als President vo Neptunes gib au na min senf däzue.....wo söll ich afangä??
am gschiedschtä vo afang a.....
als ich am 20. Oktober letscht jahr mitäm velo vo dietikon uf unterengstringä han welä fahrä, hani bim glanzäberg dänkt, ich chönnt ja mal än anderä wäg nä und bin det in wald inä. ich fahrä so und plötzlich dänk ich, ööööööööhh dä wald wär ja ganz geil zum outdoor-partys machä!!! Und da dä thom und ich scho lang mal händ welä ä party machä, han ich ihm grad aglütä und ihm gseit er söll schnell go luegä cho, mir wohned ja nur paar meter usänand und nur paar 100 meter vom platz entfernt
. als er dän cho isch, simmer öpä 2 stund im ganzä wald umägloffä, händ alles agluegt und dä bescht platz usägsuecht. na am glichä abig han ich mir bi mir dihei gedankä gmacht und überleit, am beschtä ischäs grad äs partylabel zgründä und da ich mir frühener, na vor rampadam, dä namä neptune mal han welä zutuä als dj, han ich grad bi myspace ä sitä ufgmacht für neptunes als partylabel , usserdem grad na mit coreldraw äs logo kreirt (...und natürlich au än account im mysticalforum 
) so hät alles agfangä...... und öpä 3 wuchä spöter hämmer scho di erscht party (mystischer nebeltanz) mit w.g.z.o. det duräzogä
und für das dases eusi erscht party gsi isch, isch si super gsi!!! itritt isch dazumal 30 fr. gsi, bar prisä öpä glich. aber da det jenschti lüt kei itritt zahlt händ und w.g.z.o uf knapp 1000fr. bestandä händ simmer schluss endlich grad äso usächo händ ganz wenig fürschi gmacht. aber vorallem happy und irgendwiä au überrascht das kei blaui männli cho sind.paar wuchä spöter isch dän scho dplanig für di 2. party uf dem platz losgangä mystischer schneetanz. wil ich vo verschidenschtä lüt ghöhrt han, dass wen mer än offiziellä verein hät wo bi dä gmeind registriert isch, gits weniger troubles und gringeri geldbuessä wenn ebä di blauä männli plötzlich uftauched anärä illegalä party und swird als vereinsalass agluegt, dä verein hafted au b.z.w. svereins buget.
also hani agfangä mich zerkundigä wases brucht zum än verein zgründä...mer brucht eigentlich nur 3 lüt und mä muss halt di blödä statutä schribä....also han ich diä statutä gschriebä, und als president, vorstand und revisorä bestummä und neptunes als verein uf dä gmeind schlierä agmeldet
http://www.schlieren.ch/de/tourismus/ve ... n_id=19921
kurz bevor mer im februar di zweiti party (mitäm dubay-clan) duräzogä händ.
mystischer schneetanz....diä party isch au ganz gedigä gsi und uf jedäfall ä steigerig zu dä erschtä....nur leider isch det geld wäg cho und ich persönlich han 80.- minus gmacht....das isch ja easy zverchraftä! für eus isch klar gsi das mer det witers party mached...dän isch dplanig für dä frühligstanz agstandä und us verschidenschtä gründ han ich dän schlussendlich gseit das ich dasmal bim frühligstanz leider nöd chan mitmachä im o.k.. ich chumä eifach nur go soundä, bin eusi deko vo aurora australis go ufhänkä und han na paar chlini sächeli gmacht.
also ich han dparty hammermässig gfundä!!! grosses kompliment!!! au a magic lounge!!! super igspilts team
isch wider ä riesä steigerig gsi zum schneetanz!!! hammer stimmig wunderschön abwechsligsrich dekoriert!!! äs riesigs dankeschön na a min schatz 
jessy dankä bisch so spontan igsprungä und häsch mit mir na einähalb stund bar gmacht!!! äs hät ja jenes lüt ga 
öpä doppelt so viel wiä a beidnä erschtä partys zämä 
gigantisch!!! ich bin ca. am halbi 3 i mim zelt glägä und han eifach müssä afangä lachä...da zmitscht im limmattal wo ich ufgwachsä bin und 500m entfernt wo ich wohn, ä ober fetti monster goa party 
sooooo geil!!!also was da gschriebä wordä isch vo wägä sound isch nöd geil gsi vom 12i bis am 3, chan ich mich nöd aschlüssä. @ dragonfly....bis 1.20uhr isch progi gloffä nachär psy / fullon. also als thom und ich um ca. 01.20uhr händ agfangä soundä, heiligä siech, diä lüt sind ja abgangä!!! andersch!!! dankä all denä wo bi eus so am abgah gsi sind!!! i denä 35 mal wo mir bis jetz live gspillt händ häts na niä so ä geili stimmig gha!!! diä wo säged vo 1-3 hätts inä nöd gfallä, dän ischs eifach nöd ihrä gschmack gsi, aber stimmt nöd überein mitem gschmack wo 95% vo dä andernä lüt wo det gsi sind gha händ! diä sind genau nach dä 1 erscht richtig abgangä!!! au dä trycicle nach eus wo öpä am 02.20 agfangä hät, hät mächtig gas gä mit härtem fullon / psy!!!hät mir sehr guät gfallä!!! und bis ich am halb 4i scho gangä bin isch mächtig stimmig gsi!!!
und wäg dä prisä, naja äs isch halt scho so, wenn dbullä am abig am 10ni ifahred hocksch uf paar tusig frankä schuldä!!! das muss mer scho gseh und srisiko isch enorm wennt für gar nüt ä bewilligung häsch!!! und itritt isch nöd türer als irgend ä indoor, bar priesä sind au glich oder sogar na billiger als anerä indoor! und alles in allem ischäs doch für jedä ä wunderschöni erfahrig, dussä im wald mit sonerä geilä alag, geilä sound durch guäti artistä ä schöni nacht zverbringä wo eim scho 25 frankä chönnt wert si. mini meinig!
sooo han ich min senf au na däzue gä!
jetz freu ich mich scho uf dä summertanz evt. im august, wo ich wider voll mit vo dä partie bin! und da minerä muetter ihrä fründ äs riesä waldstuck ghöhrt im wiesätäli wird ich alles dra setzä das mir det obä chönd legal ä party machä! wär s`wiesätäli kennt weiss wiä traumhaft dases det obä isch!!! schad isch eifach dases än gwüssä herr T.J. eusä revisor vo neptunes hät müässä übertriebä und wöllä bis am abig am 7ni party machä bis bullä chömed, isch eifach scheisse!!! jetz wod bullä eimal det gsi sind chömeds immer wider!!! au vo mir na äs riesigs dankeschön a alli helfer, artistä und natürlich au magic lounge!!!
entschuldigung all denä wo ich jetz glangwiled han
peace mitänand, dankeschön und bis zum nächschtä mal.........Dominic
!!! VOTE FOR THE NEXT US PRESIDENT !!! 
schön, dass dus mit humor chasch nä, au wänns mal e rundi afiggerei haglet... *vote* 
](./images/smilies/eusa_wall.gif "Brick wall"){kind=small}
..cool,du häschs wenigschtens vo Afang bis Schluss durezoge 
happy birthday daddy 