Im Rausch der Sinne, 24.03.2007, Stadttheater Chur

[Psydog]

Was söll i säge? Isch eifach genial gsii! Corina, du bisch di bescht!!
Dia Liacht-und Füürshow isch anderscht geil gsii. Und au sPublikum. So viel verpeilti Lüüt und das im Stadttheater! Und nur bekannti Gsichter! Zum Teil scho sit Jahre nümm gseh! Deko isch au ganz fein gsii. Mae Moa halt! Bitz komisch häts für mich am Aafang vom Jackomo/Fidimohnius-Set tönt. Doch zimli bald han au i möga miis Tanzbei schwinge. Minu und Micro sind eh genial gsii. Hät wieder tönt wia früaner.
Merci das iar alli cho sind. Hät Spass gmacht und i hoffa schwer ufen nägschte Aalass im Stadttheater Chur!
Bis bald im Wald....rhÖÖrrrrrr....

[amoa]

yes isch das geil gsi.scho no geili location im stadttheater.super sound,vieli bekannti lüüt,und super stimmig.
danke liebi org das hender super gmacht.

[jackomo]

erschtmal...
thx an corina... hehehe...isch würklich a super feini party gsi.
mega location.super schön dekorieart...
In Motion han i fett gfunda...und s`publikum hets glaub au dankt.
Firedancers...hmmm...het i ehrlich gseit meh erwartet.bizli enttüscht gsi.aber egal.party go on und i has richtig gnossa mit am simen ufzlega.han de au glaub bizli z`tüüf is glas gluaget.hehe...geburi vorgfiiret
alles in allem...super feini party gsi...wo ma würklich wiedermal alti gsichter gseh het...
komplimänt a alli wo da dra beteiligt gsi sind.
lieabi grüass us saas
Jackomo

[outland]

Liebi Corina, es isch eifach schön gsi bi Euch im Stadttheater. Es isch scho en eigenartige Mischig gsi: All die schöne Partylüüt vo durch das Theater tanzt sind....
Danke nomal und ich hoffe für Dich und dini Lüüt, dass das wiedermal so stattfindet.

[Psydog]

.han de au glaub bizli z`tüüf is glas gluaget.hehe...geburi vorgfiiret

Zumindescht isch däne ade Bar dArbeit nia uusgange!

Grüassli us Chur.....

[Tatzuwurm]

viele dank corina für die schöni party u merci das usgrächnet üs 4 für d buttler gno hesch. het gfägt! bi wider zha für di 2ti, fallses di gid.
ps- no e gruess a psydog- sämi. hätmi gfreut di könnezlehre.
lg

[Psydog]

ps- no e gruess a psydog- sämi. hätmi gfreut di könnezlehre.
lg

Danke gliichfalls!
Falls mi mal uf dr Strasse gsehsch, muasch du mich aaspreche! Will i glaub ja nid, dasi di ohni Maske würd kenna!
Grüassli us Khuur.....

[Psydog]

Han da no 3 Clips vom Sinnesruusch. Isch halt nid dia bescht Kamera.

http://www.youtube.com/watch?v=xZP4CzLGlUw

http://www.youtube.com/watch?v=oo_4FJuELU8

http://www.youtube.com/watch?v=0gmYvPUMVvQ

Viel Spass.......

[ion]

ohhhhh wäni diä videos so aluäg, bereuis ächt dasi nöd doch uf chur gwanderet bin

[Kollegoli]

sind das uf de viedeos d'phoenix firedancers??

chan mir irgendöpper säge, wäär die musig macht, wo ämmel während ihrer show lauft???

am bellaluna hanis au gseh und dmusig hät mich allertüfstens berührt, ha no selte so geili musig ghört.... isch fü mich det s'musikalische highlight gsi....

biiiitee.... die musig isch sooo geil!!!!

[Pansy]

Joh Kollegoli,hesch recht!Dr sound isch MEGA genial!!
Han sie das mol glaub zersta mol kseh und köhrt,muass sega het mi fast umkauha!!
Dr Nama weiss i leider nüma,aber i weiss es git öpert wos weiss..

Het mi aber sehr kurz tungt das ganza,dafür isch Party um so länger ganga Hey,und das im Stadttheater Chur!!

Dr sound isch leider ned so das ksie,aber ma het gliech freud ka!!
Hoffa das gits wieder amol!!

Liabs Grüassli usem Bünderland

[Psydog]

sind das uf de viedeos d'phoenix firedancers??

chan mir irgendöpper säge, wäär die musig macht, wo ämmel während ihrer show lauft???

am bellaluna hanis au gseh und dmusig hät mich allertüfstens berührt, ha no selte so geili musig ghört.... isch fü mich det s'musikalische highlight gsi....

biiiitee.... die musig isch sooo geil!!!!

Yep, das sind dFiredancers. Luagsch mal uf dr Phönix-Homepage, wer alles für sie Musik macht. Also eina isch dr Taliesin. Aber dä isch zChur nid dabei gsii!
Grüassli.....