Sind Goaner wirklich so Naturfreundlich....?

[stärNdli]

Liebi Lüd!
Es heisst ja immer wie naturverbunde d goaner sind...
Aber wie möched ihrs mit em züg wegrüehre...?
Zigistümmel, Bierfläsche usw....
Aso nach de party in wohle(Hammer party gsi! ) sind mir erst am abig heigange und was ich det uf em weg alles gseh han umeliege...
Echt schlimm!
Naja klar chamer sege das no en anderi party nebed dra gsi isch aber ich denke au eusi lüd hend ihre bitrag a de müll gleistet.
Aber ich muess i dem punkt echt mal es lob a die verschiedene Partyorganisatione usspreche! Han jetzt scho öfters mitbecho wie genau gfötzelet wird und das bruchts halt eifach!!!!!
Mached wieter so!
Was haltet ihr den vo dem thema?
Kussss euches Stärndli

[Waldfrieden]

hehe... ech weiss s ergäbnis scho...



...und weiss späteschtens a de nechscht goa das es met em ergäbniss vo do ned öberistemmt

[Infected_xD]

hmmm guets thema,)

uf de tanzflächi, wenns chöbel hät, dänn rüehri min möll fort, ganz klar.
odr wenn mer es plätzli händ möche mer`s meischtens so das mer en plastiksack nähmet und de möll dehtä inä düend und dänn am schloss wenn mer hei göhnd rüehrä mers weg.

i mues abr au säge dasi ned so einä be wo wäge sim zigistömmel odr soscht es fötzeli na lang en chöbel suechä, weni einä gsehnä benötzi ehn au abr soscht.... tja

vo demher gseh fendis ganz guet was die lüüt a de party in rona gmacht händ *applause* jedem en ködersack i d`hand dröcke und es gebühr z`verlange hani en gueti sach gfunde, in rona hetts nähmli alli 5-10meter en abfallsack kah=)


Ps: Joa die party in wohlä isch de absoluti hammer gsi, hätti niemals dänkt das so z`säge vor minerä huustör so en geili und fredlechi party stattgfunde hät=)

[stärNdli]

hehe... ech weiss s ergäbnis scho...



...und weiss späteschtens a de nechscht goa das es met em ergäbniss vo do ned öberistemmt

Da chöntisch echt no recht ha...
Sege chamer viel aber mer muess es halt au mache!!!
Naja aso i bin gspannt wies usechund!

[Kollegoli]

ich rühr immer und alles inen chübel; usser be mir diheime.

wenns kein chübel hat, dann suechi eine oder nimms in hosesack oder in rucksack.

seinzig, wasi scho det lah han ,sind die verschissene nastüechli im wald, aber das wirdi in zuekunft miteme plastiksack löse (hani au scho gmacht, eifach nöd immer.)

ich finde, all das söttme eigentlich vo jedem erwate chönne, wo in wald ane party gaht.

[Tinnitus]

ich rüer normalerwiis alles in abfalleimer... und wenn grad keine ume isch, denn nimmis in hosesack und rüers in negschte. An Partys han ich immer en Plastiksack debi, am Endi wird euse Platz gfötzelet und de Sack stellemer det ane, wo scho anderi stönd.

Findes allgemein sehr wichtig, dass mr grad i de Natur, wo grundsätzlich niemer agstellt isch zum suuber mache, GAR NÜT an bode rüert, wo nit natürlich abbaubar isch!

Wenn ufem Trottoir mal was umeliit isch mir da glich, da gits agstellti vo de stadt wo so sache entfernet...

greetz
ZN

[Tamjee]

rüere eigentli immer alles in abfallchübel an partys,
wenni grad ufem dancefloor ben und kei chübel ider nöchi isch, chömet d'stummel halt in hosesack und bim nexte mol woni dra denke denn werd de hosesack gleert, bimne chübel
han au scho, bevor i vonere party heigange ben, de platz chli gfözelet

[Zauberwelt]

Ich nimm eigentlich immer einen Abfallsack an eine Party mit (aber auch das kann selten mal vergessen gehen). Für mich ist das kein Thema.
Wenn's die anderen Gäste nicht machen ist am Schluss nun mal der Veranstalter dafür verantwortlich dass der Platz sauber verlassen wird.

Es sind nun mal (meiner Meinung nach) die meisten der Partybesucher nicht so Umweltbewusst eingestellt wie unsere Wenigkeit hier, die darüber (und auch über andere Themen) diskutieren.

Gruss
Andi

[he]

also ich werf auch fast alles weg. manchmal lass ich mein zeug auch über die nacht am platz liegen, dann kommts aber bei helligkeit sofort in den müll...oder wir räumen auf wenn wir unser quartier verlassen.
aber ich muss auch ehrlich sein, ganz selten kmmt es das mal ne kippe auf dem boden landet..wo ich mich dann oft selber darüber ärger...ich find es super wenn am eingang säckle oder sowas für die kippen verteilt wird...denn sonst hab ich ähnliches nie zur hand. wenns keinen müll gibt, dann legen wir unseren müll immer auf einen haufen. was soll man machen wenn man keine tüte dabei hat. so wird es dann wenigstens einfach und sorglos entfernt.
wenn ich sonst irgendwo unterwegs bin such ich auch oft nach mülleimern bzw aschenbechern. wenn aber dann nach einiger zeit keiner kommt, ich aber grad in ner stadt bin oder so landet auch mal ne kippe auf dem boden..da wird se wenigstens entfernt. die putzkolone der stadt muss ja auch was zu tun haben
ach ja und ich bin überzeugt davon, dass viele auch behaupten dass sie sehr bewusst nichts fallen lassen..und es am ende doch tun.
die erste einsicht ist der weg zur besserung
aber keine angst im regelfall bin ich ekin verschmutzer

[Titali]

das het doch nüt mit goaner oder nicht-goaner ztüe! das isch e charaktersach oder es-sich-bewusst-sie-was-man-macht!

ich luege rächt guet, dass ich ir natur nüt wägschmeisse, meistens nimm ich no grad meh müll mit, als nur vo mir, alles was ich grad gseh umeliege! ire stadt isches mir glich uf dr betonstross, da wird ja eh jede tag putz!!!

wenn ich ihn andere länder bin, denn stöh mir mängisch hoor zbärg...im verglich zu asie inkl. russland sind mir ächt extrem umweltbewusst und es isch "einigermasse" suber... aber dennoch, finds mängisch glich schlimm, dä müll wos im wald, ir natur geng no het und äbe a parties, isch das no einisch öpis anderes... aber es wird ja när ufgrumt und gfötzelet nach dr party...

grüessli titali***

[Saphira]

das het doch nüt mit goaner oder nicht-goaner ztüe! das isch e charaktersach oder es-sich-bewusst-sie-was-man-macht!

Da stimm ich zu, es ist einfach eine Frage des Charakters. Allerdings wird man in dieser Szene schon auch ein wenig darauf sensibilisiert.

Ich werf meinen Müll immer in Abfalleimer und Zigistummel gehören klar nicht auf den Boden. Aber ob ich deswegen super umweltbewusst bin - wohl kaum. Wenn ich da an meinen Papierverbrauch im Büro denke, oder auch an den Batterienverbrauch mit meiner Digicam, anstatt mal einen Akku zu besorgen. Viele Dinge muss ich noch verbessern. Aber eben in Sachen Müll einfach auf den Boden schmeissen... das versteh ich nicht. Das hat einfach keine Kultur, auch nicht auserhalb von Parties. Und wenn ich in den Wald gehe und bei Feuerstellen einen Riesenhaufen Abfall rumliegen sehe, stellt es mit echt die Haare zu Berge.

[bloodflower_of_psy]

also ich achte sehr druf das ich alle abfall weg ruhm! au zigistümel dun ich immer in hosesack chan aber au passire das i was achtlos weg wirf aber im normal fall net...

[Shmahu]

ich finds mängisch au zimli bedänklich wasi gsehne... lüüt, wo ihre abfall eifach under de nächschti baum rüered. mir chunt das zimli arrogant ie, so nachem motto: "de wald ghört mir, ich dörf demit mache was ich will..". findi eifach nur schlimm...

lüüt wo ihri zigistummel eifach uf de bode rüehred, händ miner asicht weder respäkt vor de natur, no vor de mänsche, wo d party organisiered... sie wüssed nämli ganz genau, dass nachher mues gfötzelet werde... isch ihne schiissegal, sie müends schliessli nöd mache und händ fürd party zallt....bbäää...*würrg*

seinzig, wasi scho det lah han ,sind die verschissene nastüechli im wald

ich han meistens es füüzüg debi, so dasi bruchts wc-papier chan verbränne.

[chrüsimüsi]

alle abfall ghört in abfall chübel isch doch ganz klar und für zigi stummel gits immer e lösig het jo am zigi päckli en plastik dra womers chan ine tue. ich finds total respektlos wenn mer sin abfall eifach an bode wörft. aso hebed bitte alli sorg!

cu im subere wald:D

[Waldfrieden]

ach schön sind alle so naturverbunden und umweltbewusst. da werde ich ja an der nächsetn goa lediglich dreck von 4 personen sehen