12.12.08 - Progressive Dance - Reaktor Winterthur

[Animi Defectus]

Wow!! Eigelob stinkt ja bekanntlich, aber ich glaub es isch nöd falsch weni säg, dases e richtig richtig geili Party gsi isch..Was Progiparties abelangt isches für eus en super Start gsi.

Ich wett no allne Acts für iri super Leistig danke..All hend mit irem eigete "Gschichtli" en Biitrag a de ganzi farbigi progressivi Mix biitrei. Super gsi..

Und nebscht em Team wetti a dere Stell au no em Kurt, de Jeanine, em Lukas, em Marco, em Bojan und em Fäbe danke..Ohni euchi Unterstüzig wärs natürli wiedermal nöd möglich gsi sone Party fehlerfrei durezfüere..Fetts merci..

Da mer mit offene Charte wend spile wetti a dere Stell verkünde das mit de Hälfti vode Itritt und de direkte Spende vo bsunders grosszügige Partygänger en Betrag vo CHF 1043.10 zämechoo isch. Das isch top und wird für die Schuel e grossi Unterstüzig sii zum chöne witermache..Danke a alli

[feriraver]

woooooooooooooooooow chani dezue nur säge e hammer geili party....de sound isch de absoluti hammer gsi und e super deko es hät eifach alles gstumme....die ganz nacht dure tanzt..... ich wird no lang über die party schwärme...danke animidefectus für so e super party womer in de schönschte erinrige bhaltet........


würklich ganz geil gsi....wen gahts witer..

[Marcosis]

möcht mi au nomal bedanke fürs booking, het mega spass gmacht dä schluss z`mache mit dene partylüüt eifach klasse gsi vo mir us hets au nochli länger chöne gah

grütze mit würze bis bald

[Indigo]

hallo ihr liebe

es isch würklich en 1A party gsie mit viel super guetem progisound, ultra nettem organisations-team und mitschaffende "allesmacher"! so ne gueti zämäarbeit und tiptoppem isatz hani selte indoor erläbt! vo de wahnsinnig nette und pfiffige barfrau (Lunaaa i de shorts mit strümpf) und ihrem *weissnediwieheisst* mithelfer, über alli da und dete mithelfende chline zauberer und fee'e bis zum feine chai, hett eifach alles gstumme! sogar d'security het volle, fachmännische isatz gleistet, MERCI!

ganz bsunders will i em Suncollector und em Dex jetzt no, mini wahnsinnig grossi freud witergeh.
euen tandem- oder so uftritt isch eifach nur "out of this world" gsie, genannt g e i l . han glaubs selte so gschwitzt i mim läbe bim fäge, hehe ... . eifach nur oberheiss! au die andere musiker und DJ's sind en würkliche hit gsie. de lade het brodlet!!!

mir persönlich hend einzig die beide type am schluss ned gfalle. für min gschmack zu monoton und bäng bäng. egal (bin bis am 10h am sa bliebe. viellicht het's ja anderne gfalle? au guet.

nomal ganz grosses MERCI für de füür- und flamme abig & morge. = ziemli unvergesslich.

BESO .

[Victoria]

Jepaa....das hät gfäget

vo de lüüt här isch gnau richtig gsi, mer isch zum glück nöd so a de wand kläbet.

@ Bi-Molecular: Ihr sind genial! Danke euch!

Danke au as team vo animidefectus und allne andere super lüüt wo mitgfäschted händ
...und tanzed schön wiiter durch die nächscht wuche...

[0x1d]

jooo dankää für das tolle fäscht!! =)
fetts kompliment ad orgas, ihri nette helferlis und a suncollertor & dex mit ihrem geniale tandem live act =D
wükli hammer gsii! ha scho lang nüm di ganz nacht chöne duretanze (oder so ähnlich ) bis mer alles weh tah hät xD

[dex]

Schön isches gsi

Sind leider chlei spät cho well mer no chlei vorpfuused hei. Aber chum acho het eus die guet stemmig grad mitgrisse.

Merci a all wo mit eus abgrocket hei und a Orga fürs booking *freudel*

[Pilzli]

Für so ne super Party machst echt Spass zum mithelfe, gratuliere zu euem Erfolg!
Sogar die 9 (!) Strichliliste an de Kasse hät sich glohnt zum usfülle für ne so grossi Spend
s Lineup isch selte guet usgesucht gsie und drumm sind Lüt wohl aus so lang bliebe ...

Machend witter so!!!

[Catweazle]

Jepaaa es isch wirklich e hammer geili Party gsi es riese Kompliment a Tandem, ihr händ wirklich geile Sound brocht

Leider isch mir es schwarzes Cd Case und schwarzi Sony Kopfhörer wägcho. Falls die mal irgendöper gseh het oder wie au immer, bitte bi mir mälde.

Cheers

[Asrael]

danke kurt

mir häts au super gfalle ,ja die strichli liste häts in sich gha
, feine chai super toast ,friedlichs eggli hämer gha

alles am schnüerli gloffe ,es hät genau richtig vill lüt im club gha

aso bis sehr bald ,im arschchalte wald lets dark dance
grüssi

[greenhope]

oh ja absolut genial gsi zwar am afang fascht chli platz angscht becho

scheiss indoor ziit

isch schön gsi dä synthax mal wieder live zghörä... wiä immer än ohräschmaus
merci adda und marcosis ihr wüssäd eifach was heisst geilä proggi ufzlegä und wiä dmengi zum tobäzbringä.....
hm na öbis letschts pinky und brain blibäd doch eifach pinky und brain und wält wer wieder in ohrnig... nid bööös gmeint

[Samuel]

hm na öbis letschts pinky und brain blibäd doch eifach pinky und brain und wält wer wieder in ohrnig... nid bööös gmeint

das isch han ich grad welle schriebe

hurre geili nacht gsi schusch aber

[white]

da isch no es video vom tandem live act uftaucht..

vil spass