Hunde an Goa Partys???????

[olli]

das thema hat ja sooo nen bart.... aber immer aktuell...

keiner hat was dagegen, wenn ein hund am zeltplatz ist...oder
sicher hat keiner was dagegen, wenn jemand sein kind tagsüber
mit ohrenschutz in abstand zu den boxen herumspringen lässt.
ganz im gegenteil!

ich denke mal der thread starter meinte wohl eher die negativen
beispiele, wie z.b. an der boom letztes jahr, dort lief eine
mit ihrem kind im buggy über den dancefloor - und sie war
sicher nicht nüchtern und das kind hatte keinen erkenntlichen
ohrenschutz...oder die kids die pfandflaschen einsammeln und
dazu mitten aufm dancefloor fast auf allen vieren flaschen
einsammeln...
oder die völlig gestressten hunde, die sofort um sich beissen,
würde jemand versuchen sie zu streicheln...

--> vielleicht sollte sich der thread starter genauer ausdrücken?

nö, die foren member wollen ja endlos posten....



wie wärs eigentlich damit, dass die org die hundebesitzer
die nicht aufpassen oder die eltern, die fahrlässig/dumm handeln
vom platz stellen?
als konsequenz für das was meist aufm flyer steht: no dogs!

nö, blödsinn, manchmal steht da auch: no drugs!

[juerg]

@ Gumperli http://www.mysticalforum.ch/viewtopic.p ... highlight=

Ich ha immer denkt und sgfühl ghaa a Goapartys hegis viel offeni ,tolleranti und alternativi Lebesmöglichkeite astrebendi und suechendi Mensche..
Aber was i so ide letschte ziit läse mer wott immer meh "gsetz" und defür au gsetzeshüeter ( Securytis )...
mee Selbstverantwortig übernä ! Und vor de eigene Hustür "wüsche" (es hett glaub jede gnueg)
Mini Freiheit hört det uf wo mine Mitmensche iri afangt.
Wenn mich öppis stöhrt denn isches mis Problem..nur ich chas ändere aber ich cha nöd vom "Uslöser" verlange dass er sich änderet..Ich empfinds ja störend..(Hünd wo umeseckled,zdruffni oder zbsoffni Lüüt mit irrne Chinnd)

Für alli die wo problem mit de Chind a partys hend..ha no selte vo öpperem gueti argument wo degege spreched gläse..nu immer, d eltere seged zdruff und d musig zluut
Und bi de meiste hani eifach s gfühl dass ebe nöd selber Eltere sind (ussert em Jack )

Ich versuech mich amigs au echli zrugg z erinnere wes mir als Chind gange isch..
Meistens wenn die "Erwachsene"underenand öppis mit lüchtende Auge und voller Entusiasmus verzelled und es Chind um Erchlärige bittet..heissts amigs..dass isch nüd för Chinde oder du bisch no zchlii..
Sonen Frust

Us minere sicht gids für Chind nüt zverstecke und wemes macht wecktme nume dneuigier nomee..
Wurum meined di "Erwachsene" immer Chind muesed vo ine lehre
Ich glaub es isch gad umgekehrt

Chind a Partys verhelfed au dene, wo nüme chönnd oder wennd, wieder s eignig inner Chind ufzläbelaa..und das find ich, cha nume guet tue

..umegumpe,umegrööle,blödele,lache..eifach frei sii !! ohni die blöde verchnorzte, limitierende Mentalschemas wo euis teils sit de Chindheit ufbrummt worde oder mir euis ageignet hennd.

Be free & enjoy life & let's have party together

Wenigstens det und dänn ..wämers susch im alltag scho nüm chönnd oder waged

[Melliandra]

@ Gumperli http://www.mysticalforum.ch/viewtopic.p ... highlight=

Ich ha immer denkt und sgfühl ghaa a Goapartys hegis viel offeni ,tolleranti und alternativi Lebesmöglichkeite astrebendi und suechendi Mensche..
Aber was i so ide letschte ziit läse mer wott immer meh "gsetz" und defür au gsetzeshüeter ( Securytis )...
mee Selbstverantwortig übernä ! Und vor de eigene Hustür "wüsche" (es hett glaub jede gnueg)
Mini Freiheit hört det uf wo mine Mitmensche iri afangt.
Wenn mich öppis stöhrt denn isches mis Problem..nur ich chas ändere aber ich cha nöd vom "Uslöser" verlange dass er sich änderet..Ich empfinds ja störend..(Hünd wo umeseckled,zdruffni oder zbsoffni Lüüt mit irrne Chinnd)

Für alli die wo problem mit de Chind a partys hend..ha no selte vo öpperem gueti argument wo degege spreched gläse..nu immer, d eltere seged zdruff und d musig zluut
Und bi de meiste hani eifach s gfühl dass ebe nöd selber Eltere sind (ussert em Jack )

Ich versuech mich amigs au echli zrugg z erinnere wes mir als Chind gange isch..
Meistens wenn die "Erwachsene"underenand öppis mit lüchtende Auge und voller Entusiasmus verzelled und es Chind um Erchlärige bittet..heissts amigs..dass isch nüd för Chinde oder du bisch no zchlii..
Sonen Frust

Us minere sicht gids für Chind nüt zverstecke und wemes macht wecktme nume dneuigier nomee..
Wurum meined di "Erwachsene" immer Chind muesed vo ine lehre
Ich glaub es isch gad umgekehrt

Chind a Partys verhelfed au dene, wo nüme chönnd oder wennd, wieder s eignig inner Chind ufzläbelaa..und das find ich, cha nume guet tue

..umegumpe,umegrööle,blödele,lache..eifach frei sii !! ohni die blöde verchnorzte, limitierende Mentalschemas wo euis teils sit de Chindheit ufbrummt worde oder mir euis ageignet hennd.

Be free & enjoy life & let's have party together

Wenigstens det und dänn ..wämers susch im alltag scho nüm chönnd oder waged

So lang dEltere oder de Hundebsitzer dVerantwortig übernämed, findi das
meh als in Ornig. dFrag isch öb die das chönd und wenn nid denn isches
ebe meh als schlächt.

Hehe mier Mänsche bruchet doch Gsetzt will mer z'blöd sind sälber richtig
z'entscheide. Sehr sehr tragisch...

[Gnömlii]

aso ich nehme min Hund au immer mit a Party`s werdi jedi Party dumm agfiggt das de Hund ned ane Goa ghört!!!Ich find das isch min entscheid,und ich meine es chund au immer chli uf d erzihieg a wie de Hund erzoge worde isch ...ob er lost an goas oder ober immer weg rennt!
Ich find es muess jede selber wüsse,wenner de Hund im Griff hed findi das voll akzeptabel das mer de Hund mitbringt!!!!!

Aso es muess ned sie das jedi Party irgendwelchi Lütlis wo kei ahnig hend vo Hünd de hundebsitzer go dum afigge!!

PEACE & HUND

[nitrous]

wenn auf 'nem flyer "no dogs" steht dann sind keine hunde erwünscht. versteh' ich da was falsch..?

[tinu the PsySchlumpf]

wenn auf 'nem flyer "no dogs" steht dann sind keine hunde erwünscht. versteh' ich da was falsch..?

Verstehst du schon richtig, nur scheinen das viele Hundebesitzer mehr als unverbindliche Empfehlung zu verstehen denn als Aufforderung.
Ist ganz easy, mach ich jeweils auch so wenn "no drugs" aufm flyer steht!

[juerg]

Ja de einzig, us minere sicht, plausible Grund wo gäge chinnd a partys staht isch dass sich dOrgs vo Verantwortig wennd schütze.
Da dezue han ich gar keis Problem en Fackel z unterschriebe, wo ich voll und ganz d verantwortig für alles wo "mim" Sohn Leo anere party chönnti passiere, übernimm!!

Denn schlussendlich, au wenn öppis us fahrlässigkeit oder sogar grobfahrlässigkeit passiert, es isch Schicksal !!!

Und Schicksal ist eine Change etwas zu lernen!

Und au wenns eim grausam trifft und mes sogar hetti chöne verhindere...oder ebe gad dänn

Mir läbed im moment inere Gsellschaft wo hauptsächlich vo Schlappschwänz bestaat..
Wo immer en Sündebock,Schuldige oder Verantwortliche für di eigete Tate und Früst usserhalb gsuecht wird.Isch au eifacher und me muess-dörf sich so au nöd in frag stelle.

S System wot das au eso..will so d Schöfli ringer zkontrolliere sind.

[das_auge_gottes]

jürg, dir ist aber schon klar dass deine einstellung auch als fatalismus verstanden werden kann, zb von mir? man darf m.e. durchaus auch mal proaktiv handeln, und nicht nur reaktiv...

[Kollegoli]

ja aso ich bin mit em jürg zimlich einer meinig; d'selbstverantwortig vo de mensche wird verdammt gföhrlich entzoge.

s'resultat devo hämer zum teil scho krass vor auge: d'mensche sind verantwortigslos. das isch öpis vom aller aller schlimmste was be eus passiert. ich setz das, zumindest im überträgene sinn mit de übertriebene sterilität (bezüglich hygiene) glich (wo ja zum glück erscht teilweiis übertriibe wird). alles isch supper suuber und supper keimfrei. wenn öper vo eus ufen andere kontinent gaht, wirder schnell chrank. und die entwicklig wird sich wohl no verschlimmere. bismer eines tages alli anere eifach grippe sterbed...

im vorus handle, okee. aber nöd übertriebe. und bitte, be eus wird das "proaktive"-handle gwaltig übertriebe. so wie au s'reaktive. ab und zue, sött mer au eifach gar nöd handle und igseh, dass es paar immer uf de strecki bliibed... e selte naivi istellig, wo da in eusere gsellschaft herrscht, dass alles leid muess verhindered werde (und das paradoxer wiis, indem mer scho im vorhinein leid für dritti, unbeteiligti verursacht..).

es paar bliibed immer uf de strecki. immer.

zudem: was bitte söll dann amene chind anere goa passiere? was, was kei absoluti usnahm wär? sölls sich amene neonfade erhänge? e sprütze finde und meine es seg en teddybär? us angst sterbe?

[Melliandra]

ja aso ich bin mit em jürg zimlich einer meinig; d'selbstverantwortig vo de mensche wird verdammt gföhrlich entzoge.

s'resultat devo hämer zum teil scho krass vor auge: d'mensche sind verantwortigslos. das isch öpis vom aller aller schlimmste was be eus passiert. ich setz das, zumindest im überträgene sinn mit de übertriebene sterilität (bezüglich hygiene) glich (wo ja zum glück erscht teilweiis übertriibe wird). alles isch supper suuber und supper keimfrei. wenn öper vo eus ufen andere kontinent gaht, wirder schnell chrank. und die entwicklig wird sich wohl no verschlimmere. bismer eines tages alli anere eifach grippe sterbed...

im vorus handle, okee. aber nöd übertriebe. und bitte, be eus wird das "proaktive"-handle gwaltig übertriebe. so wie au s'reaktive. ab und zue, sött mer au eifach gar nöd handle und igseh, dass es paar immer uf de strecki bliibed... e selte naivi istellig, wo da in eusere gsellschaft herrscht, dass alles leid muess verhindered werde (und das paradoxer wiis, indem mer scho im vorhinein leid für dritti, unbeteiligti verursacht..).

es paar bliibed immer uf de strecki. immer.

zudem: was bitte söll dann amene chind anere goa passiere? was, was kei absoluti usnahm wär? sölls sich amene neonfade erhänge? e sprütze finde und meine es seg en teddybär? us angst sterbe?

Ich glaube es gad doch vorallem drum, dass denn öber für sChind da isch,
wens Frage hed oder eifacht en Erwachsnige brucht. Und irgendwie dänked
halt alli dass mer das amene Chind nid chan biete anere Goa.

Oder dFrag isch will mer das über haup anere Goa? Ich meine dVerantwortig
über näh, oder gad mer ebe genau drum a Goas/Partys um mal dSau
use tzlah?

Minere Meinig nache hed das gar nid viel mitem Chind oder Hund z'due sonder
mit em Herrchen oder de Eltere.

Was mich denn aber mega stresst isch, wenn en Hund a de Goa isch, sies
Herrchen nid ufpasst und ich mich nacher unwohl fühle will en verstörte
Hund ume lauft.

Drum sorry Oli aber viellicht isch es gschieder mer vierbietez ganz, will
teils Lüüd ebe das nid werdet schaffe uf ires Chind/Hund uf z'passe.

[Kollegoli]

ja das vertahni scho, melliandra.
dennoch findich verbüüte e sehr schlechti idee und e verdammt billigi lösig. sproblem isch dann eifach mal schnell wegkehrt.
zu viel isch scho verbote.

mit somene verbot schützt mer villicht die eine, aber me schadet defür anderne. ich finde kollektivstrafe immer scheisse. es isch eifach nöd in ornig, dass öperem öpis verbote wird, nur well öper andersch unfähig isch. be einige andere theme führt genau das verhalte, zu extreme problem und viel meh leid. (zb drogepolitik). bevormundig isch nunmal eifach nöd dlösig. en mensch muss verantwortig lerne, um fascht jede priis. und die lernter nunmal nöd, wennmer ihn überall bevormundet.
me gsehts resultat vo dere bevormundig sehr brachial... wie die jürg shco gseit hät.. mir läbed inere gsellschaft vo schlappschwänz. verantwortigsunfähig.

wieso denn muss immer alles beschützt werde? me merkt doch zu was das führt? de schutz wo die einti person enere andere gewährt führt meistens 1. zum leid vo dritte (unschuldigi werded bestraft (völlig denebed)) und 2. zur ewige unmündigkeit vom andere. natürli nöd i allne fäll, aber i dene, wos um so sache gaht.

wenn eltere ihres chind oder herrli ihre hund wennd ane party mitnäh, dann sölleds. wenns öperem nöd passt, dann chamer ja mitenand rede. und wennmer halt kei gmeinsami lösig findet... na dann, isches halt so. das isch dwelt. es gid nunmal kei universelli bestimmige, wie öper sis chind erzieh muess, das isch jedem sis eigene ding und söll wenn scho, im private rahme klärt werde und nöd durch verbot.

Was mich denn aber mega stresst isch, wenn en Hund a de Goa isch, sies
Herrchen nid ufpasst und ich mich nacher unwohl fühle will en verstörte
Hund ume lauft.

das stört mich au. aber das isch dann mis problem und ich finds ehrlichgseit zimlich frech, deswege anderne, unbeteiligte öpis go verbüüte. wenns eim so stresst, chamer ja mit em herrli rede, es zämeschiise und wenns sii muess au abschlah. aber dann passiert das, well mer d'situation gseh und nahdenkt hat, nöd eifach präventiv und pauschal und so, dass alli, au die wo unschuldig sind, e fuscht überchömed.

scheisse passiert. es isch so. aneluege oder wenigstens toleriere (=erdulde), aber nöd präventiv de fluss demit verschmutze!

[Melliandra]

das stört mich au. aber das isch dann mis problem und ich finds ehrlichgseit zimlich frech, deswege anderne, unbeteiligte öpis go verbüüte. wenns eim so stresst, chamer ja mit em herrli rede, es zämeschiise und wenns sii muess au abschlah. aber dann passiert das, well mer d'situation gseh und nahdenkt hat, nöd eifach präventiv und pauschal und so, dass alli, au die wo unschuldig sind, e fuscht überchömed.

Hm... das han ich mier au scho überleid... aber ehrlich gseid bin ich und
warschiednlich 90% vo allne den zu feige oder zu druffe... um mit dem
Mänsch wo sTier oder sChind vernachläsigt z'rede.

Ich bin au dienere Meinig, mer sell wieder meh Verantwortig für sich und
die andere übernäh und zum Glück hani das letsch Wuche wieder mal
gaz krass döffe erfahre dass das gad, aber gottverdammi es döfft doch
gar nid passiere, dass öber wo mit Hünd/Chind ad Party chund, nid druf
ufpasst!

Aber du hesch scho rächt, nume wemer die Person den diräkt a spricht
chan mer au öbis bewirke, oder ebe au nid.

[Kollegoli]

ja eh, ich ha au no nie öper agsproche, wenn ich sgfühl gah hän, dem hund isches zviel. ich finde nöd dasses pflicht isch, das zmache. aber wennmer würkli find, dass es zviel isch, dann söllmer das imho uf jede fall privat usmache und wükrlich go aspreche, bevormer hinderem rugge vom andere afangt verbot ufstell und das grad no für alli andere au.

aber gottverdammi es döfft doch
gar nid passiere, dass öber wo mit Hünd/Chind ad Party chund, nid druf
ufpasst!

es passiert aber. d'welt isch so. sie isch a gwüssne ort verdammt schön. a anderne ort isch sie verdammt härt. nomal a anderne ort beides und a nomal andere keis vo beidem. das isch slebe. da dege ztäubele bringt absolut nüt. das mussme jetz eifach zur kenntnis näh, dass das so isch. de menschheit gahts nöd nur guet, dasch ja nüt neus, oder? also lass eus gmeinsam fiire, dass mir, denes ja guet gaht, chönnd die guete vibes verbreite.

[fish-eh]

aso ich nehme min Hund au immer mit a Party`s werdi jedi Party dumm agfiggt das de Hund ned ane Goa ghört!!!Ich find das isch min entscheid,und ich meine es chund au immer chli uf d erzihieg a wie de Hund erzoge worde isch ...ob er lost an goas oder ober immer weg rennt!
Ich find es muess jede selber wüsse,wenner de Hund im Griff hed findi das voll akzeptabel das mer de Hund mitbringt!!!!!

Aso es muess ned sie das jedi Party irgendwelchi Lütlis wo kei ahnig hend vo Hünd de hundebsitzer go dum afigge!!

PEACE & HUND

wenn en im griff häsch würdes di ja wohl chum dumm afigge? oder was etze?

zumal 95% vo de hünd woni a partys gseh nid abunde sind trotz wald rundume...das seit scho alles, wie de herrli sin hund em griff het. (blabla vo lüt wo sege i ha mi hund au bi bluetnase im griff isch es andres thema).

[Nicolas]

Spam (da betrunken): Olli, Jürg, Oli