder selbst ne meinung bilden (Goa: LSD, MDMA, Speed HipHop: Alkohol, Kokain....Hmm......) ....aber mengenmässig wird in keiner sonstigen Szene soviel reingeschaufelt....so aus meinen Erfahrungen