Guarana Ampulen

[Melliandra]

Kennt die wer? Schon mal probiert? Gelb, Rot, Schwarz? Wie ist die Wirkung?

[Jones]

ch han mal ais ide händ gha, ufgmacht, dra gschmöckt und den in chübel grüert... het nöd so fein gschmöckt...

[Melliandra]

ja das hani au scho ghört. Hehe mal luege, weni denn das ufmache.

[Jones]

viel Spass bim luege...

Poppers Test
http://www.youtube.com/watch?v=D6XEIDUr ... re=related

weiss nöd ob das s gliche isch??

[tinu the PsySchlumpf]

viel Spass bim luege...

Poppers Test
http://www.youtube.com/watch?v=D6XEIDUr ... re=related

weiss nöd ob das s gliche isch??

Nein, Amylnitrit und Guarana ist ganz sicher nicht das gleiche!

[Jones]

definitiv nöd sgliche

[Jones]

[Melliandra]

Genau! Nei mit Poppers bleib mir fern!

[Amanita]

Meinsch du die? http://www.suddenrushshot.com/
Han i letschti als Wärbegschänk becho, sind emol scho viel besser als die grusigä Guaranatablettä. Han di Gälä gha und die hend Honig und Gwürz drin und sind drum gar nöd so schlächt und bin scho chli fitter gsi nachhär. Chönnt i jetzt au grad bruchä, aber i glaub i mach mer jetzt en Tee chunnt billiger..

[Melliandra]

Genau die. =o) Ja du ich meine ich drink das ja nid wills fein isch. Wett eifacht biz
länger chöne wach und aktiv bliebe anere Party. (Bin suscht so es Fuultier =o))
Und wenn das was bringt, findis besser als anderi Wachmacher zKonsumiere.

[Amanita]

Naja, ob das viel meh bring als ein Liter Cola trinkä, han i ebä nöd chönnä ermittlä.. Müäst i zu Teschtzwäcke mol chli meh chaufä..

[Fallen Angel 2]

also wänn scho dänn trink das in form vo tee oder so was ähnlichs (känn mi da nöd so us, aber gitt gnueg lüt wo sich uskänned) sone ampulle isch imho zu vüll würkstoff wo de gar nid bruchsch. letztlich isches ja en chemische prozess wo das guarana uslöst, und villicht müssted d'chemiker under üs üs mal ufkläre, was dänn genau de underschied zwüsche z.b. speed und guarana isch, rein im bezug uf das was es im hirn uslöst. vo lebere und niere redi jetz mal nöd, da gits vermuetlich no chli me underschied.

öppis wo ich no e wichtigi erkentnis gfunde han: es gitt kei zaubertränk, wo dir meh energie is bluet inetüend - alles was öppis was mer iinimmt mache chan isch en chemische prozess i dim hirn und allefalls i de drüse uslöse. aphrodisiakum lömmer jetzt mal bisiite.

bin irgdwie nöd so fan vo so ampulle - aber villicht sind das au nur vorurteil?

[Melliandra]

hm... oke =o) Ja han jetzt gad gseh, dass mer das sogar in Apotheke chan chaufe. =o)

Hehe ja denn wirds nid die umwerfendi Wirklig gha. =o) Ich lah mich la überrasche.

[Amanita]

Apothek wür jo scho mol ussägä, dass es en Wirkig muen ha (oder wird's als Läbensmittel verchauft?), han gmeint das chauft mer vor allem i Sportlädä & Reformhüser..

Guarana isch eifach ä Pflanzä mit sehr hochem Koffeinghalt und wirkt dem noch wohl gliich wie Kaffi, Cola oder Tee, drum bliib ich lieber bim Chai..
Glaub nöd, dass das viel mit Speed gmeinsam het..

Das wird eifach in Ampulläform verchauft, well die wos erfundä hend, dänkt hend das sig cool & praktisch.

http://de.wikipedia.org/wiki/Guarana

Und zur Pharmakologie:
http://de.wikipedia.org/wiki/Koffein#Ha ... s_Koffeins
http://de.wikipedia.org/wiki/Amphetamin#Pharmakologie

Produkte mit natürlichem Koffeingehalt:

* Eine Tasse Kaffee (150 ml) enthält ca. 30 bis 100 mg.
* Eine kleine Tasse Espresso (30 ml) ca. 40 mg Koffein.
* Eine Tasse Schwarztee kann je nach Zubereitungsart bis zu 50 mg enthalten. Das im Tee vorkommende Koffein nannte man früher Theïn (von französisch thé), chemisch ist es jedoch exakt der gleiche Stoff wie im Kaffee. Allerdings ist in 100 g trockenen Teeblättern mehr Koffein enthalten als in der gleichen Menge gerösteter Kaffeebohnen.
* Guaraná enthält 4 bis 9 g Koffein pro 100 g in der Trockenmasse
* Selbst Kakao enthält mit ungefähr 6 mg pro Tasse ein wenig Koffein, aber hauptsächlich Theobromin.
* In Schokolade findet sich Koffein (Vollmilchschokolade ca. 15 mg/100 g, Halbbitterschokolade ca. 90 mg/100 g) neben Theobromin und anderen anregenden Substanzen.

Ich iss jetzt mol ä Taflä Edelbitterschoggi..

[Melliandra]

Ja da hesch du sicher rächt. Ich lah mich glaub eifacht la überrasche. =o)
Red Bull hed bi mier nid en schlächdi Wirkig. Aber inere Nacht 5-6 Red Bull
drinke findet mien Mage nid so toll.

Ich han halt bizeli Bedänke gha vo wäge dass es Natur isch und Naturprodukt
gägenüber bini irgendwie vorsichtiger.

Aber du hesch rächt, es isch "eifacht" en sehr en höchi Dosis a Koffein.

Das es nid wie Speed wirkt isch mer scho klar. Muess es aber au nid zwingend.
Will eifacht mal wieder chöne bis am 4i, 5i dure fäschde und nid immer scho am
1s, 2i dänke ach wär jetzt schön es Bett da z'ha. =o)