Ich finde, de entscheid öb mer möcht droge konsumiere anere party dörf oder eher muess jede für sich selber träffe, solang er/sie sis umfeld nöd negativ belastet.
Klar, wenn jetzt e person beobachtet wie e anderi öpis konsumiert und/oder sin flash usläbt und sich dra stört isch das sis problem will die person a) weiss, dass a derartige parties relativ vill drogä konsumiert werdet und b) im stand söt sie, dass z verarbeite und z toleriere will er/sie das eh nöd cha beiflussä. dra z verbittere und sich sinnlos ufregä wer ja blöd, mer weiss ja ganz genau uf was mer sich ihlaht a sotige parties.
Ich bin devo überzügt dass mer uf drogä, unter gwüsse umständ, traumhaft schöni erläbnis chann erfahre a parties und möglicherwis, au en nutze, e neu erkannti weisheit oder eifach ganz spezielli stunde döf gnüssä.
Ich möcht demit ganz klar de drogäkonsum nöd verherrliche und aunöd dezue animiere!
Es git au die konsorte wo sich a parties, uf drogä (alkohol zehlt für mich au als drogä), eifach nur scheisse verhaltet. Das weg nöd moderate dosis oder wills demit eifach nöd klar chömmed. Das findi zwar scheisse aber wie obä erwähnt bringts ja nüt sich drüber uf z regä, s bringt mir nüt u er chunnt schlussendli aunöd devo obeabe..
Ich selber bin, wohl oder übel, relativ früeh in kontakt cho mit dere materie. Ich han nöd nur wertvolli erfahrige demit gmacht han, ich ghör zu denä wo einisch richtig bös ufd schnauzä glofä si und de sich witergehend gedanke über das verhalte gmacht hend. Und ja, mer wird schläuer drus
Mitlerwil konsumier ich höchstens e hand voll mal im jahr öpis und das au nur unter gwüssnä umständ.
Lange rede kurzer sinn: konsumieren und konsumieren lassen will es het ke wert a öpisem z verbittere womer nöd cha ändere
