02.01.2010 Höhlenzauber III Rüti ZH

[604freund/Psykas]

wör mi au über föteli freue, vorallem wos denn hell worde isch vo dere schöne landschaft... i de nacht hani e paari gmacht, sind aber nid sensationell worde... -> mYsPaCe

@bahia: irgendwie hani scho so e komischs gfühl gha ir magegegend... has doch gwösst! cheibe spitzel

[nimmerlein]

Semer doch erlech, üsi Frönde ond Hälfer, stridid sech drom, wer am Wocheänd dörf Nachtschecht mache ond wartid näbem Telefon bis sone Nachtruhegstörte alüted ond sech öber Basswälle osem Wald beklagt.
Sie hend jo au öpis defo, lerid wonderschöni Plätz könne, wos den nochhär eres jöhrleche Grill openend oder Eidg. Bruefspröfigs chillout chönd mache. Me söt eigentlech au mol ane Blaumötze Privatparty go Presänz zeige ond chli met de Taschelampe im züg ome fochtle. Do chämt jetzt en blaue Smilie met Taschelampe!

Mer heds gfalle, Danke all dene wo das möglech gmacht hend.

Öbrigens hed öper en blau-wissi Decki zvell met hei gno ond möcht die weder zrog gä? Allso ech wör sie sofort weder zrog nä.

LG osem verschneite Innerschwizli

[suki]

@ nimmerlein jeppa privatparty tönd doch super. ech ben grad debi *grins*

[blueemli]

@ niemmerlein u suki, be blauliecht privat party do wär ig au debi ........
naja wör au e neue flügende teppich mitneh wo aber stehts nume im niemmerlein folgt ......

[nimmerlein]

@ Suki ond Blüemli, klar chömid er met do fömer nüd neuis a im neue Johr.

I can't get no sleep tri trala la la la...................... ( kursiv, fett, onderstreche, schreftgrössi 14 ond dorstreche) Smile


Tschüss zäme ond bes bald purpels

[Individuum]

s'esch wöki no härzig gsi eich so vowäge "nguten rutsch" hätme das hie scho fasch a silvestr müesse mache... naja wo dänn die blaue blaue schlümpfis cho sind, hanis scho schad gfonde, wär wörklech en phenomenale morge worde... freu mi aber scho uf di nächschd

[gnomiker]

@ nimmerlein

Das mit de bulle das die freud händ eus party z versaue stimmt nöd ganz !!
Mir hend riese Glück gha das es sone zwäge bull gsi isch, jede ander het eus scho bim erschte mal abgstellt und azeigt.
Aber nei, obwohl de liebi herr zu dem ziitpunkt scho 2 Stund Fiirabig gha het sinds namal uf Oberdürnte gfahre sich go versichere dases niemert me stört. Dadezu mumer säge : In Oberdürnte wohnet halt bonze und wenn die wo halt chli meh stüüre zallet als de durchnitts mensch mal de bulle chönd aalüte gath ne fascht eine ab. Da chönd aber d bulle nüt defür.
und leider sind si denn halt verplichtet go nah luege und für zvrideheit vo de Stüürzahler z sorge.
de blaui kolleg het denn in Oberdürnte festgstellt dases für die afällige lüüt det immer na z guet z ghöre isch.
Obwohl er scho 1 Stund het chöne i sim bett ligge heters guet mit eus gmeint und ischs eus namal fründlich go säge mir söled abstellä. Jetzt isches so, wenn de bull wo als negscht schicht gha het das telefon wäge ruhestörig übercho het wärer ganz sicher nöd so fründlich oder sogar no mit paar kollegä igfahre.
Die hetet eus no wäg ganzeme huufe chöne buess ahänke.
Alkohol ..... Autos im Wald ..... Luutsprächer..... Geni
Aber de wo eus es bsüechli isch go abstatte hets nöd mal für nötig ghalte eus azzeige. Au no dank paar usredekünst vom michiDanke

also nimmerlein, ned so voreiligi schlüss zie vo sache wod gar ned dehinder gsesch.
Es isch letscht endlich würklich so, die machet au nur ihre job.
Wie en bull i sonere Situation handlet liit im ermässe vom bull, und na vil milder hetter eus glaub nüm devo cho laa.

Greez Gnomiker

[604freund/Psykas]

freut mich irgendwie sowas zu hören, dass es halt wirklich noch "zwäägi schlümpf" gibt... obwohl mir unerklärlich ist wo dieses oberbonzendürnten liegt dass dort selbst nach dem leisedrehen noch musik zu hören war...


hat denn sonst niemand fotos irgendwo online?

[Taiph00n]

Sägi jo bulle sind mega friedlich gsi ...

Findi cool daser kei buesse und kei azeige kriegt hend, sinder recht guet devocho ... und tja wäg de luutstärchi chamer nume säge: Klingel-Freitag isch eifach en geili sach ...

bis bald im wald oder bim balduin ... oder doch mit baldrian?

tschüssn

[zauberwald_GR]

Jez hani mi doch au no agmeldet im däm forum zum öpis zu dära Party schrieba!

Grosses Kompliment and Organisatora! As isch a sehr spezielli (im positiva Sinn) Party gsi. Miar hets sehr guats gfalla. D Lokation isch mega, Deko au anschaulich, Sound aifach genial Au d Gäst hani allesamt sehr agnehm gfunda. Si hen miar sogar gholfa ufstoh woni umagfloga bin Über mini Begleitig het sich au nid klaga lo
Dummerwies isch miar dän plötzlich nüm so wohl gsi und abem 5i am Morga hani gschlofa..

Im Summer kumi uf jeda Fall wider!

@Taiph00n: ooh jo! Kling und Freitag, geil! do hends allei fürd Lutsprecher scho as vielfaches meh usgeh als es mit Iitritt verdient hen a däm eina Alass. Oberschti Klass dia System

[604freund/Psykas]

het denn wörkli niemert föteli gmacht und si irgndwo ufeglade? die schöni schneelandschaft mues doch öppert vereewigt ha???

[FenriX]

chan mier eswer sega, was das für es lied gsi isch!? döt wo d schlümpf cho sind und der sound zruggschrubet worda isch.. nacher ischs den ja nomal churz losganga.. graz z ersta lied, sones intro.. ganz speziell... han gla8ubs scho öfters ghört... chans irgendwie aunid beschriba.. aber viellicht mag sich ja no öpper drah erinnera...