Rätsch Dätsch 3 - 05.07.2008 - Room31

[biberfreund]

Vielen Dank alle Gäste, an Andy das Ferkel und an das Wetter, welches bis fast am Schluss mitgespielt hat!

Hatte leider nur wenig Zeit für Fotos.. mehr von Manu und anderen werden noch folgen:

[blaues hufeisen]

ihr hend die party perfekt organisiert.

de shuttlebus isch gfahre wie en wältmeischter. sicherheit isch s'A und O. ond ihr hend das suppper gmacht.

es hed üs a nüd gfehlt: de feini Crêpes gruch, de feini Chay (wobii ich beides ned probiert han),

alli getränk, s'zmorge, d'schlafmöglichkeit, de grill, etc...

Vo de Musig här, hani wieder mal en chliini lektion vo euch becho.... danke für de rundum geili sound (ex elektrozüx, hihihihi)

supercell, hesch ganz geili sounds zauberet am morge mal... ich freue mich uf dis set in Rona!

ihr Dj's hend eh durchwex für miin gschmack super sound gspielt. - sorry, wenn ich nume am musiglose gsi bin - eso hani's glaubs rächt guet chönne gnüsse - eifach mal lose und ..staun..

d'chandrani hani wiedermal verpasst. isch sowieso chronisch bi mier. chuum leisch Du uuf, machi was anders... ai ai ai

und ganz wichtig: merci vell mal, dass ich han dörfe erläbe, wie schön das eggli ärde isch. mier sind älteri flyer in sinn cho (hypnotica zum biispiel) ond ich han gmeint, gwüssi inspiratione für de flyer anhand vom panorama mit em liecht chönne ds interpretiere. de Roboter hed chönne vomene Strommaschte abgleitet worde sii, wo vo de energie eifach afangt laufe. hani megawattgeil gfunde. wobii, das isch jo nume en idee vo mier.

de aktuelli flyer, isch übrigens uhüüne schön gstyled xi. mier gfallt das grammophon im wald. findi en schööni parallele zum sound, wo ihr mit härzbluet gmixed hend. ond ja ond sowieso und überhaupt.

ond s'design vo de getränke-charte, die isch wunderschön xi. min vorschlag für die Getränke-charte: unbedingt bhalte ond ab is privati - Room31-fotti-Album demit. sowas schöns, chamer au no in 10 Johr bestuune, wenn mer s'party fotti-album mal alueged. sehr viel Begabig fürs Detail, dunkt mi.

[electropunk]

Viele dank für die schön party:

- sound isch 1A gsi; vorallem i dr nacht und am früehe morge
- i bi so unter spannig gstande, dass mir am chuehag eis putz het; das chunt drvo wenn mä scho am fritig an e electroparty goht
- so nen schöne platz: alti gebäude, paar bäum, füürli, die wunderschön ussicht ins mittelland und drzue no de gliebti wind; eifach herrlich
- han es paar ganz liebi lüt dörfe treffe, von i scho ur lang nüm han gseh
- Und es mystischs erlebnis hets als zückerli au no geh: wundervoll

[Sven]

Meine erste Party mit Schlafzimmer
Ich habe es doch tatsächlich verpasst, denn Sonnenaufgang zu sehen... herrjee herrjee.
Die Party hat mir sehr gut gefallen. Die Location war der Hammer und das ganze klein und fein, gut organisiert und die optimale Lautstärke.
Schade waren lediglich die Motzer die hier offenbar losgelassen wurden. Es darf dich ja jede(r) beschweren wenn sie/ihn etwas stört. Aber gewisse Dinge sind halt nunmal eine Partynebenerscheinung. Und wie im Wohnzimmer wirds nie, auch wenn man die Gäste noch so sorgfältig aussucht.

Trotzdem. Die Party war an diesem Wochenende genau das richtige für mich.
Vielen Dank!

Love & Light

[Psychobella]

Das war Luxus pur...

...ein perfekt organisierter Shuttle-Service...danke Alex ...dass Wisen keine Post (mehr) hat, haben wir nach längerer Suche und einer Dorfrundfahrt dann rausgekriegt

...ein wunderschönes Fleckchen Erde mit beeindruckender Aussicht und Ventilator, der die Regenwolken immer wieder weggeblasen hat ...Wer hat den Sonnenaufgang organisiert? Der war absolut beeindruckend
...Toiletten, die das Gassi gehen zum Vergnügen gemacht haben ...die Spiegel waren für mich fast schon zuviel des Guten

...unermüdliche Helfer, die uns im 'Wohnzimmer' mit Speis und Trank verwöhnt haben

...Dj's, die mit Herzblut bei der Sache waren und unsere Ohren gehörschonend verzaubert haben

...so manche Unterhaltung, die mir immer wieder ein Lächeln ins Gesicht zaubert, wenn ich daran zurückdenke
(wie war das schon wieder mit dem 'Service' Manu? Oder war's 'sehr wiiss'?)

Danke a s Glüehwürmli für's Schleppen meiner 7 Sachen und deinen Freunden für die Rückfahrt nach Wisen

Danke an alle Freunde und Helfer von room31 für das schöne Fest, das ich mit euch geniessen durfte

[Sven]

@Elektropunk: das mystische Erlebnis würde mich interessieren

[electropunk]

@sven

here we are:

es war einmal ein intensiver langer traum mit einprägsamen bildern; einer dieser träume wo man fast real was erlebt und die sich schlussendlich doch nur noch mit ein paar wenigen bildern einprägen. Zudem sind schon einige Jahre ins land gegangen.
Und dann, an dieser party; langsam aber sicher spürt man dass diese kulisse, diese umgebung etwas magisch bewegendes hat. Es waren nicht die leute, sondern ganz einfach der ort; der abgestorbene baum, dieser bauernhof hinter der kuhweide mit brennnesseln, dazu noch dieser wind. Das graufale licht in der morgendämmerung und eine fledermaus die nur zwei-dreimal kurz sichtbar war.
Ich spürte etwas aber ich konnte es noch nicht zuordnen. Im Ansatz war es ein deja-vu, aber ich war mir nicht sicher.
Die party nahm ihren lauf und schlussendlich sass ich im shuttle und wir fuhren los. Und dann kam es; genau dieses traumbild; der bauerhof mit diesem grauen scheunentor, deren tür offen war und 2 typen mit bier am eingang standen; über der tür hing ein rinderschädel mit hörnern; es fiel mir wie schuppen von den augen. War ich in meinen träumen doch schon mal hier, jahre sinds her.........

[Saphira]

Danke fürd Iladig, d Verpflegig, de Shuttledienscht, de Sound (bsungers am Morge eifach hammer) und d Schlafmöglichkeite a däm Feschtli.

Es ischmer fasch chli vorcho wiene Mini-Usgab vor Hypnotica - e wunderschöne Platz.

[blaues hufeisen]

hei tschou elektropunk. schöni erinnerige hesch gha dert, stimmt. mier hend ja mal churz zäme gredt...

die 7 berge

bis baldo wieder mal.........

übrigens....

die Rauchwolke dert vorne rächts im bild hinderem Wald - das bin de ned ich, wo ufen schuttle wartet. dert räuchled was anderes

[electropunk]

hei tschou elektropunk. schöni erinnerige hesch gha dert, stimmt. mier hend ja mal churz zäme gredt...

die 7 berge

was i nit gwüsst ha, isch, dass es im hüttli sogar zwergebettli ka het

und das mit em rauch gsehni s'nächscht mol

[Sven]

@Elektropunk: merci förd Usfüerig. Das tönt mer noch mene schöne Erläbnis, ond schön das dich au no erennerisch.

[chandrani]

hehe weis gad gar nid wo afa...also es isch uf jede fau es mega schöns feschtli gsi! dä platz wiä scho paar mau erwähnt, isch eifach und blibt eifach es träumli für sich. d lüt d stimmig d atmosfäre, eifach alles...i weis nid a wases lit aber es isch eifach immer widär mega schön und idrückläch...

nach dem ig mi idä nacht mal is

zwergebettli[-o<

ha begäh;) und chli gschlofe ha, het mi au e luschtige traum zum use gah bewegt *pacman lässt grüssen*
woni denä ha gseh wiä schöns dusse isch und dr sound au grad würkli mega zum sünneli shii passt het,.ab dem moment bini denä au richtig wach gsi:)

danke a all diä liäbe gsichter, fründe, mönsche, tiärli, wäse...danke a dä schöni ort!
danke das ihr alli cho sit und hend mitgfeschtet!

@ fitzi fitz *öhm* du das isch eifach halt mal so weisch de moment de chunt de scho:)
@ saphira, i'm sorry wägem chai gell (chai meister isch am penne gsi) das dr chai uf em fürli nüme zum gnüsse isch gsi hani irgendwiä nid mitbecho. hoffe diär isch vor luter zucker nid z mu zuä kläbt?!

sodeli wünsche euch no ganz e guäti wuche mit viu sunneshiiii
peace und so...

[Saphira]

Jacky.... muesch di nid entschuldige, isch würkli kei Sach gsi - vo wäge ungniessbar, aso i ha mi Chai fasch ganz trunke, er isch mega intensiv gsi, scho extrem süess, aber das isch grad mis Zmorge gsi

[Sven]

ich schlo vor das mer d "Chandrani" uf "Chaidrani" omtaufed

[petit.papillon]

für all wo de sunneufgang verpasst hend:









samstinami dartspile, säuliässe und na paar anderi sehenswürdikeite: dideldum (diräklink)

danke ROOM31 dass ich min geburri han dörfe mit eu fiire!
Danke für s feine znacht, die gmüetlich atmosphäre, die schöne dunkle nachttönli, und überhaupt!

es git FASCHT nüt uszsetze! aber ich han ja no chli ziit bis zum BOOM zum mir e süessi racheaktion, für de staubsuuger näb mim chopf am morge am 10i im tüfschlaf, z überlege!
Edo, ich glaub nöchscht mal wirsch drs andersch überlege.