vili rauched hasch, wil das klarer mache söll als gras... (aber es isch wohl au jede andersch)
i findes wichtig, dass mer zunere innere konzentration chunt, dä chamer sache xe und lärne. wämer eifach so kifft, verhäääängt, dänn isches klar, dases igendwie... naja, halt ebe verhängt macht und zudem ane chas rächt verwirre, wämer für sich nöd ime glichgwicht isch.
mini meinig
(oder en chline teil vo miner meinig..)
Sven hat geschrieben:
Ich för min Teil dänke eifach, das euse Geischteszuestand esch wie ner esch, wells so ebe guet esch för eus. Oder am eheschte ad Omständ apasst. S Synapsesystem duurhaft z störe donkt mi ned sennvoll. Also versuech ich das nor ganz gezielt z mache; ond dedezue schiint mer THC wederom ned di geeigneti Substanz z z si.
Love & Light
i xes au so, dass oisi sinnesorgan sovil idrück zuelönd, dass mer nöd überhüüft wird mit infos. es git lüt, die nämed me wahr, andri weniger. darum isches so wichtig, dass mer uf s setting achtet, wämmer psychoaktivi stoff zu sich nimmt. mer söll sich chöne ga la, voll hiigä. mit so substanze verflüchtigt sich en teil vo dem näbel, wo mir im alltag gwöhnt sind und es öffnet sich türe. das isch weder guet no schlächt, es isch eifach wies isch. mänge lüt isch das, wo si xend, scho gnueg und vili fürchted sich au (unbewusst) vor de klarheit, de erkänntnis. ha au mal mit öperem gredet, wo "droge" vo grund us ablehnt. i hanen gfrögt, warum. er hät gantwortet, dass er, wänn er das mache wür, sache wür xe/erchänne, sodass er sis läbe/sini wältasicht vo grund uf müsst uf de chopf stelle, und das isch ihm zu asträngend. es git bestimmt lüt, die händ sones "sorgefreis" läbe (i mein demit nöd frei vo allne sorge, aber vilich mit weniger dramatische ereignis im läbe oder mit re andre herangehenswis a die ereignis) und sind vo grund uf zfride demit au ohni substanze. anderne hälfed bewusstsinserwitereti zueständ, a theme anezcho und d wurzle z erchänne, sodass sis dänn das, wo si erläbt händ, im alltag chönd integriere und immer meh zu sich cho.
so wie jede mänsch einmalig isch, so isch doch au d würkig vo halluzinogene bi jedem verschide und au wänn ich behaupte, jede söll uf set/setting/dosis achte, so isch d umsetzig doch bi jedem wider andersch... gueti therapeute erchänned das und passed au d begleitig vo persone dene umständ a, wil si d schwingige chönd ufnä und integriere...
go on and on and on...
Wenns eim debii wohl esch onds eme gwössnige Mass bliibt, fendis ned schlemm. 
