angst vor "off-topic-forums-gwitter"..

[Shmahu]

salü zäme

bi de summer´s-end-diskussion isch mer wider mal was uufgfalle... immer wider chömed lüüt wo eim druff hiiwiised, dass mer doch die diskussion söll imene andere thread wiiterfühere, dass das doch alles off-topic (miner meing naa s forum-unwort nr. 1) seg, respäktlos de organisatore gägenüber (??) und mir sowieso vill z untolerant mitenand umgeched.

wieso herrscht da ihne so vill angscht vor gwitter? miner meinig naa hinderlönd diskussione womer mues abbräche und verschiebe oder per pm wiiterfühere, erscht rächt dicki luft. ich fänds schön, wämmer da ihne eifach d diskussione chent flüüsse laa, au wänns halt nöd zum ursprüngliche thema ghört, au wänn mal d fätze flüüged, au wänns halt mal scheisse isch und under d gürtellinie gaat.. irgendwänn isch d luft greiniged und all chönd wider fridlich sii und denand ohni groll a de nächste party id auge luege... das hoffi jedefalls..

ich wird da ihne immer wider als ahängeri vo de blüemli-fraktion betittlet (was mi nöd wiiter stört, ich liebe blueme, muamuamua), wili wörter wie liebi und spirit is muul nimm und ane gueti wält glaub. aber im gägesatz zu anderne halti wenigstens mal zoff uus... und jammere nöd di ganz ziit, wänns mal chli deftig wird. villicht söttemer das forum ume fraktion erwiitere? umd fraktion vo de anonyme harmoholiker? hallo, min name isch... und ich bin harmoniesüchtig...

ohni diskussione kei verständnis
ohni verständnis kei akzeptanz

akzeptanz chunt nöd vonelei... mir händ all vorurteil (ich au, siehe oben @harmoniesüchtig... )) und wämmer si uusspricht und offe drüber red und si nöd feschthebt, dänn lösed si sich uuf. erscht dänn chan so öppis wie toleranz und akzeptanz entstaa.

[Titali]

genau andrea

ich bin voll dire meinig, ich bin mir nid sicher, aber ich gloube ich ha das wort "offtopic" so guet wie no gar nid brucht!!!

es isch nüt off, sondern e ganz normali diskussion wo ihre wäg und fluss geit... egal i weli richtig!!! zläbe isch prägt vo ständige konflikte...

lasst es fliessen

[Shmahu]

hoi sunny
bin da überhaupt nöd dinere meinig...

1. wänns jetzt halt under "komponisten" en thread git, wo sich irgendwänn ume party dreht, dänn isch mir das doch schnuppe. hauptsach es wird gred und uustuuscht, für das isches forum da. wänns mi nöd interessiert, dänn zwingt mi niemer zum mitläse.
2. du sitzisch doch au nöd miteme fründ amene tisch und diskutiersch und rüefsch irgendwänn: "offtopic! sorry, über das chömer jetzt leider nöd wiiter rede, das hät nüt mitem ursprüngliche thema ztue... das chunt dänn binere andere diskussion dra..".
3. diskussion bim summer´s end thread hät sich au NÖD ums gliiche dreit wie letscht jahr, aber zum das usefinde hett mer gnau und vorurteilslos müese läse.. was 80% vo de mitläser nöd gmacht händ und mit ihrne kommentär ("scho wider di gliich diskussion!") d diskusion nur unnötig müehsam gmacht händ.
4. usserdem hät sich de konflikt bim summersend uufglöst... de simon und ich sind ämel wider fridlich usenand. und ich wird kei müeh ha a de nächste party uf ihn zuezgaa und ihm es lächle z schänke.

[Kollegoli]

ja da muss ich de shmau vollumfänglich zuestimme.

ich säg mal, 80% vo guete diskussione da sind offtopic (gsi).

de frogi mi sälber scho, öbme die sach über musig etc. nid lieber bimne feine chai, kaffi, oder bier unter 4 auge cha usdiskutiere (oder äbe PM), dass die wo eigentlich reports vor party wei läse, die au chöi läse, ohni zersch über dutzendi iträg ds stolpere, wo im grund gnoh hinde u vore nümme mit de party sälber ztue hei.

das findi au voll nöd. wie dparty gsi isch, hatmer schnell usegfunde. nach spötestens 7 glesene reports über dparty, hat mer sich sicher es bild verschafft, wies gsi isch.

wieso söllmer denn sache, wo alli öpis agönd, under 4 auge bespreche? dmusig isch nunmal es essentiells thema be de entwicklig vo goaszene. ich behaupte sogar, dass dmusig es essentiell wichtigs thema isch, wieviel bewilligunge, abfall, diebstähl usw. es uf dlängi a goaparty gäh wird. kaputti musig zieht kaputti lüüt a; luschtig musig luschtigi lüüt; schwanzigi musig, schwanzigi lüüt; psychedelischi musig, psychedelischi lüüt usw... ich denk, du weisch wasi meine... gsesch dann du das nöd so?

zudem findichs echt müehsam, wie konflikt-paranoid dlüüt da zum teil sind... isches denn so schlimm sich echli mit temprament azgah? oder wiiter; isch striite öpis schlimms, wasmer unbedingt sött vermiide ?

und wenn ich e party organisiert hät, und ich gseh wür, dass sich dlüüt darüber gedanke mached, mitenand reded und au ehrlich sind, dann wür mich das würklich erfreue. ich mags, wenn mensche das säged, was sie denked und mich somit au es stuck a sich anelönd (ich mag nöchi zu mensche; so wie die meiste wahrschiinli). stellder vor, alli würed immer nur präzise ontopic schriibe...? das forum wär ja voll de brunz..!?

[Shmahu]

iisi sunny, ich glaub em oli sis "konfliktparanoid" isch nöd uf dich bezoge gsi...

nur no schnäll e näbedbemerkig: vo dene 1000 lüüt wo "müend" mitläse (oder ignoriere) häts sicher gnueg lüüt, wo die diskussion gspannt mitläsed, ihri meinig aber nöd schriibed.. grad nach de summer´s end- diskussion händ mich lüüt aghaue und und händ gfunde: hey krassi diskussion, isch mega spannend gsi...

es hät anschiinend wiiteri diskussione a parties am wuchenänd uusglöst und ich find das geil... d lüüt mached sich gedanke.. was will mer meh?

zudem findichs echt müehsam, wie konflikt-paranoid dlüüt da zum teil sind... isches denn so schlimm sich echli mit temprament azgah? oder wiiter; isch striite öpis schlimms, wasmer unbedingt sött vermiide ?

schlimm findi, wänn striit under de teppich kehrt werdet. ich bin i sonere familie ufgwachse und es isch echt nöd gsund... lieber chli d fätze flüüge laa und sich nachher d händ schüttle. das isch i anderne kulture sälbstverständlich.. mir schwiizer sind da irgendwie nochli ..hmmm...verchlämmt?

[Lila]

ohni irgendwer welle azgriife muesi eifach säge dasi was das abelangt total am suncollector sinre meinig ben..

es stört mich velech ned grad extrem..aber findes ebe gad bide partyreports efoch ned abrocht über soundgschmack usw zdiskutiere..det setis wüki nur um d party ansich goh..

stell der vor du bisch en organisator vo dere party und musch denn gseh dass d helfti vode biträg gar ned um party gönd..isch ned so de ufsteller..

bin zwar selber saufuul was partyreports abelangt..mag det amig ned so vil schribe..aber findes schön dasses lüüt gid wos mached und au videos und föteli sind immer de hammer..schöni erinnerige..

soo etz bin ich ja au na offtopic worde..lool

[Shmahu]

naja, finde die asicht chli komisch... ich mein, wämmer nöd diskutiert hettet, hetts ja au nöd meh partyreports gää, oder? und sowieso, reports sind "gschänk" ad orgs.. und ich glaub nöd, dass organisatore erwartige anes gschänk händ? das wär ja irgendwie zimli däne?

ich versuech mich da mal iezversetze: ich han e party gmacht und nachher diskutiered d lüüt über musiggschmack.. ich fänd das zimli geil. ich gseh echt nöd, was da söll schlimm si dra.. ???

[abraxas]

es geht doch darum dass hier sehr viele verschiedene user mitlesen. den einen interessiert eine diskussion, den anderen überhaupt nicht. das muss man auch respektieren, ist ja jedem sein ding.

deswegen muss man den leuten auch die möglichkeit geben, sich die sachen rauszusuchen, die sie interessieren. und das funktioniert hier durch kategorisierung. es gibt vielleicht bessere möglichkeiten, ich habe mich da nie schlau gemacht. aber momentan schient das der beste weg zu sein...

oder andersrum:
wenn man irgendwo in eine runde sitzt, welche gerade über die neueste fernsehserie diskutiert, dann fängt man auch nicht alle an zuzulabern was man gestern zu abend gegessen hat. man tuts vielleicht, aber auf keinen fall wenn es leute dabei hat die sagen "interessiert mich nicht, oh wie ätzend, nein, nicht schon wieder bitte"... dann sucht man ein gemeinsames thema.

ich bin auch nicht dafür jede diskussion gleich abzuwürgen wenn sie ein wenig aus dem ruder läuft (hätt ich wohl nicht extra erwähnen müssen), aber die einhaltung einer gewissen grundstruktur macht das medium benutzbarer.

ausserdem: wenn ich eine bestimmte information suche, wie finde ich sie dann, wenn es keine kategorisierung gibt? wenn ich über musik diskutieren will, dann schaue ich doch nicht in die reports, sondern in das thema "musik"... man schliesst also auch sofort alle leute, die sich vom threadnamen irreführen lassen, von der diskussion aus...

nachträglich: man kann ja auch super gut einen neuen thread aufmachen und dann in der "alten" diskussion einfach einen link setzen und schon kann dort mitdiskutieren wer will, und wer nicht will hat die möglichkeit nicht zu klicken. so ist doch allen geholfen, und der "redefluss" braucht auch nicht zu versiegen.... und wenn man den kontext noch dabei haben will, dann kann man ja einfach aus dem alten thread in den neuen quoten.

[Lila]

genau abraxas du seisches..

aso ich säg mal wenni en admin wer unds voll im griff hed und das au ned so ufwändig wer wür ich etz zb usem summers end thread die diskussione über musig usefiltere und die ine neue thread verschiebe..

und shmahu ..ok dich wür das freue..mich zb ned so..gibi ehrlich zue..wenn ich etz en hauptorganisator vonere party wer würi mi scho meh freue wenni vil reports chönd läse..

und logisch gids ja au vil lüüt wo die diskussione über musig vo eu mega intressant findet..aber ebe wie gseit wür mer das wemers wet go sueche au ned ide partyreports go usfindig mache..

also anarchie im forum isch zum teil ja scho ok..aber es zu grosses chaos hed au nachteil..wie ebe die erwähnte..naja ich denk das isch zimli usgliche mit de meinige..ob offtopic störend isch oder ned..

[PsyFisch]

Ich denke auch, dass die Offtopic bemerkungen nichts mit einer Angst vor diskussionen, bzw mit harmoniesucht zu tun haben. ich glaub, andrea, du interpretierst da was hinein, bzw ich seh den zusammenhang nciht.
die summers end diskussion hab ich gerne mitverfolgt und mich sehr amuesiert, mir ist aber nicht aufgefallen, dass jemand die diskussion stoppen wollte, nur weil sie zu heftig war. ein paar "seit friedlich" kommentare waren schon dabei, aber dies brauchts glaub auch ab und zu, dass die diskussion nicht ins rein emotionale abdriftet.
bei den off topic kommentaren gings wirklich nur darum, zwei unterschiedliche diskussionen (musik und reports) zu trennen. man haette ja im gleichen thread noch ne diskussion ueber die deko, ueber die food staende, abfall, etc etc fuehren koennen. 20 leute wild am durcheinander diskutieren. wie will man da "seiner" diskussion folgen koennen?

das verschieben in einen passenderen thread killt die diskussion ja nicht. im gegenteil, andere werden dann vielleicht darauf aufmerksam und machen mit. ich schau zum beispiel auch nur gewisse themen im forum an, weil sie mich momentan gerade interessieren. ein beherzigter ueber-musik-diskutierer verpasst vielleicht gerade so eine interessante musik diskussion, weil er nicht an den reports der summer's end party interessiert ist.

just my two cents

ps: frank zappa hat recht

[Nicolas]

Ich persönlich sehs wie Abraxas. Es hat vorallem ein organisatorischer Grund. Um noch einmal das Beispiel einer Diskussion am Tisch aufzugreifen. Habt ihr sicher auch schon erlebt, wenn am Tisch mehrere Diskussionen gleichzeitig laufen ist das sehr mühsam. Dann tauscht man die Plätze oder sogar den Tisch, um nicht kreuz und quer über den Tisch zu reden (schreien) und auf den Gesprächspartner eingehen zu können.

[subconsciousmind]

Alles eine Frage des Masses oder?

Einige Beispiele:

Einen Report zu eine Party schreiben, darin eine Meinung ausdrücken, ein bischen Philosphieren.. ok.

Einen Report zu einer Party schreiben, darin kurz Stellung zu den Philosophischen Ergüssen des vorigen Reports nehmen, die Meinung stehen lassen, ok.

Offtopische Schlichtungsversuche, ok

Sich gegen einen persönlichen Angriff wehren oder verdrehtes klarstellen, knapp ok.

Einen post machen der nichts mit der Party zu tun hat und vor allem im Sinn hat als sich über die andere Meinung des anderen zu beschweren.. nicht ok.

Offtopisches "offtopic" rumgemotze, macht alles nur schlimmer, verhindert eine Abkühlung, nicht ok

Offtopisches "streitet nicht" rumgemotze, macht alles nur schlimmer, verhindert eine Abkühlung, nicht ok

Einen post machen der nichts mit der Party zu tun hat, selbst nicht mal dort gewesen zu sein, eine CDkritik zu kritisiern von einer CD die man nicht gehört hat etc. , sich nur über Meinungen und Philosophische Ergüsse aufregen, überhaupt nicht ok.


ich finde das trifft zumindest auf PartyReports oder CD Kritiken und ähnliches zu.

Bei allen andern Foren finde ich es weniger bis gar nicht heikel.


Guter, Post, vielleicht entwickelt sich in diesem Forum ja doch mal noch so etwas wie eine Gesprächkultur.
Aber eigentlich entstehen doch sowieso die meisten offtopic Schlachten hier weil zu viele nicht genau genug lesen und sich zuwenig Gedanken über geschriebenes machen und zu schnell gesagtes beim überfliegen schulbadisieren und dann plötzlich von was ganz anderem reden.

[Shmahu]

Aber eigentlich entstehen doch sowieso die meisten offtopic Schlachten hier weil zu viele nicht genau genug lesen und sich zuwenig Gedanken über geschriebenes machen und zu schnell gesagtes beim überfliegen schulbadisieren und dann plötzlich von was ganz anderem reden.

ja aber raphi, schublädli sind sooo verdammt bequem... mer mues dänn d sätz nöd mal fertig läse, sondern cha eifach i de mitti vom gschribene en beliebige stämpfel ufdrucke und wider go schlafe gaa... also, ich find das genial!


ja, zum no stellig nä zu euche posts... ich verstah was ihr säged vo wäge organisatorischs problem. aber nach minere beobachtig findet off-topic-diskussione relativ sälte statt. und wänn dänn werdets meistens siiglaa... usser ebe, es gaat chli hitziger zue und her, dänn schaltet sich plötzlich zig lüüt ii und findet das denäbed. us dem hani gschlosse, dass da e "harmoniesucht" oder konfliktvermiidigsstrategie mues herrsche (@psyfisch) under villne user.

ich chan jetzt zwar naavollzieh, dass es fürd orgs wahrschinli wüki nöd soo agnähm isch, wänn sie uf reports klicked und en riese fight gsehnd...aber wäni so bim thread durescrolle, so gsehni au, dass de "striit" um villes verlängered und ufpluschteret worde isch dur mänsche, wo sich iigmischt händ und immer wider verärgeret händ müese druff hiiwiise, dass das jetzt doch alles off-topic isch und sowieso fehl am platz. wämmer die üsserige wegglaa hett, dänn wäred einigi siite thread und es paar liter chochends bluet gspaart worde (abgseh vo so schlichtigsversüech wie vo de ilenja, so was findi ok, wills wüki guet gmeint isch und eim au obenabe holt und nöd eifach no meh ärger schüürt)

[Kollegoli]

aso bitte, das forum isch no längstens organisiert gnueg.

bruuched ihr dann üebrall schwiizer-qualitäts-standard?:

"der schweizer bürger soll überall und zu jeder zeit qualität in höchstem masse erfahren." *würg*

musses immer supper organisiert zu und her gah und alles riibigslos ablaufe? isches so schlimm durschnittlich nöd mal 8 sek länger is läse vome thread z'investiere? muss alles supper konform für de benutzer/konsument ablaufe, anstatt das de mal zwunge isch sis eigene hirn benutzt und usezfinde, welles jetz die für ihn interessante biiträg sind?

[Shmahu]