Der Ewige Thraed: Goa Partys und Drogen

[gizmo]

Ja klar Joss, ich will gar nöd bestriete, dass es sicher en gwüsse Grund hät, wiso jungi Persone oder wiso mer überhaupt zu Droge grieft!

Ich vertritt halt d'Meinig, dass jede sini Erfahrige sälber muäs und au söll mache! Das muäs nöd heisse, dass mer Konsum grad bi Junge muäs vördere. Ganz im Gägeteil! Drum fänd ich's au guät wänn in Punkto Alter / Itritt chli meh würd gluägt wärde a Parties und au wänn miär all chli besser ufenand würdet luäge!

Muäs mich vlicht no biz korrigiäre in Punkto zu 100% wüsse was mer macht! Eigendlich mein ich eher dass mer für sich sälber verantwortlich isch... Das gaht halt zwüsched dure au mal i'd hose... ich glaube aber, dass jede Mänsch tüüf i sich ine ganz genau weiss, was für ihn guät isch und was nöd!

Und nomal en amerkig! Find's guät, dass es Lüht gitt wo sich über so Sache Gedanke mached. Das zeigt doch, dass es ebe glich nöd (nonig) z'spat isch

[altered]

2. de kollegoli hät vo de herzlichkeit und fründlichkeit da im forum gschribe...es isch schwer hinter dim elaborierte vokabular (sorry, das isch eifach köstlich...) herzlichkeit z erkänne.

offtopic:

trurig, das gwüssi lüüt sich vo "elaboriertem vokabular" so aagriffe fühled. ig bin nemmli au epper wo gern zwöschedur chli gschtoche redet und ig finde das au eppis schööns. für mich isch das es zeiche vo selbstbewusstsiinsmangel, wenn me sich vo lüüt wo bluemig rede aagriffe fühlt.
mir isch zwar klar das me so au chan schwachi argument schönrede (was d definition vo bullshit wär). aber eg gloube nid das das auge gottes zB oder irgend epper anders do inne im forum interesse dra het umezbulshitte (isch üüch das ördinär gnueg?)
isch me denn nur herzlich wenn me sich unpräzis mitere liechte spur vo naivität usdrückt?
auso schlussendli chani nur vo mir rede, und wenn ig eppis schribe do inne mit gwählte usdrück denn isch das es zeiche das ig mich ernsthaft für das thema interessiere.
aber s umephilosophiere isch jo au ume heissi brei rede und nid wökli wichtig hets gheisse. das isch für mich widerum es zeiche vo fuulheit und ignoranz gegenüber der leistig und de bemüehige vo lüüt wo sich sehr wohl und mit aastrengig mitem thema usenandsetze.
mir persönlech (und ich chan nid für die andere urteile) gohts nie drum anderi fertigzmache oder mich als eppis bessers darstelle mi ere gwählte sproch, im gegeteil ig versueche mich möglech klar uszdrücke, grad will die andere lüt mir so wichtig sind und will ig s gfühl han das das der gegesiitige verständigung dient (tut mer leid wenn das nid so isch, wär das nemmli nid eso so gestohn ig do mini schuld ii). aber das isch für mich vill herzlicher als wenn me der ander vertüüflet (und ihm sogar d schuld a dere missliche drogesituation id schueh schiebt) nur will me ne nid verstoht. niid isch das nüt anders.


ontopic:

1. warum diese diskussion mit dem thread zu tun hat
die ganzi diskussion um d gsellschaft, individuum, droge, verantwortig, schuld... isch sehr wohl ontopic. mir versueched do nemmli z kläre was d ursache sind und was lösige chönnte sii für das problem "goas und drogen". und das problem isch sehr komplex und ermöglicht nid eifachi antworte. drum isch au sone langi und mängisch au uszehrendi diskussion unumgänglech und au guet.


2 nochmals zum thema gesellschaft individuum und den kategorienfehler der bei der betrachtung der problematik auftritt

im prinzip spile mir jo es sprachspil mitenand.: zu dem spiel ghöre die usdröck wie gsellschaft, individuum, wert, schuld.... das spil funktioniert so das mir unter anderem en problematik abstrakt beschribe.
einersiits in folgender wiis: es git mensche und es git d summe vo dene mensche, das wird denn i die 2 begriff individuum bzw gsellschaft abstrahiert. s individuum wird dur sini beziehig zu der gsellschaft (also der summe) beschribe. es wird agnoh das es wert git wo die gsellschaft (summe) het. wie die wert zustand chömed isch noni gseit worde, also wer das d träger vo dene werte sind. eg nime mol aa, das die gsellschaftleche werte eifach en durchschnitt vo allne werte sölled sii, will ig mir nid chan vorstelle das es d gsellschaft tatsächlech git so wies de tisch vor mir tatsächlech git. genausowenig gits die gsellschaftleche werte. das sind nur abstrakti konstrukt (oder begriff) wo dezue diene eppis vereifachend/zämmefassend z beschriibe. das isch natürli au nüzlech, aber nur insofern mir das wortspiel nur dezue bnutzed eus grösseri zämehäng z erlüütere, z durschaue und vellech was druus z lehre, wo eusem handle und eusne entscheidige wiiterhilft.

handlige und entscheidige sind eppis, wo vonere person duregfüert werdet en gsellschaft entscheidet nid. me chan höchstens vo de entscheidige vonere gsellschaft als vom durchschnitt vo de entscheidige vo de einzelne persone wo zu dere gsellschaft ghöre rede.
i demfall isch es eifach falsch d schuld oder verantwortig für eppis der gsellschaft z geh. beziehigswiis es bringt eus nid wiiter. warum?

us demm grund wil die werte und handlige vo der gsellschaft eifach nur en begriff sind wo beschribed wie der durchschnitt vo allne handlige/entscheidige usgseht. will aber das widerum nur d summe isch vo demm was d einzelpersone möched chan me der gsellschaft kei verantwortig zuespräche. sondern d verantwortig vo der gsellschaft isch nur en beschrieb defür vo de villne einzelverantwortige wo bi de einzelpersone liit (eifach usdrückt isch das jo au scho worde mit der frag: wer isch d gselschaft? und der antwort druf du bisch en teil vo der gsellschaft) natürlech isch me in sine entscheidige beiiflusst vo de entscheidige wo die andere um eim ume treffed (was der psymäleon scho gschribe het, wenn ig ne richtig interpretiert han) aber es liit bi eim selber ob me sich glich oder anders als anderi verhaltet.

komischerwiis redet niemerts vo der gsellschaft wenns um eim selber goht, sondern nur wenn wenns um die andere goht. dh niemert behauptet do d gsellschaft isch schuld das ig droge nimme. es heisst immer nur d gsellschaft isch schuld das die andere droge nähmed (zB die jugendleche) . wiso chunnt das? eg denke will me denn erkennt das me nid d gsellschaft fürs eigete handle chan verantwortlech mache. aber will me nid uf alli andere wett einzeln iigoh, benutzt me veraifachige wie d gsellschaft...(eg weiss eg widerhole mich)

luege mer das ganze pragmatisch aa:
mir wend jo en löösig finde fürs drogeproblem. was möche mir degege? im augebleck analysiere mir d ursache fü das problem. jetz gits 2 möglechkheite wo vogschlage worde sind:

1.d ursach isch d gsellschaft 2.d ursach sind mer selber (eigentli denk eg das beides ufs gliche abzielet me gsei glii worum)

zu1.
wen d ursach d gsellschaf isch bzw ihri wert(summebegriff!), und die wert vo de einzelne persone konstituiert werde (wo mir selber au eini devo sind) isches nur möglech d wert vo der gselschaft z endere wen mir eusi eigete wert endere und deno lebe.

zu2.
wenn mir selber bzw eusi wert d ursach sind, münd mir eusi wert endere.

ig hoffe euch isch ufgfalle das beidi antworte eigentli gliich sind. nur das die 2ti antwort weniger möglechkeite zum missbruch und missverständnis (fallatio divisionis) zueloht (Q.E.D)

[Shmahu]

aber eg gloube nid das das auge gottes zB oder irgend epper anders do inne im forum interesse dra het umezbulshitte (isch üüch das ördinär gnueg?)

ja das isch suuuper! chum us dir use! mee dräck! ! mee ordinarität!... äh ordinärition... oder ordinationualitätsotionätikquäkiorismus?

s umephilosophiere isch jo au ume heissi brei rede und nid wökli wichtig hets gheisse. das isch für mich widerum es zeiche vo fuulheit und ignoranz gegenüber der leistig und de bemüehige vo lüüt wo sich sehr wohl und mit aastrengig mitem thema usenandsetze.

jetzt verstaasch mi gläbs absichtilich falsch. ich liebs umezphilosophiere. aber wänn du mir seisch "lis mal nietzsche", dänn muesi säge "nei danke!". ich han büecher vo ihm und anderne philosophe gläse (man staune) und han usegfunde, dass si siiiiiiitewiis blabbered nur zum eim am schluss s hirni so zblockiere, dass mer nüme zu freiem sälbständige dänke fähig isch. en berüehmte philosph häts useglaa, also isches eso... jaja. ich mach mer lieber mini eigene gedanke oder tuusch mi mit anderne uus, wo no en freie geischt händ und sich nöd di ganz ziit uf irgendwelchi theorie oder berühemte chöpf müend bezieh.

so, ich bin weg.

[altered]

eg denke das es sehr wohl wichtig isch z lese was anderi gseit hend zum sich en eigeti meinig chönne z bilde. ig empfihle dir au nur nietzsche (oder au anderi philosophe) z lese, wenn ig s gfühl han das ig der i somene churze iitrag wie do im forum gwüssi sache nid besser chan erkläre, wie si scho i gwüssne büecher stönd. eg denke sehr wohl selber und übernimme nid eifach das wo irgendwelchi phlosophe gseit hend. aber versueche z verstoh was anderi säged isch en bestandteil vo der eigete meinigsbildig (und natürlech no der vergliich mit de eigete erfahrige).


kritisiersch denn du epper wo musig macht mitem cubase, wenn er do im forum anderi frogt wie sie das programm benutzed? isch das verhalte für dich au es"nid selber denke". so a la wenn mir en andere seit was für synthies er benutzt, denn darf eg si nid bruuche wills den nid originell isch?

[Shmahu]

ich stimme dir voll zue im punkt, dass gedanke und meinige vo andere wichtig sind für di eigeni meinigsbildig. ich han aber a mir und a anderne beobachtet, dass mer nüme frei chan dänke, wämmer sich z starch mit em gedankeguet vo berüemte dänker befasst und identifiziert. mer isch nüme offe für neui gedanke, wills eifach nöd is konzept im chopf passed, wo mer sich nach de lektüre vo me berüehmte werch zrächtbaschtlet hät.
wänn das bi dir nöd so isch, dänn isch ja super, gratulation.

[altered]

lol, sorry aber eg gloub dir nid. oder sind so lüüt wo sich a parties zuedrüffne und nüme klar gsei, und lüüt mit wellne kei normale satz chasch rede öbbe so lüüt wo au lesed oder au kunscht möched oder süsch irgendwie konstruktiv sind? das denki nid. ig wott do jetz nid die akademisch/philosophischi form vo bildig bsunders hervorhebe, kunscht, handwerk,sport,musik.. erachte ig als genauso wichtig (sind für mich alles forme sich z bilde bzw sini fähigkeite z kultiviere). aber eg han s gfüühl das all die arte wie en mensch sin geist und körper chan kultiviere ihm helfe ihn devor z bewahre en trost und zuekunftslose druffi z werde. und das sind jo die mensche wo die falsche wert hend, denk ich zumindest. ig denke das au du nid wotsch die verteidige wo nüt anders möched als konsumiere? das isch doch üse gmeinsami feind, die drohendi kreativitätslosigkeit, wo der mensch loht zumene sklav vo sine trieb werde.
klar gits lüüt wo zu sogenannte "fachidiote werdet" wenn si nur no das im sinn hend wo si us büecher hend und werdet dur das teilwiis arrogant oder sogar egoistisch und selbstverliebt.
Aber eg bin gliich der meinig das die gfahr weniger bestoht als die, dass me verchunnt wenn me sich gar nid bildet sondern nur konsumiert. Die meiste lüüt wo eg kenne wo läse, schribe, male, musiziere... findi doch interessanter als jeni wo nur fernsehluege und kiffe. und ig bemerke au das so lüt wo nüt anders mache als konsumiere eher zu problem mit droge und/oder gwalt tendiere.

oder bisch anderer meinig?

[Psymäleon]

eg denke das es sehr wohl wichtig isch z lese was anderi gseit hend zum sich en eigeti meinig chönne z bilde. ig empfihle dir au nur nietzsche (oder au anderi philosophe) z lese, wenn ig s gfühl han das ig der i somene churze iitrag wie do im forum gwüssi sache nid besser chan erkläre, wie si scho i gwüssne büecher stönd.

Fängt nicht gerade dort das nicht mehr ganz freie Denken an? Du orientierst dich immer an anderen, sei dass nun an Nietsche, an deiner Famile, Freunden oder an anderen Menschen. Nicht, dass man dadurch kein eigenes Denken hätte, nichts kritisch hinterfragt und andere Meinungen einfach übernimmt. Klar ist Gesellschaft ein sehr abstraktes Konzept und wie es hier gebraucht wurde, würde keiner wissenschaftlichen Argumentation standhalten; aber das ist meiner Meinung nach auch keineswegs nötig. Der Aspekt, der Beeinflussung und der Orientierung fängt aber in den kleinsten Zellen der Gesellschaft an, in seinen persönlichen Primärgruppen; für mich halt einfach die Basis der Gesellschaft, die im kleinen vieles deutlich zum Vorschein bringt, was im abstrakten Gebilde der Gesellschaft nur schwer zu erkennen ist, aber ziemlich ähnlich abläuft. Ich finde es einfach etwas sehr unrealistisch, wenn man sich als absolut freidenkenden und unbeeinflussten Menschen sieht, der jede Entscheidung nur danach fällt, was ER für richtig hält. Natürlich bringt es überhaupt nichts, wenn man der Gesellschaft die Schuld an allem gibt; und man macht es sich dadurch auch verdammt einfach. Trotzdem emfinde ich die gegenteilige Meinung vom Menschen, der sich seit der Aufklärung zu eine völlig Selbstbestimmten und unbeeinflussbaren Menschen entwickelt hat als mindesten ebenso unrealistisch und einfach. Es mag ein paar wenige geben, auf die das vielleicht zutreffen mag, für die grosse Masse aber bestimmt nicht. Wenn man was verändern will, muss man einfach auch das immer berücksichtigen. Klar ist was an der Aussage dran, dass jede Veränderung beim Einzelnen beginnt. Doch wenn dieses Verändern ohne Blick nach Links und Rechts geschieht, dann bringt die Veränderung vielleicht für das Individuum selber etwas, nur kann man auch nicht erwarten, dass man sich in DIE richtige Richtung bewegt hat und somit seinen Teil zum Ganzen indirekt beiträgt. Womit wir wieder beim sich orientieren, zusammen kommunizieren und vielleiht auch beim zusammen handeln sind... und somit auch wieder bei der Gesellschaft.

[altered]

ok eg nimme das zur kenntnis. möcht aber nochli nochehooke.
am beste grad mitemene chli neue aasatz:

es goht jo do au nid ums absolut freie denke, sondern um d verantwortig und schuldfähigkeit vo der gsellschaft (insbesondere ufs biispil jugenddrogekonsum agwendet). und ig denke das du mir wirsch zuestimme wenn eg säge das mir mensche gnueg freies denke chönd ufbringe (wie au immer das jetz z stand mag choo) das me ihne chan verantwortig zuespreche. wenn nid denn isch alles egal, will mir den eifach nur gstüüret werdet vo entweder gsellschaft, naturgsetz oder wasauimmer. mer wered also sklave vom schicksal. wenn das so isch, den choi mer jetz ufhöre rede, alles hät sin sinn und mir hätte au kei möglechkeit eppis z endere.

wenn mir mensche aber verantwortigs fähig sind für euses handle, chan euses umfeld eus nur beiiflusse und nid bestimme, das bestriit eg au gar nid (und du seisch jo das au eifach mit andere wort, wenn ig das richtig gseeh.

es gedankeexperiment:

nach demm wo mir bis jetz ghört hend chönnts sii dass:
mir säge mer zu eim teil d verantwortig über eusi handlige hend und zumene andere teil het d "gsellschaft d verantwortig über euses handle, will si eus jo beiiflusst (eg möcht jetz nid über d grösseverteilig vo dere verantwortigsteilig rede, wird au nid nöötig sii).

wenn mir aber beachte das d gsellschaft us eus bestoht, säge mir mit dere ussag nur mir hend en verantwortig enander gegenüber, oder mir hend pflichte de andere gegenüber.
d verantwortig liit nid bi der gsellschaft oder d schuld, sondern bi de einzelpersone wo pflichte anderne gegeüber und sich selber gegeüber hend. aber en einzelperson chan nüt anders mache als nach ihrem beste wüsse und gwüsse handle und das isch au ihri pflicht.

wenn mir jetz also säged: "d gsellschaft isch schuld am drogekonsum vo de jugendleche"

isch das erstens en irrefüehrendi ussag, will me jo chönnt meine es git en gsellschaft usserhalb vo eus wo handligsfähigkeit het und en eigedynamik (was d gfahr bietet das me die fremdverantwortig usnützt zum sich us der verantwortig z zieh).
es isch vill besser z säge: "mir selber hend schuld, will mir eusi pflchte nid richtig erfülle"
aber konkret uf s biispill jugenddrogekonsum würd eg nid säge das mir schuld sind, will die meiste jugendleche immer no imene gsunde rahme, wenn überhoupt konsumiered, und 2tens mir oder au d gsellschaft eigentli doch d enthaltsamkeit plädiert und nid der drogekonsum. und wer sich nid ad regle vo der "gsellschaft" (gesetze! ja meine lieben die gibt es auch noch) haltet söll si nacher au nid für siis eigete schiitere verantwortlech mache.

kurz gseit: jede chan nur luege das er nach sim beschte wüsse und gwüsse handlet und versuecht us sine fähler z lehre. und söll nid anderi verantwortlech mache für sis handle süsch muss er sich nemmli au a das halte wo vo anderne bestumme wird.

[Psymäleon]

Ich denke man sollte nicht unbedingt von Schuld sprechen, die die Gesellschaft am Drogenkonsum der Jugendlichen hat (um mal beim eigentlichen Thema zu bleiben). Ich habe auch nie in der Art argumentiert wie Shmahu und Oli, finde aber ihren Ansatzpunkt doch sehr unterstützenswert. Denn Fakt ist, dass sich bereits nur in den 10 Jahren, seit ich die obligatorische Schule verlassen habe, doch so einiges verändert hat. Wer selbst im pädagogischen Bereich arbeitet, oder zumindest mal intensiv mit jemandem aus einem solchen Beruf diskutiert, wird das ohne Zweifel feststellen. Ob nun Jugendalkoholismus, immer gestörteres Essverhalten (was soll denn 00 für eine abartige Kleidergrösse sein) und viele andere Probleme von jungen Menschen in einem engeren oder weitern Zusammenhang mit gesellschaftlichen Strukturen und Problemlagen stehen, dass sei mal dahingestellt. Aber für mich steht ausser Frage, dass da ein Zusammenhang besteht. Die Jugendlichen sind überproportional von Arbeitslosigkeit betroffen, Lehrstellen fehlen und die Zukunftsaussichten sind auch eher unsicher; oder hat jemand wirklich das Gefühl, dass wir auf dem Weg in eine rosige Zukunft sind? All diese Dinge (und viele andere) führen zu Verwirrung, Orientierungslosigkeit, Ohnmacht und Perspektivenlosigkeit. Natürlich heisst führt dies nicht gerade zum Alkohol oder anderen Drogen, aber es ebnet doch den Weg in diese Richtung ziemlich. Klar hat es dann immer noch jeder selber in der Hand, was er tut und was er lässt. Doch wenn du keinen Grund hast, wieso du dir nicht auch das 10. Wochenende hintereinander die Birne zuhauen sollst (eben zum Beispiel eine einigermassen ansprechende Lehrstelle), dann wird noch so mancher Mensch schwach und tut Dinge, die im vor allem schaden.

Hier noch zwei Links... einer zu einer wissenschaftlichen Studie zur Gesundheit der Jugendlichen in der Schweiz und der andere, um eine abartige Richtung zu zeigen in die doch so einige junge (und auch ältere) Menschen gehen, die bestimmt ziemlich durch die Gesellschaft gefördert wird. Auch wenn die Magersucht ein heikles Thema ist (man muss den Link ja nicht anklicken) zeigt es doch nocch etwas besser als der Drogenkonsum, wieso ich die Gesellschaft zumindest als mitverantwortlich betrachte.

http://www.umsa.ch/smash_resume_al.pdf

http://www.stern.de/wissenschaft/mensch ... 70790.html

[wuchenendbefürworter]

ez bini grad chli verschrocke, dass es mittlerwiile so spat isch, aber bi zum glück no grad fertig worde mit lese...

also ich bin per zuefall au adere party am fritig gsi...und ja...es tuet mer leid aber ich ghöre glaub au zu dene jugendliche(181/2) wo völlig verantwortigslos irgendwelches züg inerüered...
ich ha sovil alk gsoffe dassis irgendwie voll nüme tschegd han, am morge händ mich jedefalls zwei mensche agsproche öb ich irgendwelches züg konsumiert ha(zum klarstelle: "nur" alk)

ichh glaube, ich bi mer vor de party völlig bewusst gsi dass ich verantwortigslos handle wird, die nacht, woni d rumfläsche ufgmacht han...

ich dänke mer händ scho die frei wahl, ohni en bestimmende gott, ohni öppis wo seit "we me das und das macht so wird das und das passiere",aber anderersits werded eusi ich`s ine welt ine gebore wos luter du`s git, nämlech die wo dich zumne "ich" mached und das "ich" anerchenned

also bin ich irgendwie das, was mer mini umwelt gseit häd ich sölls us mir mache, mal abgseh vode genvorussetzige...

ich gan mit emzug ad goa:

ich chönt au mit em auto gah(freie wahl) aber irgend so en regewaldindianer hät mer mal gseit ich söll nöd...drum findi etz d umwelt no easy...

ich suufe min öpfel-rum(mmmhhh lecka...):-)

chönd au en öpfelsaft trinke aber irgendwo hani mal min erschte suff gha... und irgendwie hätti huere angscht avor all dene verstrahlte lüüt wäni nöd druff wär...

ich gah chli go umestampfe:

chönd au irgendwo umehocke aber irgendwie bini mal ane goa go ineluege und han gseh dass es paar lüüt am umetanze gsi sind(wär no nie öpper am tanze gsi, ich bezwifles starch dass ich de erscht gsi wär..

das sind etz nur chli billigi bispil gsi aber ide chindheit wird meh sicher öppe so i dere art prägt und mer muen ja schlussendlich au nöd en bibeltreue chirchgänger werde wie deltere(min fall...)

cih glaube nöd ade 100% iifluss vode umwelt aber ich glaube adi 100% abhängigkeit devo, also dänk ich nöd dass d gsellschaft schuld isch a gwüsse verhalte vo jugendliche, wi z.bsp. mir, sondern dänk ich ener dass sich die sogennant gsellschaft(ich mein demit d gsamteit vo de mensche inere gwüsse gruppe, also etz grad d gruppierig schwiizer gsellschaft=alle menschen aus der schweiz) sich sött drüber klar sii was si für jede einzelni bedüted, wie abhängig dass jede einzeln vo de andere isch, demit mein ich nöd dass niemert für sich selber verantwortlich isch.
wä me eigeverantwortig wott ha muemer sich au de verantwortig für de ander bewusst si, will de ja nur dur dich selber existiert... ("ich sehe dass du mich siehst, also muss ich existieren")

gnue schrott verzehld etz chunt sandmännli...*schnarrch*

[Melliandra]

@wuchenendbefürworter

Das isch jetzt eis vo de schlauschde Posts i dem Thread!

*Hut ab* und jetzt söll no eine öbis über die arme arme verwirrte Jugendliche säge!

Han de Thread au gläse und ganz ehrlich, simmer alli scho so Erwachse
wiemer düend? Glaubes nid!

Prosit und guete Morge.

[Shmahu]

@melliandra: ich weiss nöd, i was füreme umfäld du uufgwachse bisch, aber es git chind, die chömed mit de erwartige, mitem überfluss und mitem druck i eusre wält (familie, arbetswält, medie, schuel und und und...) überhaupt nöd zschlag. und us dene chind giz jugendlichi wo sich wüki nüme andersch z hälfe wüssed, als driizschlaa, sich d bire vollzkiffe, sich völlig denäbe z benä. nur will di einte das mit vollem bewusstsii mached, heisst das no lang nöd, dass si di eleinigi verantwortig defür träge chönd. wieso werdet si dänn so?

im chinzgi gsehni tagtäglich, dass es immer meh chind git, wo eifach vor de fernseh oder vor d playstation gsetzt werdet, zum si ruhigstelle. das sind chind, wo immer irgend öppis bruched zum konsumiere und zum sich ablänke, will si nüt meh mit sich azfange wüssed, will si fasch nie veruse gönd, will si scho lang de bezug zu de natur und zu sich sälber verlore händ.
genau für die chind giz projäkt, wo under de suchtprävention laufed. will mer usegfunde hät, dass chind, wo nöd chönd mit langwiil umgaa, spöter vill meh suchtgfärdet sind, als anderi (und dänn gaaz nüme nur um de fernseh oder d playstation sondern au um anderi suchtmittel).

das isch nur eis biispiil, was d gsellschaft für en iifluss hät uf chind und was das für en zämehang mit em thema droge hät.

hoffe, ich han mi einigermasse verständlich uusdruckt...

[Melliandra]

Shmahu mies Mami schafft als Heilbedagogin inere Primarschuel. Ich
han geschder mit ihre 3 Stund über die Problematik gret, sie setzt sich
Tag täglich mit so „Fäll“ usenand. (Ok weiss au nid öb ihre das guet duet)

Ich gibe dier oder euch (hehe) i dem fall rächt, dass es nid guet isch so
wies isch. Und das öbis muess gah. Aber ich findes fahrlässig de Chind
die ganz Schuld wäg znäh. Wenn es Chind immer anderi schlad, denn
schlads immer no sälber. Klar es kännt nüd anders, viellicht heds nid
gnueg Ufmerksamkeit aber au denn muess es lerne dass mer das nid
macht und Konsequänze träge.

Us dem Chind wird en Erwachsene! Und du hesch sälber gseid en
Erwachsnige muess für sich sälber dVerantwortig übernäh, ja hesch du
sGfühl de cha das wenn ers als Jugendlfiche oder als Chind nid lernt was
es heisst für sich und dUmwält verantwortig z’übernäh?

dGsellschaft isch tschuld ja, will mer dAuge verschlüssed und nid
duregrieffed. Viellicht au kei Chraft meh händ, dElter z’viel müend schaffe,
dChind scho alles händ und drum de Kick i de Droge suech, was weiss ich.

Aber das heisst für mich nid dass ich nid söll de Jugendlich verurteile wo
sich mit Droge voll pumt, oder zumindescht nid meh und weniger als de Rescht wo das macht.

So und jetzt bini glaub voll off topic... sorry...

[GlücklichAmTanzen]

http://www.puraramaryam.de/suchtbefrei.html

[Jones]

Keine Männer, keine Frauen -- nur Kinder!