Zu de unag'nehmerere Sache, wie Abfall oder wie-man-sich-an-Outdoor-Parties-benimmt, isch jetzt glaub scho alles gseit worde. Irgendwie münd mir Vera'stalter eus halt neui Wäg usdänke, um das Problem (oder d'Lüüt) besser in Griff überz'cho. Ich hoffe debi, dass mer da nöd muss uf (no) meh Verbot und I'schränkige zrugg grieffe, sondern dass das immer wieder g'läsene Schlagwort
"Respect the nature" nöd nur jedes Mal wieder es Floskle isch. Und ich hoffe, dass die einte viellicht Lüüt druf ufmerksam mached, wo ihre eigeni Abfall eifach im Feld entsorged, oder de Meter zum Äschebächer nöd laufe wönd. Au dass en Füürkünschtler eifach a'fangt d'Deko abz'schniede, wo während de ganze Nacht in müehseliger Arbet uf gspannt worde isch, nur damit er es Plätzli für sini Show het, züügt nöd grad vo Respekt. Danke aber jene Füürkünschtler, wo eus gfrögt hend, eb und wo sie es Plätzli nutze dörfed, um eus no öpis zuesätzlich z'büüte.
Mir hend nämli
alli öpis devor, wemmer die paar, wie ich finde, wenige Sache beachtet und berücksichtiged. Mir schadet nur eus nur sälber, respektive de ganze Tanzfamilie, und e Tanzfamilie, wo d'Freud am Glieche teilt, wömmer doch si, oder?
Drum wot ich statt mit wietere Ussage zum Sommertanz doch no es paar Beobachtige und Zitate a'führe, wo ich i dere Nacht han dörfe ghöre, und mir alli wohligi Schauer über Arm und Rugge g'rieslet sind:
Funky Dragon hani zweimal müsse dra erinnere z'gah, damit er sin Flüüger nöd verpasst. So guet het's ihm gfalle. Sini Bedänke im Vorfäld, dass er ja niemer kenne würdi, hend sich im Nu ufg'löst. Er het sich sehr wohl und unter Fründe gfühlt, und heg en Huufe ganz tolli Mänsche dörfe kennelerne. Am Sunntig het er mir nomal ag'lüüte und sich persönlich z'bedanke:
"The best organised party I've ever seen, and how you took care of the DJ's." Er wünscht eus alles erdänkliche Glück und isch natürlich jederziet wieder debi. Ich Schwiezer Debut wird ihm also in beschter Erinnerig bliebe.
Normalerwies ziehnd d'DJs und Live Acts nach ihrne Sets eher schnäll wieder ab. Aber ob
Solano,
Cafu,
Earsugar,
Ace Ventura, alli sind sie bliebe solang sie chöne hend und hend mit g'fäschtet.
Liquidsoul: "Sone tolli Party erläbt mer i de Schwiez nur no sälte.
Das het Klasse!"
Kara_Maehl & La Baaz sind nur sehr ungern nach ihrem Live Act no a d'Atmosphere. Sie wäred viel lieber am Sommertanz bliebe. Das hend sie mir auch nach de Atmosphere no bestätigt.
Quasimodo/Mondmilch: "Es isch e richtigi Klassezämmekunft gsi, und ich han scho lang nüme so viel schöni Fraue a eim Ort gseh. Mached wieter so."
Ace Ventura het gmeint, dass er sone gueti Stimmig suscht nur no a Parties in Brasilie erläbi. Er het sich us luuter Freud a dem Event sogar es Schwiezerchrüüz-Abziehbildli uf d'Hand kläbt. *jööh!*
D'Fründin vom
Tony Voyeur/Solano het gseit, dass sie das die bescht Party gfunde heg, wo sie sich erinnere chönn. (Und ich glaub, sie het doch scho einigi gseh ...)
Und so chönt ich no ellelang wieteri Ermuetige, Komplimänt und Motivatione ufführe, wo au unzählige Gäscht eus zuetreit hend, eb zu de Organisation oder em Lineup.
Me hend jedefalls
alles ge, damit's so usechunt, wie mir eus das vorgstellt hend. Und ich würd säge, für euse 1. Event i dere Grösseornig hemmer das ganz guet ane bracht. Grobi Fehler het's kei ge, obwohl ihr eus zahlemässig würklich überrännt gha hend. Und Fehlerli gits immer, wo mer bim nächste Mal denn ebe nüme passiere lat.
Es riesigs Dankeschön gaht a würklich alli, wo das Wuchenänd zu dem Erfolg werde la hend, wo's worde isch. Und für all die Gratulatione, wo mer würkli spüüre dörf, dass sie vo Herze chömed, und eus s'Gfühl gend, dass mer öpis Guets gmacht hend. Danke au am Wättergott. Mir hend die 3 nächtliche, churze Schauer gfalle, und sogar de churzi Stromusfall hani richtig spannend gfunde. Danke au de Geduldige, wo langi Ziet hend müsse dusse warte, bis sie hend chöne ine cho, wil's halt eifach z'viel Lüüt drin gha het. Es Riesedanke a alli guetherzige Hälfer, wo vor, während und au nach dem Event tatchräftig a'packt hend, und auf bi de Ufruumarbeite bis am Schluss debi gsi sind. Es speziells Danke gaht an Siriuis, ohni de mer das gar nöd so hätted chöne bewerkstellige, sowie am Michi, wo eus rund um d'Uhr betreut het, und defür g'sorgt het, dass de Stromusfall blitzartig wieder behobe gsi isch. Respäkt und Dank für de Höngger Clan, wo die ganz Nacht uf de Samschtig in gröschter Sorgfalt und Geduld ihri Deko ufbaut und Fäde gspannt hend.
Nöd z'letscht es Danke vo z'Innerscht inne a fierjahreszeiten & SchlaflozzZ für die riesig toll Erfahrig. Trotz vielem ume Geränne, wo mer zietewies würkli am A'schlag gsi sind, hend die vier Tage mit Uf- und Abbau es Meer a guete Gfühl i mir hinterla. Bin stolz uf eu(s). *ähem*
Respekt, fierjahreszeiten's Götterbote
), sondern liegt einzig und allein an seiner Einstellung zur Party, der Org. und der Natur. Ich bin auch der Auffassung, dass die meisten, die Müll produzieren, diese Reports und das MF gar nicht kennen, noch sich dafür interessieren.
so geil. eigentlich wieder mal
bin ond 
