25.04.09 Storche Stampfele - Steg ZH

[bestia_climae]

omg omg OMG! das isch echt e saugeili party gsi!
>>> später meh, bi gad ufm sprung...

[atombrot]

Sodeli, s gfläschte wuchenend isch wider verbi, d hütte isch ufgruumt und putzt, platz und de weg abe zum bahnhof isch gfötzled, alles material wider an ort charet wos kört... puh...

danke für eues feedback... natürlich isch au negativi kritik erwünscht, will mier wönds ja wider, und besser mache d sound alag wär eigentlich nödemal so schlecht, aber mier hend si denn nöd chöne (oder wölle) ganz uftrülle, will mer befürchtet hend, dass es wider ussetzer bim bass ge würd. zudem isch euses budget recht beschränkt gsi.das wömmer s nöxscht mal aber besser mache.

und köre gern, das es paarne lüt details ums ganze ufgfalle sind. hend wüki vill zit investiert, und hend au villi liebi lüt ka, wo eus mega debi understützt hend (sogar eusi goa hasserin nina het sich voll bemüet ).

würd au no gern was negativs säge (und nöd agsproche fühle, wenns eu nöd betrifft)... wenn ier ufem heiweg vo de party sind, und ier möged halt nöd eui leeri dose bis zum nöxschte chübel z "träge", denn tüends doch wenigstens eifach an wegrand legge. finds echt denebed wemmer mues in bach chlettere oder steili böschige durab, nur will irgendwelchi glünggis gfunde hend, si schmeissed ihre abfall det abe. mier mached eusi parties verusse, will mier gern verusse sind, mier de wald gern hend, wills eifach chli erwärmender isch als i irgend eme club. aber hebed dem doch au sorg. es isch sones schöns täli, und isch eifach schad, wenns eifach so zuegmüllt wierd.

und no was chlises zum thema shuttle bus (die wo gmeint sind, sötteds eigentlich merke)... nemeds eifach isi. mier sind au nur mensche, und au mier bruched mal schlaf (ja, sogar eusi fahrer)... han vo eusere morge fahrerin recht abstrusi sache kört vo lüt, wo eifach blöd ta hend. es grüppli heg sich am shuttle in weg gleit und en am ufefahre ghinderet, wills gfunde hend, si müend jetz sofort an bahnhof und gönd erscht weg, wenn si de shuttle mit nimmt. es anders grüppli heg di ganz fahr probiert eusi fahrerin z überrede, dass si si uf luzern fahrt (he schliffts no?)! vo anderne isch si agmacht worde, dass si eh nöd nomal abechunt und si nur verarsche wott, wenn si seit si chunt gad wider...
wött dadezue eifach säge, sind doch froh dass de shuttle gfahre isch. vorallem mit so zwüsche fäll zehrt das recht a de nerve vo de fahrer, und während d lüt nacher dune am bahnhof uf de zug gönd, muess de fahrer trozdem wider ufe, di nöxscht ladig go hole...

da nomal es mega fetts danke schöne ad jannick, wo vom friitig bis am mäntig abig am fahre gsi isch, praktisch nüt vo de party mit übercho het, und trotz de teilwis schwirige umständ dureghebet het. isch e satti leischtig.

ebe, das mitem shuttle sind einzelfäll gsi, di meischte lüt seged au voll gmüetlich und nett druf gsi ufem abeweg, aber has glich no wölle säge, wills einzelni sich teilwis eifach wüki total egoistisch und arrogant beno hend.

sorry, dasi das no han müese aspreche, aber villicht nützt s ja was, dass sich d lüt bi zuekünftige parties villicht mal chli gedanke mached, bevors los motzed und en riise stress mached. (finds cool, bin sogar no vo eim agschribe worde, dass er sich bi de fahrerin entschuldige wott, will er gmerkt het, das er sich total denebe beno het)...

ich hoffe mer gset sich wider a de nöxschte party, het echt spass gmacht mitem ganze sauhufe ufem platz und mues au no säge, au wenn bim platz doch chli abfall umeglege isch (au umliegend) hetts sichs doch einigermasse in grenze ghalte mit de unordnige, und zum glück hend eus es paar lüt denn am morge no bim fötzele ghulfe, so dass mier s chli gmüetlicher hend chöne ne, nach dere nacht.

ich wünsche eu allne no e schöne ziit, bis wider mal ufem dancefloor

tom

[essiggurke]

jop dä hämmär gfundä, isch bi mir dihai

oooke!!! de alass het soebe es oberwürdigends prädikat verdient!!!!! heti nöd fü möglich ghalte. chapeau!! *froi*
öhm. ach. ich schrib pn. isch glaubs eifacher!

[atombrot]

so, nomal was churz ahänke. wem mis set gfalle het, han en teil vo mine songs im internet zum alose und abelade. finde chönder das ganze da: http://soundcloud.com/atombrot/sets/new-psy-set

vill spass

[audioattack]

isch e tolli party gsi, mit tolle lüt, eme warme ofe usw.! super hani au gfunde dass me si eifach gfunde hend und kei partysuechaktion han müese mache!

[0x1d]

vo minere siite au es dicks dankäschöön ad orga =)
da händer echt ä supper party uf d bei gstellt!
s hät wieder mal richtig spass gmacht! isch no krass wiener d bühni über em fluss baue händ xD
super location =) s öfeli und s füürli dusse händs echt bracht ^^ isch teils no zimli chüehl worde znacht..
und danke no dasi am morge no ha däfe uflege! au wenns es paar panne gäh hät und min laptop afange hät lagge.. xD
finds au kuul dasi nöd gad all lüüt vom dancefloor vertriebe han xD au wenner sich bi mim intro lied (wo ja extrem langsam gsii isch) scho zimli gläärt hät xD

alles i allem echt ä edli party! =)

[nicoletta]

Ich han die party arschgeil gfunde. und vorallem de sound
han überhaupt nüt dra uszsetze. simon,dis set isch dä wahnsinn gsi.

IMMER WIEDER GERNE...

[bestia_climae]

sodeli, namal chlises feedback...

ich hetti ja überhaupt nöd damit grechnet, dass de chilloutbereich so kuschelig gsi isch; bin amel doch recht froh gsi, hani mich ide hütte dine chli chöne ufwärme oder mal verschnuufe. wobii mich de place geg morge so richtig het afange verzaubere, zumals doch en ziemli schöne ort gsi isch! sogar dsunne het am spötere vormittag sich blicke lah, sodass mer sich das ganze na chli meh het chöne uf de zunge zergah lah. und dlüütlis sind echt super druff gsi, isch echt toll gsi, mit sovielne freudige lüüt zfiire

d bar und s organisierte zmörgeli hani super gfunde; es dankeschön as stärndli für de o-saft! und na min respekt ad nina! zum sound und zum ambiente mueni glaubs echt nüt meh säge, isch eifach nur saugeil gsi, vor allem s duett vo abraxas und atombrot, und endli hani au mal de pd live gseh/ghört
bin eigedli am morge scho ziemli futsch gsi, aber ha nöd chöne höre umegwackle . am spätere namittag bini denn aber doch ziemli froh gsi, het eus djannick denn na an bahnhof abegfahre! oh, und no es danke schön, dass mer s büssli mit eusem zigiqualm hend dörfe entweihe, isch so friedlich gsi, danke danke!

schlüsselblume hin oder her, en wunderschöne ort isch mal wieder mit fettem sound plattgfetzt worde
bis zum nägschte mal, hoffi
liebs grüessli, marie

[bestia_climae]

es hett ganz luschtigi lüt gha, bis uf ei usnahm, wo sich so frei gfühlt hett immer de fraue z nöch z cho, sie azsabbere und agaffe so direkt, dass es andri partybsuecher agwidderet het(natürli vor allem fraue)
grosses pfui dadazue!!!

wenn den selben meinst wie ich, hatte ich auch das vergnügen. Muss dazu aber ganz ehrlich sagen, dass er zwar sehr aufdringlich war, aber irgendwie auf ne lustige und nette art. Hab die ganze zeit nur geschmunzelt
Der war so voller freude, der hätte glaub am liebsten die ganze welt umarmt Hatte da wirklich schon ganz andere erlebnisse, aber hast ja recht pfui, pfui, pfui

also wenn ihr den meint, wo ich denke, dass ihr den meint, dann lasst gut sein, dem ist nicht mehr wirklich zu helfen... klingt bös, is aber so

[flüppchen]

es hett ganz luschtigi lüt gha, bis uf ei usnahm, wo sich so frei gfühlt hett immer de fraue z nöch z cho, sie azsabbere und agaffe so direkt, dass es andri partybsuecher agwidderet het(natürli vor allem fraue)
grosses pfui dadazue!!!

wenn den selben meinst wie ich, hatte ich auch das vergnügen. Muss dazu aber ganz ehrlich sagen, dass er zwar sehr aufdringlich war, aber irgendwie auf ne lustige und nette art. Hab die ganze zeit nur geschmunzelt
Der war so voller freude, der hätte glaub am liebsten die ganze welt umarmt Hatte da wirklich schon ganz andere erlebnisse, aber hast ja recht pfui, pfui, pfui

also wenn ihr den meint, wo ich denke, dass ihr den meint, dann lasst gut sein, dem ist nicht mehr wirklich zu helfen... klingt bös, is aber so

genau genau, is so weil is so... amen

[0x1d]

haha besagti person findet droge sowieso scheisse und wot eigentli gar nüt mit goa z tüe ha