di absolute ekel-schudder-früür-gfühl!

[Linda]

Spinnen!!! Umso grösser umso schlimmer! Da steigt mirs Blut in den Kopf, das Herz schlägt ganz schnell und das Atmen fällt schwer! Jaja die kleinen Tierchen haben mehr Angst vor mir als ich vor ihnen...... glaub ich nicht

Und das Innere einer Paprika, der Kern an dem ganz viele kleine Kernchen stecken... umso mehr Kernchen umso schlimmer brrrrrr!!!!

[piraña]

...na ja...

...das gfühl vom überraschende, unagmäldete ameisirenne uf mim hals, usglöst dur en frauezunge i mim öhrli - nei, scheissegal wie lang mer eus kenned, und was mer midenand scho triebe hend - aber das geschlabber mit dene tön verchnüpft isch mir eidütig zviel...

[M!GuZ / Wasabidelux]

Ganzklar s Übelschte grüsch esch Stüropor mein gottt wäääääää do Schpreng ich im hoche boge weg

Das 2tübelste esch de Piipston vo Tv`s oder andere elektonische grät

[Dragonfly]

Uuuh jo, Fingerknacke isch grauehaft oder au mitem Gnick knacke. =; Und süsch...hmmm, ah jo: Ufchläber, egal was, ob Stickers oder irgendwelchi Priischläber uf dr Hut findi abscheulich!!!

[Psychobella]

us Versehe uf en Rossbergschnägg stah...

*schüttel* *würg*...

[supercell]

apropos schnegg....

han mal nach ere nächtleche schwimmaktion ide badi mini schueh wider agleit, bi par meter gloffe und ha den festgstellt, dass do irgendwas komischs i mim schueh ine isch, en kaugummi oder so. Woni den gluegt ha ischs den, ja ebe, en schnegg xii. sone gruusige bruune grosse schnegg wo natürlich zwüsche mim fuess und em schueh nüm lang schnegg xi isch.

[isis mondkind]

fingernägel wo fast ganz abkätsched sind, pfui!
unuusdrückti pickel mit wissem eitergüpfli, eklig!
chappechäs und überhaubt lüt wo chäselet, no comment!
hypernervösi lüt, macht mi wahnsinnig!
schnudderis ohni nastüechli, zum duredrähe!
uf öppis undefinierbar härts bisse bim ässe. iiiiiih!!!!
boney-m und abba

hiiilfeee!

[Ganesha]

ahhhhh hammer es git au anderi lüüt wo das empfinde hammer han gmeint das seg e psychose vo mer


bi mir isch das su so

wenni holz allgemein muss ah länge das isch so schlimmm mein gott mich gfrürtz ide zäh ade huut chumi so es gfrüüür gfühl über

und bi karton und ziiitig findis mega schliimmmm
ich mach mir scho lang über das gedanke was das chönt siii


auuauaua

[Traumtänzer]

Das wo mi am meiste drustuet isch aues scho gseit worde: uf Alufolie bisse, mitere Gable ufem Täller chratze (oder z.B. wes Fondue git und me när die letschte Räste us der Pfanne chraut ), mit de Fingerchnöchle knacke und när natürlech no der Klassiker: uf öppis herts bisse im ässe. Ds schlimme dört dranne isch när dasi nie weis ob das Herte nid o grad e Bitz Zahn vo mir isch gsi... <_<