Isch mini erscht Remember-Party gsi, und muess säge isch also würki luschtigs fäscht gsi.
Ab em 12i het Eus de DJ Martin mit sim Sound wohl um einigi Jöhrli zruggversetz...de Sound hani na nie würki ghört vorher, isch doch sehr interessant gsi mal sowas zghöre, wenn mer bedenkt wie sich das ganze entwicklet hät...
Dänn ab em 3.00, het eus de Mister Andoga es analogs Klanggewitter vortischt, dass mer sich nüme uskennt hät
...alles live, direkt ab TB-303, TR-909, FutureRetro 777, etc. Und ich chan eu säge, sie hät zoge lüüt, die verdammti 303-baseline isch und bliibt wohl das Acid-Ding aller Zeiten...
...ich seg eifach nume Comic!!Aschlüssendi Sets vo Psycharox und Müstik sind au ganz cool gsi (am Müstik sin Stuff hani denn au wieder kennt *gg). Ab und zue mal na en schwenker in proggi-floor, wo au suuuper-sound glofe isch, het de abig zumene glungne Remember-Fäscht gmacht...
Einzige Kritikpunkt, isch minere Meinig Eui Alag, aber ich weiss, dass er da na was mache werded...
Thanx to Henzi and Co. und natürli viel Erfolg wiiterhin mit em Vario!
Bis zum nächste Mal.
Love and light
Raffi
