Der Ewige Thraed: Goa Partys und Drogen

[das_auge_gottes]

di jugendliche sind sowieso voll däne, das gseht mer nöd nur a de goas sondern überall im alltag und es isch au nöd ihri schuld, sondern die vo eusre gsellschaft.

du meinst DAS ja wohl hoffentlich nicht ernst? oder bist du auch so eine manipulierte puppe ohne eigenen willen, ziele und präferenzen?

ganz abgesehen davon, dass es DIE jugendlichen wohl kaum gibt, also ich zumindest hab keine ahnung was das sein soll

[altered]

di jugendliche sind sowieso voll däne, das gseht mer nöd nur a de goas sondern überall im alltag und es isch au nöd ihri schuld, sondern die vo eusre gsellschaft.

das findi nid, erstens sind nid alli jugendleche voll däne, und zwöitens isches doch sehr vereifacht z säge d gsellschaft isch schuld (wenn nid sogar falsch). wer isch denn die gsellschaft? das isch nur en abstrakton und bedüütet summe aller individuen. schlussendli isch aber jedes individuum für und vor sich selber für sis handle verantwortlch. es isch immer liecht z säge der staat oder die andere sind schuld dasi droge nimm. (au wenn das au es bitzwiit mag stimme, der houptteil vor verantwortig lit bi eim selber, wenn me nemmli d verantwortig wett an staat/gsellschaft übegeh denn mus me sich au an sini/ihri regle halte und die besäget droge neh isch tabu.)

ufem flyer staat dänn: dies ist KEINE schneeparty! oder: jugendliche unter 18 dürfen nur unter aufsicht von erwachsenen drögelen!

das gits jo, chan der d e-mail schicke vo epperem wo so partys macht. aber eg muess au säge dass die intoleranz gegenüber koks meistens mit ere verherlechung vo lsd einhergeht. was ig au nid chan befürworte. will lüüt wo z vill lsd gnoh hend sind vo mir us gseeh die wo am meiste als druffnis uffaled und am wenigste vo ihrere umwelt mitbechömed. (eg wott jetz uf kei fall säge kokse sigi besser als lsd neh, für mich fallt das in en ähnlechi kategorie wenns im übermass passiert, ob me i der psychi landet oder ufem stroosestrich, das sind beides sehr truurigi schicksal)

usserdem stoht no uf villne flyer, keine drogen oder erst ab 18 aber das nimmt niemert meh ernst (leider)

die idee mit de ufklärigsflyers isch eigentli guet, aber funktioniert z wenig effektiv. will die lüüt wo z vill droge nehmed leset sone flyer und denked jo mir passiert sowas nid, oder ig konsumier jo nid z vill das sind die andere. (eg han sogar scho erlebt das epper die eve & rave flyer gsammlet het zum luege was er sich noni inepfiffe het und was er no chönnt probiere, will er jo scho alles gha het was er kennt)


s einzige wo me chönnt mache isches das me securitys aastellt wo eim s züüg chömed go wegneh, wie das i de clubs passiert, aber im wald isch das halt no schwer. und die meiste vo euch, so wie eg au, werdet das jo auä au kei gueti lösig finde.

[Joss]

vonere alterbeschränkig hani nüt gschribe und die bemerkig vo wäge, dass jugedlichi under 18 nur under ufsicht dörfed drögele isch natürli en witz gsi..


ich beobachte eifach a mir sälber, dasi mi us de szene zruggzieh, wili d nase voll han vo dem ganze scheiss; droge werdet respäktlos konsumiert, de natur wird nöd sorg ghebt und de sound langwiilt mi ztod. und das isch alles doch igendwie mitenand verchnüpft. wänn de sound langwiilig und unpsychedelisch isch, dänn brucht mer meh droge zum in tanztrance cho. wämmer meh droge nimmt, dänn isch eim irgendwänn alles egal, au ob mer etz sin abfall in wald rüehrt oder nöd.

irgendwo mueses e veränderig gä. ich plädiere für besseri, fründlicheri und psychedelischeri musig!

klar isch das en scherz gsie und vo alterbescränkig hani gmeint willl mer das au scho im chopgf umegeischtered isch aber s en riese müll isch!!

also mir gfallt de sound sehr guet au wenns vill so wückichi tracks git wo mehrmals laufet so ala top 10 tracks aber ich denke das isch ned zvermiede!!aber susch gfallt mer de sound scho zimmli guet

[gizmo]

. schlussendli isch aber jedes individuum für und vor sich selber für sis handle verantwortlch.

....stimmt voll und ganz

[Shmahu]

also "auge gottes", ich verstah de zämehang nöd zwüsched minere uussag, wonich übrigens sehr ernscht meine, und dinere frag obich e manipulierti puppe bin. chasch du dich fründlicherwiis echli gnauer uusdrucke?? (und netter?)

ich hans aber anschiinend chli falsch uusdruckt: eusi jugendliche sind voll däne im sinn vo: si sind usser rand und band und sind zimli verlore i dere wält. jede wo im pädagogische bereich schafft chan das bestätige und jede wo chli ziitig list, chunt e ahnig devo über, wie schwers di jugendliche i eusere gsellschaft händ und wie krass sie uf eusi wält reagiered. eusi gsellschaft isch doch scho zimli chrank und leider müends die jugendliche uusbade.

und altered: minere meinig na isch d gsellschaft schuld, wer dänn susch? di jugendliche sälber? wie alt bisch du? häsch vergässe, wases heisst, i de pubertät z stecke und sin wäg versueche zfinde? findsch du nöd logisch, dass eusi gsellschaft mit ihrne verlogenen wert di jugendliche dezue zwingt uuszraschte und über ihri gränze zga?? also hallo, müemer wüki über das diskutiere?
s einzig wo nützt, isch en security wo de lüüt d droge wägnimmt? was söll dänn das für e lösig si? muamuamua, wüki, das isch ja symptombekämpfig erschter klass.

und gizmo, ich find, wienich scho gschribe han, dass schlächti musig und drogekonsum zämehangt, drum hani das gschribe und ich find, das ghört zum thema.

[Shmahu]

. schlussendli isch aber jedes individuum für und vor sich selber für sis handle verantwortlch.

....stimmt voll und ganz

es gaat aber nöd um das! klar isch jede für sis handle sälber verantwortlich, aber es gaat ja drum sich z fröge: wie chunt en mänsch dezue, sich so z verhalte? wieso giz immer me jugendlichi wo völlig gränzelos droge konsumiered? WIESO?

[Melliandra]

.... minere meinig na isch d gsellschaft schuld, wer dänn susch? ....

Liebe Shmahu du ghörsch au zu de Gsellschaft. dGsellschaft hets scho
immer gäh au eusi Eltere händ müesse mit dere z'rächt cho und du
wetsch nid säge dass es früner eifacher gsie isch.

Klar isch dJungend es Abbild vo de Gsellschaft also au vo mier und dier!

[Shmahu]

ja und jetzt? was wottsch mer mit dem säge?

[das_auge_gottes]

also "auge gottes", ich verstah de zämehang nöd zwüsched minere uussag, wonich übrigens sehr ernscht meine, und dinere frag obich e manipulierti puppe bin. chasch du dich fründlicherwiis echli gnauer uusdrucke?? (und netter?)

ich finde dieses "die gesellschaft ist schuld" einfach nur zum kotzen - und die billigste ausrede, um asoziales verhalten zu rechtfertigen.

wenn ich mir ne pille rein drücke, ist die gesellschaft schuld.
wenn ich ein paar typen die fresse mit einer eisenstange neu modelliere, ist die gesellschaft schuld.
wenn ich ein paar schulmädchen vergewaltige, ist die gesellschaft schuld.

weisst du, es gab da mal so ein zeitalter der aufklärung im 17./18. jahrhundert, da ging es um so dinge wie das nutzen des eigenen verstands, um die emanzipation des menschen, um rationalität. mir gefällt der gedanke eines eigenen willens, der mich - zumindest gelegentlich - autonom handeln lässt. ich glaube daran, entscheidungen treffen zu können. und ich glaube an eine verantwortung mir selbst gegenüber. aber wenn du uns menschen als fremdgesteuerte puppen ohne eigenes handlungsspektrum sehen willst, dein problem

[altered]

ersti frag: eg ben 23gi, d pubertät hani also noni so lang hinder mir.

und altered: minere meinig na isch d gsellschaft schuld, wer dänn susch? di jugendliche sälber? wie alt bisch du? häsch vergässe, wases heisst, i de pubertät z stecke und sin wäg versueche zfinde? findsch du nöd logisch, dass eusi gsellschaft mit ihrne verlogenen wert di jugendliche dezue zwingt uuszraschte und über ihri gränze zga?? also hallo, müemer wüki über das diskutiere?

ig finde du widersprisch der, will wenn du einersits iigeschtohsch das jede für sis handle selber verantwortlech isch. chasch nid im gliche atemzug behaupte d gsellschaft sig schuld.
es git kei wert wo usserhalb vo eus sind, wo eus vo der gsellschaft uferleit werdet (wer das gloubt gloubt ane sklave moral) das esch denk au de punkt wo s auge gottes agsproche het, wer sich sini wert nid selber schaft sondern die vo der gselschaft übernimmt isch en marionette (eg denke nid das er dich het welle aagrife mit dere ussag). jede schafft sich sini wert selber (lis mol nietzsche's genealogie der moral oder also sprach zarathustra oder ecce homo, er chan das vill besser erkläre als ig do im forum)

.... minere meinig na isch d gsellschaft schuld, wer dänn susch? ....

jede isch selber schuld, d gsellschaft gits nid, bzw d gsellschft gits nur als en sammelbegriff in büecher oder in gschpröch. de begriff dient nur zum vereifache und isch eifach en summebegriff. jede wo sich mit logik befasst wird aber schnell mol lehre das me d eigeschafte vonere summe nid uf ihri element chan überträge und au nid umgekehrt (fallatio divisionis)

[Shmahu]

also "auge gottes", ich teil dini meing, wänns um erwachseni gaat.

aber wänn sich en 17 jährige jedes wuchenänd es paar pille iedruckt, wänn 15 jährigi es 13 jähigs meitli vergwaltiged, ja verdammt, dänn isch d gsellschaft d ursach! es isch eifach keis wunder, dass di jugendliche nöd chönd mit droge und sexualität umgaa, wänn mir ine so verlogeni wert vorläbed und au no behauptet, es segi richtig so! und dänn lömmer si mit dere verwirrig elei und findet, si seged für ihres handle sälber verantwortlich...

das find ICH zum chotze...

[Psymäleon]

Jaja, das Thema wird wohl auf ewig und zurück diskutiert werden; und doch dreht man meistens nur schöne Kreise. Ob nun mehr oder weniger Drogen konsumiert werden als früher tut für mich wenig zur Sache. Jedenfalls ist es für mich seit Längerem ein Grund nicht mehr so oft an Parties zu gehen, weil mich spätestens am Morgen die ganze Szenerie doch ziemlich runterzieht, wenn ich in die vielen leeren Gesichter Blicke. Aber eigentlich will ich ja vor allem was zum Thema "böse Gesellschaft vs. eigenständiges Individuum" sagen. Ich stimme grösstenteil Shmahu zu, dass die Gesellschaftsverhältnisse ein verdammt wichtiger Punkt sind, um das Fehlverhalten vieler Menschen (und somit auch von Jugendlichen) zu erklären. Nicht, dass man damit schlechtes Verhalten, einen masslosen Drogenkonsum und ähnliches entschuldigen köntte, bzw. sollte. Aber zumindest ein wichtiger Erklärungsansatz ist es bestimmt. Klar hat jeder eine gewisse Selbstverantwortung. Doch wer von sich, seinem starken Willen und seinem starken Charakter (das braucht es nämlich, um nicht jeden Scheiss mitzumachen) auf andere schliesst und dann urteilt, dass die halt selber Schuld seien und es ja in den eigenen Händen hätten, dem ist seine Jugend wohl nicht mehr so presänt und wirft jede Form von individueller Persönlichkeitseinschätzung über Bord. Nicht jeder, kann gut nein sagen, der Herde auch mal den Rücken kehren und einfach nach seinem eigenen Gutdünken handeln. Natürlich hatten es die Jugendlichen bereits vor 40 Jahren nicht einfach; aber aus meiner Sicht doch einfacher, als dies heute der Fall ist. Denn in diesen paar Jahrzehnten hat sich etwas so ziemlich radikal verändert und der vielgepriesene Individualismus hat seine hässliche Fratz gezeigt. Orientierungslosigkeit, Verfall von Gemeinschaft und dem Sinn für Solidarität sind nur ein paar der Schattenseite. Ich will damit nicht sagen, dass Individualismus durchwegs schlecht ist (ganz im Gegenteil). Doch dadurch, dass jeder nun sein Ding durchziehen kann, in erster Linie mal für sich schaut, ist die Gesellschaft immer stärker zurückgedrängt worden. Deshalb würde ich auch sagen: Nicht die Gesellschaft ist am desolaten Zustand vieler Jugendlicher schuld, sondern das Fehlen von Gesellschaft. Wer nirgendwo Halt findet, sich an nichts Festem orientieren und in einer mehr oder weniger grossen Gemeinschaft lernen kann, was gut und was falsch ist, bei dem ist die Chance doch einigermassen gross, dass er duch diese Orientierungslosigkeit doch ziemlich verloren und allene dasteht. Wer mein Text jetzt als Plädoyer für eine extrem strukturierte Gesellschaft betrachtet, wo alle im Gleichschritt marschieren und es ein Gut und ein Falsch gibt, der soll das ruhig denken. Allen anderen wünsche ich einen schönen, individuellen Abend.

[altered]

zuedemm mues me no säge, und zwar zu der jugendproblematik:

als kind übernimmt me d wert vo de eltere, i der pubertät rebelliert me gege die wert und probiert sini eigete us. das isch normal und guet so, das ermöglicht eus us eigete fehler z lehre. es isch also au normal das die junge sich zum teil au zuedröhned (hani au gmacht) und nid uf das losed was die eltere säged. das esch au die einzig möglechkeit wie mir frei chönd sii und frei chönd eusi werte schaffe ohni das en sogenannti hypothetisch abstrakti "gsellschaft" oder "gott" si eus vorgit.

es isch aber schwiriger frei z sii und sich z befreie, als in ewiger sklaverei z verwiile. me muess sini fulheit überwinde und das liid vo der befreig erträge und spöter wenn me frei isch no d laste vo der eigeverantwortig träge. aber es sind halt vill lüt lieber sklave und klaget lieber über ihre herr (gsellschaft, gott) und gebet ihm d schuld a ihrere miserie und a de kettine wo ine uferleit sind, als sich z befreie.

[Psymäleon]

weisst du, es gab da mal so ein zeitalter der aufklärung im 17./18. jahrhundert, da ging es um so dinge wie das nutzen des eigenen verstands, um die emanzipation des menschen, um rationalität. mir gefällt der gedanke eines eigenen willens, der mich - zumindest gelegentlich - autonom handeln lässt. ich glaube daran, entscheidungen treffen zu können. und ich glaube an eine verantwortung mir selbst gegenüber. aber wenn du uns menschen als fremdgesteuerte puppen ohne eigenes handlungsspektrum sehen willst, dein problem

Du kannst autonom handel, bist völlig unbeeinflusst von der Gesellschaft in der du lebst und von den Menschen, mit denen du deine Zeit verbringst? Deine Erziehung, deine Kindheit und all deine Erlebnisse haben keinen Einfluss gehabt auf das, was du heute bist? Hast du dich seit jeher selbst geformt und dich so zu dem Auge Gottes gemacht, das du heute bist? Dann bist du wohl einer der wenigen Menschen, die sich seit seiner Geburt gegen die eigene Natur gewehrt und somit verneint hat, dass der Mensch ein soziales (gesellschaftliches) Wesen ist.
Eigenes, selbstständiges Denken und Handel ist toll. Es ist aber gerade so falsch es überzubewerten, wie an allem Scheiss der Gesellschaft die Schuld zu geben.

[Shmahu]

altered, bitte chum mer nöd mit irgendwelche philosophe, die schnurred mer eifach zvill um de heiss brei ume und mached am schluss de brate au nöd feiss.

bitte lis mini posts gnau, ich han gschribe: erwachseni sind für ihres verhalte sälber verantwortlich. jugendlichi lerned das aber ersch und bruuched debi füerig und gränzesetzig vo de erwachsene, damit si nöd völlig orientierigslos umeschwümmed, was i de hütige ziit leider oft passiert.

jede erwachseni isch für sis verhalte sälber verantwortlich, i dem simmer eus also einig. guet, dänn müemer aber au eusi verantwortig wahrnää und dezue staa dass mir als teil vo de gsellschaft mithälfed, eusi jugendliche kaputt z mache, indem mir ihne lüüge uftisched und unwahrheite vorläbed.