Alpträum

[ilenja]

ech ha mech mal welle luege ob ech eigentlich eine vo de einzige be wo i de letschte zyt so schlecht schloft und au extremi träum hed?aso ja esch mer scho klar das ech nöd eine vo de einzige be.. eifach welle gedankeustusche .. i wem gatz ähndlich?und wer erlaebt au so struubi sache i de nacht,wie wirri gedanke und en extrem schlechte schlof..?

[Titali]

nei leni, du bisch nid alleini!
ich schlofe scho sit wuchene beschisse, also cha nid ischlafe... gedanke chöi nid ruhe... träume due ich nid, also ich cha mich nid erinnerige, aber das liegt dranne, dass ich zviel kiffe!
ich trink au viel beruhigungstee und äbe joints, aber au denn cha ich nid ischlafe!!!

what wrong?

däumchen dreh im bett lieg hellwach in den nachthimmel schau und immer noch nicht ruhe finden!

gimmi VALIUM!!!

[0x1d]

han immer wieder en schrääge traum.. wobi eich all mini troim schrääg sind ^^
teils ganz komischi sache... hilflosigkeit und angscht... wie ufme horrortrip..

aber jo, s hangt wohl chli demit zämä wies mer im lebe sus so gaht..
drum sind mini troim au immer andersch.. fühli mi i letschter ziit eher wie im halbschlaf

najo wie au immer, en guete mitenand ^^

[ilenja]

aso sit paar taeg ben ech zmitzt i de nacht go baldrian inaeh .. damit ech mindestens mal so richtig chan schlofe ,wenns au nome es paar stunde sind .. und das hilft mer aemu au .. aber glich .. ech wälze mech extrem fescht zum i schlofe und es sind nöd mal wirri gedanke wo mech wach halte .. die gedanke chömme eher im halbschlof.. mhm

[kaidun]

cha ir letschdi au ned penne. gester beni am zwei go penne und am morge am füfi
weder wach gsi.. hammer. erholig pur

[Fallen Angel 2]

Ha in letzter Ziit die schrägschte Träum, vom Gschäft, vo Goapartys, vo Sekte, vo Aliens, vo Horrorfigure, vo Helde mit Superchräft, bin selber meistens mittedrin im gschehe, also das isch krasser als hollywood, und immer meh oder weniger zämehängend, und echt mega interessanti aber au gfürchigi gschichte, wache zum teil schweissgebadet uf...
eimal hämmer öppe z'20igschte - lüüt vo partys, familie und woni nöd käne sone art usstigersidlig gründet, wo dänn mit seltsame chräft händ müsse eus umenandschlah um irgedwelchi usserirdische z'bekämpfe, und de staat isch dänn uftaucht und hät euse "leader" befragt, wo sich extrem kooperativ verhalte hät, und ihne sozsäge alles zeigt hät, aber es isch nur sone art taktik gsi und dänn no fantasy, mittelalter, höhlene usw.
echt heftig..

[David Fraka]

würd ich weniger kiffen, hät ich mehr (alb)träume an die ich mich erinnern könnte...

[Psychobella]

Bin au regelmässig bis am 2, 3 wach und mues mi zwinge, is Bett z gah.
Defür tagsüber völlig erschöpft und müed...

Gedanke schwirred i mim Hirni ume, chömed und schwupp sind au scho wider weg, lönd sich nöd fasse...
Unkonzentriert am Tag, nöd bi de Sach, nöd bi mir...

Ha grad en Roman gläse, wo sich d Hauptdarstellerin mit Hilf vo de schamanische Kunst in en Adler verwandlet...
und ihre lang Weg zrugg zum Mensch si....jetzt verwandli mi i mine Träum dauernd i irgendwelchi Viecher...ha aber Schiss devor...und will s schinbar doch

sehr verwirrend...

[ilenja]

weiss nöd obs am kiffe lied .. ech denke das esch au sicher vo mensch zu mensch verschiede.. esch ja nöd so das ech gar nöd kiffe hehe .. aber sicher wenig .. weniger als früehner .. well mis ziel esch ganz dervo weg zcho.. mhm vellech hed das en zaemehang

[0x1d]

woa tönt aber heftig fallen angel =D
han aml au so völlig abstruusi troim...
aber die findi meischtens geil *g*
bin no öfters a goa partys im traum.. lol
am liebschte gangi go flüüge.. aber sit ich mit mine traumchräft en bus i flamme ufgah lah han und scho mehrfach bim flüüge abgstürzt bin hät mi s sandmändli glaub nüm gern und laht mi komischs züüg troime..
..
wache aml au zmitzt i dä nacht uf.. denn gangi meischtens chli wasser go trinke und hängs aml immer es ziitli voll belämmert am chuchitisch und blettere i irgendwelchne heftli wo umeliged.. chan denn aber meischtens wieder guet iischlafe und troime denn au meischtens irgendwas..

hm aber öpis vom struubschte woni bim iischlaafe erlebt han... mini gedanke sind zu bilder worde.. immer intensiver.. bis plötzli alles schwarz worde isch.. da hät sich agfüühlt wie wenni irgendwoo inezoge wirde... ha mi voll probiert dagege z wehre, was das ganze aber no vill schlimmer gmacht hät..
irgendwenn hanis denn gschafft und bi wieder ufgwacht... komischerwiis hanis irgendwie geil gfunde und es drufabe grad namal passiert... naja ich bin en struube mensch ^^
..

[Titali]

viellecht hets au chli was mit de parties ztüe... es isch absolut ungsund jedes weekend düürzmache und a nami go schlofe oder wenn au immer... dr körper brucht regelmässigkeit und mit sore partynacht bringt meh dr ganz körper und geist dürenang und das brucht jedesmal wieder erholig!!!

naja, für mich persönlech trifft das nid unbedingt zu, da ich nüme soviel an parties gange oder halt kurz es paar stund und nüme vo afang bis the end!

[piraña]

...also, schlofe isch bi mir nideso es problem...
...defür hani angscht vorem wach si...
...das goht inzwüsche scho sowit, dass mini augering mini unterlippe küssid, werum ich übrigens gar nümm troue in spiegu z luege, will ich angscht ha, ich chönti denn gar nie meh ischlofe...
...mini einzig hoffnig isch nor, dass das nor en phase chönti si...

[Indigo]

es geht mir ähnlich, liebe Psychobella.

schon seit längerem verfolgen mich wahre "psycho"träume nacht für nacht, obwohl ich praktisch no drugs konsumiere, ausser gelegentlich mal einen guten rotwein, wenn das eine ist, hehe. als ich früher übrigens kiffte, konnte ich mich am tag danach an überhaupt keinen traum mehr erinnern.

jetzt aber, wo ich "clean" ins bett steige, kommen ganze filme in mir hoch während des träumens. manchmal höchst irrational mit nie gesehenen orten und landschaften, nie wirklich erlebten menschen, gegebenheiten. uhhf. nicht schlecht! aber sie sind glasklar einfach DA! manchmal könnte ich ganze dörfer zeichnen oder menschen die ich nie zuvor gesehen habe. woher kommen diese bilder eigentlich?

oft ergeben sich regelrechte panikattacken daraus und das schlimmste ist, dass ich tags darauf nicht recht weiss, was jetzt geträumt oder real ist.

nähmte ich drogen, hätte ich einen plausiblen grund für all meine stories im kopf - dem ist aber nicht so. gut, dass hier jemand einmal das thema alpträume erwähnt, denn es bereitet mir seit jahren mühe, darüber zu reden. danke.

[Zauberhäxli]

Die Nacht han ich gaaaanz schlecht gschlafe!!! Bim Ischlafe han ich uh Müeh gha zum mini Gedanke und Gfühl überhaupt äs bitz zur Rueh bringe, immer wider sind ähnlichi Gedanke und Gfühl i mim Innere umänandgschwebt und so isch es halt ewig gange zum Ischlafe...

...am Morge (oder bessergseit no fascht i dä Nacht) bin ich wider zfrüeh verwachet und han nüm chöne ischlafe. Wider sind die gliche Gedanke und belastende Gfühl wo ich scho bim ischlafe gha han uftaucht. Innerlich und i Gedanke bin ich am schribe gsi, aber well ich no total erledigt gsi bin, han ich nöd möge ufstah und mini Gedanke zu Papier zbringe.

Zur Zit schlaf ich allgemein nöd so guet. Das liegt aber da dra, dass mich momentan vil belastet, en Rucksack wo sich für mich zum träge vil zschwer afühlt. Usserdem bin ich über Silvester rächt verkältet gsi, han nöd chöne go skifahre wie ichs eigentlich han wellä sondern bin erledigt im Bett gläge. Ich dänke aber, dass sich mis Wintertüf bald wider verzieht und d'Sunne i mim Herz wider voll am schine isch

Ich find intensivi Tröim sehr spannend, vor allem wänn sie no total präsent sind am Morge bim ufwache. Ich han immer wider Zite wo ich mega vil und intensiv am tröime bin, aber au wider anderi wo ich mich a mini Tröim nur sälte erinnere, mängisch fühl ich au nur no Gfühl wo ich im Traum gha han und han kei konkreti Erinnerig meh. Es git au Tröim wo ich am Morge total gschockt ufwach, mit eme Gfühl als ob ich en Hammerschlag in Mage übercho het, es Gfühl wo mich teilwis no dä ganz Morge begleitet...es sind meischtens nöd mal Horrorträum wo mich so schocket, sondern Erinnerige nach äme sehr intensive Traum.

Mich nimmts wunder öbs no anderi Lüt git da im Forum, wo so Schockgfühl nach eme Traum au händ????

Ach übrigens ich kiffe nöd, wo ich no kifft han, han ich mich sälte bis gar nie a mini Tröim erinnered, däbi sind Tröim doch öpis total schöns!! Ich erlebt teilwis die tollschte Fantasystories oder Chrüsimüsigschichte i dä Nacht, hehe

[ilenja]

find ech au .. das träum was sehr beriecherends sind hehe .. und din spruch .. mit dem tazende stern.. esch eine vo mine lieblings sprüch .. ech liebe de hehe vorallem well ech dur chaos 3 stern han dörfe ufd welt bringe *smile*