Sportlich?

[Tinnitus]

Hallo zusammen

Hat mich mal interessiert, ob ihr Goaner auch Sport treibt, und wenn ja, was für Sport.

Also ich persönlich bin noch nicht lange Goaner (ca. ein halbes Jahr). Ich trainiere 1-2 mal die Woche Volleyball...

Wie ist das bei euch?

[Titali]

hehe, geile tread!!!

also, näbem weekend tanz sport verein, mach ich regelmässig yoga& meditation bi mir deheime... leider arbeit ich wieder, vorhär ha ichs fast jede morge gmacht, jetzt am weekend, sofern ich parat bin

ha aber jahrelang basektball gschpielt früecher... finds aber nüme geil so mannschaftssport mit feste trainingsdate... mues frei sie!!!

schüsch no snowboarde & velofahre...

grüessli a zwääärge nase

[i.dot]

ich muss sagen früher hab ich no viel sport gmacht und so, au yoga assanyas und das hattes voll gebracht (damals hehe)

sobald ich wieder zeit hab und so start ich wieder rein ins sportmachen..
mach weiter zwerg nase !!

[gizmo]

ich sitz eigendlich jede tag ufem velo... würd das aber nöd als sport bezeichne, isch meh zum dä chopf durelüfte am morge

[tinu the PsySchlumpf]

Exzessiver Tanzsport, in der Regel am Sonntag, stundenlang!
Balsam für Körper und Seele.

Zum Glück gibts da keine Doping Kontrollen...

[electropunk]

also mit 16 han i ufghört mit em fussball *verdammts gehacke*
nach der lehr hani keini turnstunde mehr ka
im militär bin i trainiert zsi
1 mol im johr e chli ping-pong spiele macht spass

sither machi höchstens im garte no öppis
und nach em partystampfe han i meistens en schöne kater

aber bi immer no rank und schlank

[elfchen]

cools thema...............also ich nehm a das dia meischta do inne mol tanzet........was ja au nit ganz unsportlich isch.......

also immer wenn i gneug geld übrig han tuen i ritte..... sus bini gar nit sportlich..
und poi tueni au no ab und zue spile....isch villicht au meh öpis fürs innere wohlbefinda

[Zauberhäxli]

Frühner bin i no chli sportlicher gsi wie jetzt, aber au hüt isch mir no wichtig als Usglich zu minere sitzende Tätigkeit.

Als Chind hani so zimlich vil Sportarte usprobiert: Liechtathletik, Fuessball, Unihockey, Basketball, Hip-Hop tanze, Sportverein u.s.w.

Dänn als Teenager am Afang vu minere Goazit, bin i voll Inlinefanatisch gsi!!! Bin i dä Wuche sicher drü Mal oder meh im Block 37 in Winti go trainiere, uf dä halfpipe, miniramp, aber vor allem im streetpark. Das sind würkli lässigi Zite gsi! Oftmals simer vorher no eis go rauche und den ab go dä Adrenalinrusch gnüsse, teilwis stundelang. Aber dä Spass und s`Zwanglose isch immer im Vordergrund gstande. Det bin i rächt trainiert gsi.

Äs Wili bin i no is Fitness, well i äs Abo gschenkt becho han, aber es isch mer dänn schnell zblöd worde, ich bin eigentlich lieber i dä Natur am Sport mache.

Hüt gah i sehr gern go Bike, über Stock und Stei!! Oder go Inline, aber nur no sooo langwilig ohni Tricks. Dä Früehlig hani aus s`Wandere widerentdeckt, ich bin mit mim Schatz vil go laufe. Eifach in Rueh d`Natur gnüsse und sin Rhytmus laufe, bis mer innerlich ruhig isch und dä ganz Alltagsstress vu eim abfallt. Es git au i dä Schwiz immer wider schöni Landschafte z`entdecke. Au tanze a dä Partys oder mängisch au ällei für mich, isch mir sehr wichtig!!

Momentan fröi ich mich uf mis nöie Bike wo ich mir tue leischte, i zwei, drü Wuche isch es sowit, mis isch nämlich imne schlächte Zuestand!!! Juchhuhu i fröi mi so!!!

Sehr interessiere würd mi Joga, ich denke das würd mir sehr guet tue. Leider weiss nöd rächt wie ich das am Beschte praktiziere chan, so en festgleite Kurs wo vil kostet isch glaubs nöd s`Richtig für mich. Hät grad öber vu öi en Tip????

[SäureRaver303]

abgseh mitem raceboard umeskate (gseht uhuere sportlich us, äu wens nöd isch lol) und s'maratonshake am weekend machi genau nüd...

sus weri jo no dünner alls i scho bin... lol

ah-jo, ich spile no schach... goht jo au unter sport...

[Psydog]

Döt wo ich uufgwachse bin, häts 3 Möglichkeita gäh. Entweder Skiclub, Eishockeyclub oder jeda Sunntig go wandere mit da Eltere! I han mi fürs Iishockey entschiede und han bis zu miinem 21. Lebensjahr aktiv in verschiedene Klubs gspielt (NLB/1.Liga/2.Liga). Zudem hani mit 16 as Uufgebot kriagt für dNationalmannschaft U-17.
Hüt gangi jeda Tag mitem Velo zur Arbeit und bin mindeschtens 2 Stund am Tag mitem Hund am spaziere. Isch zwar nid grad an Sport, aber i tuan gliich no was für miini Gsundheit!

[Capablanca]

15 Semester Studium haben mich 20 KG "gekostet".

Jetzt, im Berufsleben, was ich übrigens viel schöner als Studium finde, habe ich angefangen regelmäßig Sport zu treiben. D.h. 2 mal pro Woche gesundheitsorientiertes Kraftttraining + 1 bis 2 mal pro Woche Joggen, öfters in der Natur wandern und meditieren, und ich habe meine Ernährung umgestellt. Ernähre mich viel bewusster, und nehme viel weniger Fett zu mir. Das alles läuft seit etwa 2.5 Monaten, habe nun 8 KG abgenommen, und es fehlen noch etwa 10-15 um auf mein Optimalgewicht zu kommen, was ich aber in diesem Sommer erreichen werde.

Vorteil: man fühlt sich viel beweglicher und freier und kann vorallem mit viel weniger Chemie auf Goa-Partys viel länger tanzen und dabei einen riesigen Spaß haben. Jetzt muss ich schon wieder an den Stadtrand von Basel denken

[Hallucinelve]

Ich versuche mir seit einigen Wochen mühsam das Joggen anzugewöhnen.... Ich bin ein Bürogummi und alles andere als sportbegeistert. Aber irgendwie hatte ich das Gefühl dass ich am verrosten bin und daher habe ich mir vorgenommen, mit Sport anzufangen.... Hehehe, also ich gerade dran, mir den Sport aufzuzwingen.
Wobei ich gerne Ping-Pong und ein bisschen Fussball spiele

[Waldgeischtli]

ja paar jahr volleyball gspillt....damnnschaft hät dä wele ufstiige und ergendwie 3 mal ide wuche training welle, HOCHTOURIG! i ha meh zum spass gspillt und be dä mit de zyt nüm so voller ehrgiiz gsi...vorallem so vell training wär mer ächt zvell gsi!

jetzt? tanze, kubb spille (suppergeils spiili, kännets paar?), frisbeeeeelee...mit yoga würd gern afoh, bruche nume e gueti alaufstell...

[meli]

schutte, velo fahre, schwümme, basketball, volleyball, minigolf- i bi eiglech für jedä sport z'ha, usser renne! aktiv bini nid imene club, wöu mir während dr lehr schlicht d'ziit gfählt het... fange de aber nachem summer wieder a badminton spiele imene club!

sport isch wichtig- es haltet nid nur de körper, sondern au seele und geist fit! das giltet au für wuchenendsportler, gäu tinu!!

[Kollegoli]

früener hani basketball gspielt. au im club. aber de kampfgeist isch mer gwaltig ufd nerve gange. ich han immer zum spass gspielt. die andere händ immer öpis welle erreiche. pfui isch das müesam gsi. immer die aggressione. wäääh.

jetz natürli tanze, was ich als aktivi sportlichi tätigkeit gsehne....

und ja hin und wieder schach (körperlich natürlich sehr astrengend). spielsch au im Internet @säureraver? uf playchess.com?

und was bitte isch kubb?