ich han jetzt siit 4jahr s erst mal es bad gno, über vieles naadenkt, jetzt hani en klare chopf zum schriibe und ich nimm mer jetzt au ziit.
Also da ine gschribe hani eigentli ganz spontan, hett nidemal denkt dass sich so viel lüüt bi mir meldend, ob ernstgmeint oder nid lani ieds mal so stah. Das ganze isch aber leider es biz "usgarted" findi, es isch meh en "mir isch langwilig, luegemer mal was im goaflirt lauft..." thread worde, obwohl ich zu 70% ernsti absichte gha han...
Schlimm isch das nöd, ich han vil lüüt "kenneglehrt" und jetzt weissi vilicht au dasi nid sött scheiss is internet schriibe, dass es schlussendlich immer lüt git wo eim scho kenned und wo denn komisch tüend.
Logischerwiis han ich das nid chönne ahne, d ding hend ihre lauf gno und ich han realisiert, ich muess nid sueche, ich sött finde. Wahrschinlich isches sowiso so, dass vieli lüüt mini aasicht vo beziehig nid teiled, dass si denked ich bin unriif wenn ich mal en usraster han, und so wiiter.
Ich will mich gar nöd elter mache als ich bin, mich au nöd so benäh, es sei denn ich muess irgendwo ine oder anecho womer nur ab 18 zuetritt het.
Suscht bin ich eigentlich würklich ich selber. ich han kantene, mackene, s ein oder andere problem im hier und jetzt und au ide vergangeheit, nöd jede isch suuber. Au nöd jede isch perfekt, es wär langwilig und abnormal.
Vielmals seged mir lüüt "ja du benimmsch dich riifer als die meiste i dim alter...". Das stimmt nöd, ich benimm mich nid mim alter entsprechend, sondern mir selber entsprechend. so wie ich mich wohl fühl, wie ich bin und nid mis ussehe oder mis alter machend mich us. Ufem papier vilicht, nei, bestimmt, aber nöd im lebe.
Ich chann vo mir nöd behaupte ich stahn mit beide bei fest im lebe, chann au nid sege dass ich weiss, was ich wott. Wenn die ziit da isch, denn isch si da und ich wirds früeh gnueg merke. Darum widersprich ich mir öfters, ich wechsle mängisch wies aprilwetter und bin es bitzli "freakig"...
Zu dem thread will ich sege, er dient wahrschindlich würklich nume no zur unterhaltig momentan, ich probier das ganze mal mit dem biitrag wider is ernste z zieh, falls sich öper die mühe macht und das list...
Ich versuech übrigens keineswegs lüüt z "caste", das bin ich nöd, und das wär menscheverachtend uf en art... Es wür mer echt leid tue, wenn sich da öper so fühlt.
Entschuldige chani mi leider nid selber, ihr münd mich entschuldige. Ich chann lediglich sege es tuet mer leid, teilwiis büt ich ebe scho en scheiss..
Und widerhole tueni mi au, aber das hender sicher scho gmerkt...
Was ich sueche weiss ich eigentlich scho, nur mengisch chunnt unsicherheit und es gwüsses gfühl vo verlasseheit ins spiel, alles gaht viel z schnell und am schluss vo de wuche sitz ich scho wieder allei da, ich bin glaubs eifach nöd mit mir im reine, drum find ich mini liebi wahrschindlich no lang noni...
So, und jetzt mal nüme zu mir, sondern zu eu...
Goa-szene, oder wie au immer mer si nennt, d neuziit hippies und glögglimensche
ich weiss dass die einte vo oi sehr sehr intelligent sind, ihr verstönd viel, wo normali mensche nöd verstönd, gnüssend ds letzte stuck vode natur anere outdoor und sind echt die grösste chillers, dash mini meinig.
ich cha mich zu dere szene nöd richtig dezuezehle, naja, vilicht es bitzli. Ich freu mich, wenn ich oi besser chann kennelehre, hoffe, dass dur dä thread im forum die halb szene nid d auge verdrüllt, wenns de name "sky" ghöred.
Es wär schad, ich fühl mich bi de "goaner" wohl
ihr sind wahrschindlich die chilligste lüüt überhaupt.
Ich han eigentlich au nid d absicht gha dass ihr jetzt es formular müend usfülle, mine norme entspreche usw... da het d häx recht gha, es isch oberflächlich, au für das müender mi entschuldige.
Demit ich jetzt nöd no stundelang sinnlos irgend öpis daherschriib, no es schlusswort:
Entschuldiget mich für die dumme sache wonich mengisch da ablahn, aber ebe, langeweile verleitet sache ins lächerliche z zieh. und entschuldiget mich au dass ich so viel immer nur vo MIR schriib, will ich eigentlich nöd, aber zum mis verhalte erkläre muess ich de post eifach es bitz uf mich bezieh...
a de ledschde goa isch so en typ neb mi aneghöcked und mir händ afah schnurre. im lauf vom gspröch häder dänn mal so gmeint "wieso bisch du nöd arrogant?fraue wo so usgsend wie du sind normalerwis viel arroganter. und du hocksch da im dreck neb mir und ich han nöd mal gnueg gäld für de itrit da"
Jaa isch wider alles im Lot Sky - chansch chille, du chunnsch mit dem post sicher and Mystica ine, trotz dine U16 
](./images/smilies/eusa_wall.gif "Brick wall"){kind=small}