Was machst du / bist du?

[Rusty]

hmmm, also wenn es mich nicht irrt, dann gab es diesen thread schon mal, um die weihnachtszeit letztes jahr, soweit ich mich erinnere.
Aber egal.....schule gemacht, danach lehre als logistiker, und seit dem als veranstaltungstechniker unterwegs... 10 Jahre Lichttechnik, vor 6 jahren kam dann noch die tontechnik dazu, sowie das Rigging ( Höhenarbeiten) bis anno 2005 war ich immer angestellt. Seit sommer 2005 bin ich selbstständig. Nun kann ich die events machen auf die ich lust habe, und mich vorallem auch in ruhe um meine party PA`skümmern.

[white_rabbit]

ech han letschtjohr lap als stromer gha. ben den doregheit ond han au nöme chöne im gliche lehrbetrieb bliebe.naja den hani halt zerst mol 4.5 monat chli uschillt und ned fell gmacht. han mer den weder en job gsuecht uf de januar 07 au als stromer ond han jetzt mini prüefig au bestande also ben jetzt "gelernter elektromonteur"

[Ajanix]

ewigä studänt

i de schuel siti dänke chan... und jetzt mit 22gi immer no...

Studierä Journalismus und söt vorussichtlich i 2 jahr fertig sii wenns dumm lauft i 3

[hikuri]

also zerst isch mol al lehr gsi als "polygrafin" mit gbms.

denn as paar johr mit joebla in ganz verschiedana bereich, hauptsach geld und reise...

zurzit schaffa i ama video zur ufklaeirg fuer fraua in indigena gmeinda in chiapas, mexico. im ganza projekt gots um sicheri geburta, gsundheit fur frau und ufklaerig vu irna recht. wer sich sust no interesiart was miar machend http://www.lunamaya.org.

nebabi sind miar am ufbau vunera comuna mit dr idee vu dr permakultur.

userdem sind do au no as paar projekt in ussicht ueber informacion in da gmeinda zu abfallverminderig, verbesserig vum boda, recycling vum wasser und oekologischi landwirtschaft.

as git viel z'tua, damit uesa zukunft gruener und grechter wird.

[UV-Spider]

Hmmm
Bi glerte chemikant....(ned würkli sgliche wie en Laborratnt...)
*und so näbe bi....immer wäni da ade Party öberem verzelle chunt churz de nah..."chasch du dän droge mache...." hmm chönne ja mache NEI......

Also 4 Johr Lehr und schuel in Friburg
Jetzt schaffi sit 6 Johr ide Lehrbude und ha so no bitz was chöne witer bilde..

Mitlerwile bini Meister stellverträter innere gross Produktionsalag...
da wär glaub alles....

[Waldgeischtli]

"da wär glaub alles".... ganz bescheide de herr sandri!!
aso i finde das scho rächt....vell! mit 24i!!!! und besch ja no vizepräsi gsi oder so...

was häsch gseit wod schaffsch?? bl....r to....r firma
nei i bi ja scho ruhig...

stecke no ide lehr als, churz gseit, schriftemalerin....baldbald fangts 4. und letschte johr aa....und dänn...mal luege!

[meli]

*und so näbe bi....immer wäni da ade Party öberem verzelle chunt churz de nah..."chasch du dän droge mache...." hmm chönne ja mache NEI......

hehe, dä spruch hani au scho des öfteren ghört! chunnt komischerwiis immer, wenn seisch, dass di bruef mit chemie z'tue het...

[UV-Spider]

und waseli was heisst denn das wenn die Frag doch immer und immer wieder chunt vo Lüd ade Goa Partys....

(Jeder denkt cha sich da sälber ableite was er möcht....für mich zeigts eimal meh ein Teil vom klische vo dene Partys uf.... Droge droge und numal droge....zumindest für en gross Teil...)
so ghört zwar glaub ned da hi aber has jetz glich gschriebe....

Greez

[Morgaine le Fay]

Nach de Summerferie (judiiihui und zötteli dra!!es geit nur no 2 Täg!!*hüpfhüpf*ätschibäääätsch!! ) fahni mitem Musikgymer in Münchebuchsee ah. Miter Quarta, das heisst, i wirde dr Höfu, äbe dä Gymer, no 4 jahr bsueche...wenns guet geit!

jaa u nächer...när möchti eigentlich ad jazzschueu, in bärn oder Luzärn. Aber mau luege, isch ja no wiit wäg.=)

Uf wiedergüggeli!! *FLoppundWeg*

PS: bi ja da dr jüüngscht schnuufer, wies usgseht....

[wuchenendbefürworter]

Kantischüler in Bade ( die wunderschön Boustell, imne sehr natürleche Ambiente, umgebe vo traumhafte Betonwänd vollegfüllt mit Aspest, für die wos Schuelhuus känned...)

Etz grad es halbs Jahr "schöpferischi Pause" hinter mir, nach de Summerferie gahts nur no 2 Jahr... und dänn Militär

Ich ewige Pessimist...

[Catweazle]

Ich bin koch, seit 1 Jahr ausgelehrnt, habe jetzt in verschiedenen Häusern gearbeitet, und es sind genug um sagen zu können das der Beruf überhaupt nichts für mich ist. Leider weiss ich ( noch nicht ) was ich sonst machen soll

[Waldgeischtli]

jaja, die kurzlebigen berufsbezeichnungen in der druckerbranche

hehe, sägs ned!! mi bruef hät no gaaaanz aaafang (wie scho erwähnt) Schriftenmalerin gheisse....woni vor 3 johr dlehr agfange häts zu schrift- und reklamegestalterin mutiert!

und ratet mal wie sech de bruef ez nännt : werbetechniker / in

loslos, mached no meh es durenand!!!

ah und @ wuchenändbefürworter, wohnsch de du in bade und besch mal id bez zwettige?

[wuchenendbefürworter]

Nei, wohne in Rümikon, e Grossstadt mit 200 Iwohner, direkt am Rhii

Wär eigentli vil lieber id Kanti Wettige, wills eifach vode Umgebig her vil schöner isch (Chloschter, Pärkli, ....)

[hobicht]

also wenn ich de poll richtig duregläse han fählt doch d'antwort "selbständig"!!!

vor eme ziitli hani mal landschaftsgärtner glernt.
nach de lehr nume es halbs jahr ufem bruef gschaffed.
denn öppe 3 jahr allesmögliche ufem bau gschaffed.
als schreiner, als zimmermann, natursteinbearbeiter (steinmetz), sanitär, maurer, innendekorateur (teppich und bodenleger)
denn für 3 mönet in basel amene theater als bühnenhelfer.
und denn, ja denn hani 1 jahr inere indoor-hanf-growanlage gschaffed
*pflänzle und ärnte*
nach all dem bini id veranstaltigs-branche grutscht und ha mis hobbi zum bruef gmacht.
in dere bude bini denn 3.5jahr als lichttechniker underwäx gsi
spezialisiert uf licht, bühne, rigging (höhenarbeit)
ein klein wenig au uf ton und video

und ez bini sid fascht 3/4 jahr als sälbständige techniker underwäx
(allround / freelancer)

[Gnömlii]

ICH BIN EIN MENSCH!!!!!*G* ich hoffes amel